Daniel 11:4 - ŊMALƐ KRƆŊKRƆŊ LƐ

⁴ Shi be mli ni egbojee lɛ ehe shi jogbaŋŋ lɛ mli nɔŋŋ ni emaŋtsɛyeli lɛ baagbee shi. Emli baagbala srɔtoi ejwɛ kɛya jeŋ koji ejwɛ lɛ. Mligbalamɔi nɛɛ anɔyeli baaya ayaje mɛi ni amɛjeee maŋtsɛ nɛɛ shwiei adɛŋ; shi moŋ nɔyelɔi hei nɛɛ ahewalɛ kɛ maŋtsɛ lɛ hewalɛ yeŋ hegbɔ; ni abaashɔ̃ maŋtsɛyeli lɛ ekoŋŋ yɛ mɛi nɛɛ adɛŋ ahã mɛi krokomɛi.

Ṅmãle̱ Kroṅkroṅ Le̱

⁴ Ši ké̱ ete ši edamo̱ ši le̱, emaṅtše̱yeli le̱ aadſa, ni *aadša mli ke̱-ya ṅwei kō̱yo̱i edſe̱ le̱ mli gbe, ši dšee esešibii aaṅõ-hã, ni asaṅ dšee ehewale̱ ní eke̱ye no̱ le̱ nā aaye no̱, ni emaṅtše̱yeli le̱ aašõ ahã meikrokomei, ši dšee mene̱mei. *8,8. 22.

Daniel 11:4 ပူးပေါင်းရင်းမြစ်များ

Lalai 39:6

Lɛɛlɛŋ, gbɔmɔ fɛɛ gbɔmɔ lɛ, ehoɔ eyaa tamɔ hɔɔŋ. Anɔkwa, egbaa ehe naa yakatswaa. Etĩaa nii anaa, tsɛbelɛ eleee mɔ ni baaye.

Jajelɔ 4:8

No ji mɔ ko ni ebɛ mɔ ko mɔ ko, ebɛ bi lɛ, ebɛ nyɛminuu hu, kɛ̃lɛ ekpaaa deŋmegbomɔ, ni nii ni ena hu esaaa ehiɛ. Gbɔmɔ nɛɛ biko ehe dã akɛ, “Kwɛ, namɔ kwraa hewɔ ni migboɔ deŋme, ni mikamaa mihe jeŋ ŋɔɔmɔ nɛɛ?” Enɛ hu yakanii ni, kɛ awerɛho sane fɛɛ.

Yeremia 12:15

Shi be ni mishwie amɛ sɛɛ lɛ, mimusuŋ aaatsɔ̃ mi yɛ amɛhe, ni mibaku sɛɛ mikɛ amɛteŋ mɔ fɛɛ mɔ aba lɛ diɛŋtsɛ emaŋ kɛ eshikpɔŋ nɔ ekoŋŋ.

Yeremia 12:17

Shi kɛji maŋ ko booo toi lɛ, no lɛ mafã nakai maŋ lɛ kɛ eshishi fɛɛ, ni mibakpãtã ehiɛ. Mi, Yehowa, mikɛɛ.”

Yeremia 18:7

Be fɛɛ be ni makɛɛ yɛ maŋ ko loo maŋtsɛyeli ko he akɛ mafã lɛ kɛ eshishi fɛɛ koni majwara lɛ wɔtsɔwɔtsɔ lɛ,

Yeremia 31:40

Jɔɔ ni eyi obɔ̃ kɛ gbohii kɛ tumo lɛ, kɛ ŋmɔji lɛ fɛɛ aahu kɛyashi Kidron Faa lɛ naa, kɛyashi Okpɔŋɔi Agbo lɛ koŋ ni ye bokãgbɛ lɛ he lɛ, enɛɛmɛi fɛɛ baatsɔ̃ nɔ krɔŋkrɔŋ ahã Yehowa. Akumɔŋ, ni abutuŋ maŋ nɛɛ dɔŋŋ kɔkɔɔkɔ kɛaatee naanɔ.”

Yeremia 45:4

Bɔ ni okɛɛ Baruk nɛ. Nɔ ni, Yehowa kɛɛ nɛ, “Naa, nii ni mima mima shi lɛ, mi nɔŋŋ miikumɔ mashwie shi, ni nii ni mi nɔŋŋ mitɛo lɛ, miifamɔ mashwie. Nakai ji bɔ ni mikɛ shikpɔŋ muu lɛ fɛɛ yeɔ nɛɛ.

Yeremia 49:36

ni mahã kɔɔyɔɔ atswa kɛjɛ jeŋ koji ejwɛ lɛ abashwie Elam nɔ, ni mibagbɛ amɛ mashwã jeŋ koji ejwɛ lɛ ni ji kɔɔyɔi lɛ ajɛɛhei lɛ, ni maŋ ko ehiŋ shi ni Elambii ni mibagbɛ amɛ mashwã lɛ eyajeŋ jɛi.

Ezekiel 37:9

Agbɛnɛ Mumɔ lɛ kɛɛ mi akɛ, “Gbɔmɔ Adesa, gbaa ni okɛ mumɔ lɛ awie ni okɛɛ mumɔ lɛ akɛ nɔ ni Nuŋtsɔ Yehowa kɛɔ nɛ, bo mumɔ, jɛɛ jeŋ koji ejwɛ lɛ mli ni obamu oshwie nɛkɛ mɛi ni agbegbee nɛɛ anɔ koni amɛna wala.”

Daniel 7:2

Daniel ŋma akɛ, “Mina yɛ mininaa lɛ mli akɛ nyɔɔŋ kɔɔyɔɔ efã kɛjɛ jeŋ koji ejwɛ lɛ fɛɛ, ni ehã ŋshɔ fee hamahama.

Daniel 7:6

Enɛ sɛɛ lɛ mihiɛ kwɛmɔ kɛkɛ ni kooloo kroko ko hu fã kpo. Etamɔ kootsɛ; shi eyɛ fiji ejwɛ, ni etamɔ nɔ ko ni aŋɔ nɔyeli hewalɛ kpeteŋkple ahã lɛ.

Daniel 7:8

Mihiɛ aklontoi lɛ kwɛmɔ kɛkɛ lɛ naa aklonto hee bibioo ko ekwɛ̃ kɛje kpo yɛ amɛteŋ. Aklonto bibioo nɛɛ fãmɔ aklontoi memeji lɛ ateŋ etɛ̃ kɛ amɛshishi fɛɛ eshwie. Aklonto nɛɛ yɛ hiŋmɛii tamɔ gbɔmɔ hiŋmɛii ni eyɛ naabu, ni ekɛmiiwie shwãa wiemɔi agboiagboi.

Daniel 8:22

Bɔ ni aklonto kome nɛɛ kũ, ni aklontoi ejwɛ baye enajiaŋ lɛ, nakai Hela maŋtsɛyeli lɛ mli baagbala ejwɛ; shi amɛteŋ eko eko hewalɛ shɛŋ klɛŋklɛŋ maŋtsɛyeli lɛ hewalɛ lɛ.

Daniel 8:8

Kɛkɛ ni too kpakpo nɛɛ bɔ̃i ehenɔwomɔ, ejaakɛ esusu akɛ eje agbo. Shi be ni ehe kɛɛ ewaa kwraa lɛ, aku eklonto agbo lɛ. Kɛkɛ ni aklontoi ejwɛ krokomɛi je kpo faŋŋ yɛ aklonto agbo kome lɛ najiaŋ ni amɛmiikwɛ jeŋ koji ejwɛ lɛ fɛɛ.

Zakaria 2:6

Yehowa kɛɛ, “Huui! Nyɛkua nyɛsɛɛ kɛjɛa kooyigbɛ shikpɔŋ lɛ nɔ kɛbaa Yerusalɛm; ejaakɛ mi, migbɛ nyɛ mishwã tamɔ ŋwɛi kɔɔyɔi ejwɛ lɛ.” Yehowa kɛɛ,

Zakaria 6:5

Bɔfo lɛ hã mi hetoo ekɛɛ akɛ, “Enɛɛmɛi damɔ shi hã ŋwɛi kɔɔyɔi ejwɛ lɛ. Amɛmiiya amɛkɛ amɛhe ayatsɔ̃ɔ jeŋ fɛɛ Nuŋtsɔ lɛ, koni no sɛɛ lɛ amɛya ŋwɛi kɔɔyɔi ejwɛ lɛ aŋɔɔ.”

Mateo 12:25

Shi akɛni Yesu yoo amɛjwɛŋmɔi lɛ, ekɛɛ amɛ akɛ, “Maŋtsɛyeli fɛɛ maŋtsɛyeli ni gbaa woɔ lɛ diɛŋtsɛ ehe lɛ, ejwaa; ni maŋ fɛɛ maŋ loo shĩa fɛɛ shĩa ni gbaa woɔ lɛ diɛŋtsɛ ehe lɛ edamɔɔɔ shi.

Luka 12:20

Shi Nyɔŋmɔ kɛɛ lɛ akɛ, ‘Kwashia, nyɔɔŋ nɛɛŋ nɔŋŋ lɛ abaabi osusuma shi yɛ odɛ̃ŋ; ni nibii ni osaa oto lɛ, namɔ nɔ eeetsɔ̃?’

Kpojiemɔ 7:1

Nii nɛɛ asɛɛ lɛ mina ŋwɛi bɔfoi ejwɛ damɔ shikpɔŋ koji ejwɛ lɛ anɔ, ni amɛhiɛ shikpɔŋ lɛ nɔ kɔɔyɔi ejwɛ lɛ amli, koni kɔɔyɔɔ ko akatswa yɛ shikpɔŋ lɛ nɔ loo ŋshɔ nɔ loo tso ko nɔ.