Daniel 11:40 - ŊMALƐ KRƆŊKRƆŊ LƐ

⁴⁰ “Kɛji Siria maŋtsɛ lɛ naagbee be lɛ shɛ lɛ, Ijipt maŋtsɛ lɛ baaya eyatua lɛ. Siria maŋtsɛ lɛ baafã tamɔ ahum ekɛ Ijipt maŋtsɛ lɛ abakpe kɛ tayaa shwiilii kɛ okpɔŋɔtalɔi kɛ lɛji babaoo. Ebaatua shikpɔji babaoo, ni ebaatsɔ̃ amɛnɔ kɛho tamɔ faa ni eje ŋa.

Ṅmãle̱ Kroṅkroṅ Le̱

⁴⁰ Ni nāgbē be le̱ mli le̱ wuoyigbe̱ maṅtše̱ to ke̱le̱ aaši; ni kōyigbe̱ maṅtše̱ le̱ aafã ke̱-aba eno̱ ke̱ ſīlii ke̱ okpo̱ṅo̱i-atše̱mei ke̱ le̱dši babaō, tamo̱ ahum, ni eeba šikpõdši le̱ ano̱, ni eeho tamo̱ nu babaō, ni eetšṍ no̱ ke̱-aho.

Daniel 11:40 ပူးပေါင်းရင်းမြစ်များ

Yesaia 21:1

Babilon he gbalɛ nɛ. Bɔ ni lasuogbele tswaa kɛjɛɔ shiaŋa lɛ nɔ yɛ wuoyigbɛ lɛ, nakai haomɔ aaajɛ shikpɔŋ ko ni he yɔɔ gbeyei nɔ aba.

Yesaia 5:28

Amɛgãimlibii anaa ba, ni amɛtataa amɛgãi lɛ; amɛkpɔŋɔ akoklotoi tamɔ tswɛrɛbo, ni amɛshwiilii anaji lɛ tsɔ̃mɔɔ amɛhe oyaoya tamɔ lasuogbele.

Yesaia 66:15

Ejaakɛ naa, Yehowa aaaba kɛ la, ni eshwiilii lɛ aaanyiɛ lasuogbele mli kɛaaba, ni ekɛ mlila kpele aaawo ehenyɛlɔi lɛ anyɔmɔ; ni ekɛ la lilɛii aaakã ehenyɛlɔi.

Yeremia 4:13

Naa, henyɛlɔ lɛ efã kɛmiiba tamɔ atatu; etayaa shwiilii lɛ tamɔ lasuogbele; ni ekpɔŋɔi lɛ ahe yɛ oya fe okropɔŋ. Kpoo hã wɔ. Wɔhiɛ ekpãtã!

Ezekiel 38:4

ni madɔ oyi, ni mawo okadaaŋ kpoŋ, ni magbala bo kɛ ota lɛ fɛɛ kɛje kpo. Magbala okpɔŋɔi lɛ kɛ amɛnɔtalɔi ni wo amɛdamai fɛɛ; asafo kpele ni hiɛ amɛtsɛŋi wuji kɛ tsɛŋi bibii kɛ klante.

Ezekiel 38:9

Bo okɛ ota lɛ fɛɛ aaafã kɛaaba tamɔ ahum, ni majimaji pii aaafata ohe ni ooofee tamɔ atatu ni baaha shikpɔŋ lɛ nɔ.”

Daniel 11:10

“Siria maŋtsɛ lɛ bihii baabua tabilɔi babaoo anaa amɛkɛsaa amɛhe amɛhã ta. Ta ku lɛ eko baafã, ni ebaakpãtã nɔ fɛɛ nɔ ni yɔɔ egbɛ nɔ hiɛ, tamɔ faa ni eyi kɛteke nɔ. Abaawu ta lɛ aahu kɛyanina Ijipt maŋtsɛ mɔɔ lɛ diɛŋtsɛ.

Daniel 11:11

Ijipt maŋtsɛ lɛ kɛ mlila baafã kɛbanina Siria maŋtsɛ lɛ, ni ekɛ lɛ baawu, ni ebaaye enɔ. Siria maŋtsɛ lɛ kɛ ta kpele baaya ta lɛ, shi abaaye enɔ kunim.

Daniel 11:13

Ejaakɛ Siria maŋtsɛ lɛ baaya esɛɛ eyabua tabilɔi babaoo fe tsutsubii lɛ anaa, ni afii komɛi asɛɛ lɛ ebaaku esɛɛ eba ekoŋŋ kɛ ta kpele kɛ tawuu nibii.

Daniel 11:22

Tabilɔi fɛɛ ni aaate shi awo lɛ lɛ, ebaabɛɛ amɛ eshwie. Nakai nɔŋŋ ebaafee kpãŋmɔ lɛ lumɔ lɛ diɛŋtsɛ.

Daniel 11:25

“Hewalɛ kɛ ekãa ni yɔɔ emli lɛ baakãnya lɛ koni ebua ta kpele naa koni ekɛ Ijipt maŋtsɛ lɛ ayawu. Ijipt maŋtsɛ lɛ hu kɛ ta kpele baaba ekɛ lɛ abawu; shi Ijipt maŋtsɛ lɛ yeŋ kunim, ejaakɛ abaato eshigbeemɔ he ŋai srɔtoi ashi lɛ.

Daniel 11:35

Abaagbe maŋbii lɛ ateŋ nilelɔi lɛ ekomɛi; shi akɛ amɛgbele lɛ baatsuu Nyɔŋmɔ webii lɛ ahe koni amɛyɛ futafuta. Nii nɛɛ baaya nɔ kɛyashi naagbee be lɛ baashɛ, ni ji be ni Nyɔŋmɔ eto lɛ.

Daniel 11:39

Nakai ebaafee yɛ mɔji ni wala lɛ amli ehã maŋsɛɛ nyɔŋmɔ ko ni eeekpɛlɛ̃ ehewalɛ nɔ. Mɛi fɛɛ ni buɔ lɛ akɛ amɛnɔyelɔ lɛ, ebaawo amɛhiɛ nyam, ni eeehã amɛye mɛi pii anɔ; ebaajara shikpɔji lɛ amli ehã amɛ akɛ amɛnyɔmɔwoo.

Daniel 11:7

Nɛkɛ be mli nɔŋŋ lɛ, maŋtsɛ biyoo lɛ wekunyo ko baate shi, ni ebaaye maŋtsɛ. Gbɔmɔ nɛɛ baafã ta kɛbatua Siria maŋtsɛ lɛ kɛ etabilɔi lɛ kɛyabote maŋtsɛ lɛ mɔɔ wulu lɛ mli, ni ebaaye amɛnɔ kunim.

Daniel 12:4

Shi ekɛɛ mi akɛ, “Bo, Daniel, tsiimɔ wiemɔi nɛɛ anɔ, ni osɔo wolo nɛɛ naa kɛyashi naagbee be lɛ. Ni mɛi pii aaagba amɛhe naa kɛya kɛba kɛtao nɔ ni eba lɛ shishi; ni nilee aaafa.”

Daniel 12:9

Eto he ekɛɛ akɛ, “Daniel, kwɛmɔ ohiɛgbɛ ni oya! Wiemɔi lɛ atsimɔ nɔ, ni asɔo amɛnaa kɛyaashi naagbee be lɛ aaaba.

Daniel 8:17

Gabriel tsi eba he ni midamɔ lɛ; shi gbeyei mɔ mi, ni mikɛ mihiɛ bu shi. Kɛkɛ ni Gabriel kɛɛ mi akɛ, “Ao! Gbɔmɔ Adesa bi, na ole akɛ je lɛ naagbee he ninaa nɛ.”

Habakuk 3:14

Okɛ okpɔlɔ lɛ gbulɔ etabilɔi ni ba tamɔ lasuogbele koni amɛbagbɛ mi amɛshwã kɛ mliflimɔ, tamɔ nɔ ni amɛba ohiafo piŋmɔ yɛ teemɔ mli lɛ.

Zakaria 9:14

Agbɛnɛ Yehowa aaapue yɛ ewebii lɛ anɔ ni egãimlibii lɛ aafliki tamɔ srawa gbalaa lɛ. Nuŋtsɔ Nyɔŋmɔ lɛ diɛŋtsɛ ni aaakpã eta tɛtɛrɛmantɛrɛ lɛ, ni eeefã tamɔ wuoyigbɛ lasuogbele.

Kpojiemɔ 16:12

Ni bɔfo ni ji ekpaa lɛ fɔse etɔ lɛ mli nii lɛ ewo Eufrate Faa agbo lɛ mli. Ni emli nu lɛ gbi, koni akɛsaa gbɛ ahã maŋtsɛmɛi ni jɛ hulu shiteehe lɛ.

Kpojiemɔ 9:16

Ni tabilɔi ni tara okpɔŋɔi anɔ lɛ ayibɔ ji akpe toi akpei ohai enyɔ; minu amɛyibɔ lɛ.