Daniel 11:36 - ŊMALƐ KRƆŊKRƆŊ LƐ

³⁶ “Siria maŋtsɛ lɛ baafee nɔ ni lɛ etsui taoɔ, ni ebaawo ehe nɔ. Ebaatsɛ ehe agbo fe nyɔŋmɔ fɛɛ nyɔŋmɔ, ni eeewie hepupuumɔ wiemɔ tete eshi nyɔŋmɔi aNyɔŋmɔ Ofe lɛ. Ebaaya nɔ nɛkɛ aahu kɛyaashi Nyɔŋmɔ emiŋ ŋɔɔ dɔŋŋ, ni agbɛnɛ Nyɔŋmɔ baagbala etoi. Nɔ ni Nyɔŋmɔ eto akɛ ebaafee lɛ lɛ, ebaana efee lɛ.

Ṅmãle̱ Kroṅkroṅ Le̱

³⁶ Ni maṅtše̱ le̱ aafe noni esumoo̱, ni *eewó ehe no̱, ni eefe ehe agbo fē nyoṅmo̱-fẽ-nyoṅmo̱, ni †eewie hepupūmo̱ wiemo̱i eši nyoṅmo̱i a-Nyoṅmo̱ le̱, ni eeſere ke̱-yaši beyino̱ ní mlila le̱ aayi; ši noni amã no̱ mĩ́ le̱, aafe. *2 Tes. 2,4. †Dan. 7,8. 25. Kpods. 13,5. 6.

Daniel 11:36 ပူးပေါင်းရင်းမြစ်များ

Lalai 136:2

Oo, nyɛdaa nyɔŋmɔi aNyɔŋmɔ lɛ shi; ejaakɛ naanɔ esuɔmɔ ni tsakeee lɛ hiɔ shi kɛyaa!

Lalai 33:10

Yehowa hãa majimaji lɛ ayiŋtoi lɛ feɔ yaka; ni etswaa ayiŋtoi lɛ efɔ̃ɔ.

Abe̱i 19:21

Yiŋtoi pii yɛ gbɔmɔ jwɛŋmɔŋ; shi nɔ ni Yehowa eto lɛ, no baa mli obɔ̃.

Yesaia 10:23

Ejaakɛ Nuŋtsɔ Yehowa, Taiatsɛ lɛ, baakpãtã nibii ahiɛ yɛ shikpɔŋ muu lɛ fɛɛ nɔ kɛmɔ shi tamɔ bɔ ni ekɛɛ lɛ.

Yesaia 10:25

Ejaakɛ eshwɛ be fioo, kɛkɛ lɛ mimli ni efu nyɛ lɛ sɛɛ baafo, ni mibatsɔ̃ mlifu lɛ mahã amɛ, ni makpãtã amɛhiɛ.

Yesaia 10:5

Ao! Asiria, mimlifu kpoti, mimlila tso!

Yesaia 14:13

Shi bo lɛ okɛɛ ohe akɛ, ‘Mibakwɔ kɛya ŋwɛi kɛho Nyɔŋmɔ ŋulamii lɛ ahe. Mawo mimaŋtsɛ sɛ̃i lɛ nɔ kɛya ŋwɛi shɔŋŋ, ni mata nɔ yɛ kpee gɔŋ lɛ nɔ, yɛ kooyigbɛ shikpɔŋ lɛ nɔ tɔ̃ɔ.

Yesaia 14:14

Makwɔ kɛteke atatui lɛ, ni mibafee mihe tamɔ Ŋwɛi Grɔŋŋnyo lɛ.’

Yesaia 26:20

Mimaŋbii, nyɛbaa! Mimaŋbii, nyɛbotea nyɛpiai lɛ amli, ni nyɛŋamɔa nyɛshinai lɛ nyɛwoa nyɛyi. Nyɛtea nyɛhe hiŋmɛitswaa fioo ko kɛyaashi Nyɔŋmɔ mlifu lɛ sɛɛ aaafo.

Yesaia 30:33

Ejaakɛ kɛjɛ jeeŋmɔ beebe ni asaa he ko ato kɛha Asiria maŋtsɛ lɛ shãa. Jɛi kwɔ, ni elɛɛ, ni eyi kɛ la kɛ lai babaoo. Ni Yehowa mumɔ ni emuɔ ni tamɔ la lɛ baama laii lɛ anaa la.

Yesaia 46:10

Mi, mijɛ shishijee lɛ mli ni mitsɔ̃ɔ naagbee mli nibii ni baaba; Mi, mijɛ blema beebe mitsɔ̃ɔ nibii ni anako afee tete. Mi, mikɛɔ akɛ; ‘Miyiŋtoi aaaba mli, ni mibafee nibii fɛɛ ni yɔɔ miyiŋ.’

Yesaia 57:9

Nyɛwoɔ ojeŋmai, ni nyɛkpaa muŋma kɛyaa, ni nyɛyajaa wɔŋ Molek. Otsuɔ obɔfoi kɛyaa shɔŋŋ, kɛyaa gbohiiaje tete.

Ezekiel 28:2

“Gbɔmɔ Adesa kɛɛmɔ Tiro lumɔ lɛ akɛ, bɔ ni Nuŋtsɔ Nyɔŋmɔ kɛɔ nɛ, ‘Owoɔ ohe nɔ ni otsɛɔ ohe nyɔŋmɔ,’ Okɛɔ akɛ, ‘Nyɔŋmɔ ji mi, ni mita nyɔŋmɔi lɛ alumɔ sɛi lɛ nɔ yɛ ŋshɔteŋ;’ tsɛbelɛ gbɔmɔ adesa kɛkɛ ji bo, shi jeee nyɔŋmɔ ko. Tsɛbelɛ obuɔ ohe akɛ ole nii tamɔ nɔ ni nyɔŋmɔ ji bo.

Ezekiel 35:13

Mi diɛŋtsɛ minu bɔ ni ejɛ nyɛnaa ni nyɛkɛ henɔwomɔ wie wiemɔi babaoo nyɛshi mi lɛ.

Daniel 11:16

Siria maŋtsɛ ni batua shikpɔŋ lɛ baafee Ijipt tabilɔi lɛ bɔ ni lɛ esumɔɔ, ni mɔ ko mɔ ko nyɛŋ shi ate awo lɛ. Ebaaba ebahi shiwoo shikpɔŋ lɛ nɔ, ni shikpɔŋ tso muu lɛ fɛɛ baahi lɛ ehewalɛ shishi.

Daniel 11:3

“Maŋtsɛ kãkãlɔ ko baate shi nɛkɛ be mli, ni emaŋtsɛyelihe lɛ baada kpeteŋkple, ni ebaaye etsuinaa sane.

Daniel 11:37

Maŋtsɛ nɛɛ ebuŋ nyɔŋmɔ ni etsɛmɛi lɛ ja lɛ tete loo nyɔŋmɔ ni yei sumɔɔ lɛ hu. Ebuŋ nyɔŋmɔ ko nyɔŋmɔ ko, ejaakɛ ebaawo ehe nɔ yɛ fɛɛ nɔ.

Daniel 12:7

Ni nuu ni wo klala ni yɔɔ faa lɛ sɛɛ lɛ wo eninejurɔ kɛ ebɛku nɔ kɛtee ŋwɛi, ni ekã mɔ ni hiɛ kã kɛyaa naanɔ lɛ kitã. Minu ni ekɛɛ, “Ebaakã he kɛyashi afii etɛ̃ kɛ fã, beyinɔ ni aaakumɔ hewalɛ ni waa mɛi krɔŋkrɔŋi lɛ ayi lɛ agbe naa; kɛkɛ lɛ aaagbe enɛɛmɛi fɛɛ naa.”

Daniel 2:47

Ekɛɛ Daniel akɛ, “Lɛɛlɛŋ akɛ nyɛNyɔŋmɔ lɛ, lɛ ji Nyɔŋmɔ ni fe nyɔŋmɔi fɛɛ kɛ maŋtsɛmɛi fɛɛ anuŋtsɔ lɛ; ni lɛ ejieɔ teemɔŋ saji akpo, ejaakɛ onyɛ ojie nɛkɛ teemɔ sane nɛɛ kpo.”

Daniel 4:35

Shikpɔŋ lɛ nɔ gbɔmɛi jeee fɛifɛi yɛ ehiɛ, ŋwɛi bɔfoi kɛ adesai fɛɛ yɛ eshishi. Mɔ ko nyɛŋ enine etswa efɔ̃, loo eeebi lɛ akɛ, ‘Mɛni ofeɔ nɛɛ?’

Daniel 5:19

ni agbojee ni aduro lɛ naa hewɔ lɛ shikpɔji kɛ asafoi kɛ wiemɔi srɔtoi anɔ bii bluublu sheɔ lɛ gbeyei, ni mɛi ahe kpokpoɔ yɛ ehiɛ. Mɔ ni esumɔɔ akɛ egbe lɛ lɛ, egbeɔ lɛ, ni mɔ ni esumɔɔ akɛ ehi wala mli lɛ, ehãa ehiɔ wala mli. Mɔ ni esumɔɔ akɛ ewo enɔ lɛ, ewoɔ enɔ; ni mɔ hu ni esumɔɔ akɛ eba lɛ shi lɛ, ebaa lɛ shi.

Daniel 5:20

Shi be ni ewo ehe nɔ, ni ekpliŋ etsui, ni etsɛ ehe lɛ, akpa lɛ yɛ emaŋtsɛ sɛ̃i lɛ nɔ, ni enunyam lɛ bɔ lɛ.

Daniel 7:8

Mihiɛ aklontoi lɛ kwɛmɔ kɛkɛ lɛ naa aklonto hee bibioo ko ekwɛ̃ kɛje kpo yɛ amɛteŋ. Aklonto bibioo nɛɛ fãmɔ aklontoi memeji lɛ ateŋ etɛ̃ kɛ amɛshishi fɛɛ eshwie. Aklonto nɛɛ yɛ hiŋmɛii tamɔ gbɔmɔ hiŋmɛii ni eyɛ naabu, ni ekɛmiiwie shwãa wiemɔi agboiagboi.

Daniel 8:19

ni ekɛɛ mi akɛ, “Naa, mibatsɔ̃ɔ bo nɔ ni baaba yɛ mlifu lɛ naagbee gbii lɛ amli. Je lɛ naagbee be ni ato lɛ he ninaa nɛ.

Daniel 8:4

Mina akɛ gwantɛŋ nuu nɛɛ miishi kɛmiiya anaigbɛ kɛ kooyigbɛ kɛ wuoyigbɛ. Kooloo ko kooloo ko kwraa nyɛɛɛ ehiɛ edamɔ; mɔ ko hu nyɛɛɛ nɔ ko ashɔ̃ yɛ edɛŋ. No hewɔ lɛ, efee nɔ ni lɛ esumɔɔ, ni efee ehe agbo.

Zakaria 11:16

Shi naa, miitee tookwɛlɔ ko shi yɛ shikpɔŋ lɛ nɔ; lɛ lɛ, jeee ehe sane ko ji too ni miigbo lɛ. Toi ni egbɛ eshwã lɛ ebuaŋ amɛnaa. Nɔ ni epila lɛ, etsaŋ lɛ; ni toi ni yɔɔ hewalɛ lɛ lɛ ehaŋ amɛ niyenii amɛyeŋ; shi moŋ gbe eeegbe toi ni ewowoi fɔ lɛ eye, belɛ eekpɔlɔ amɛnaji ahe koklotoi lɛ eeshwie.

Yohane 5:30

“Mi diɛŋtsɛ minyɛŋ miyiŋ mato mafee nɔ ko; bɔ ni minuɔ lɛ nakai mikojoɔ, ni mikojomɔ lɛ jalɛ kojomɔ ni, ejaakɛ mitaooo nɔ ni mi diɛŋtsɛ misumɔɔ, shi moŋ nɔ ni mɔ ni tsu mi lɛ sumɔɔ.

Yohane 6:38

Ejaakɛ jeee mi diɛŋtsɛ misuɔmɔnaa nifeemɔ hewɔ mijɛ ŋwɛi miba, shi moŋ mɔ ni tsu mi lɛ suɔmɔnaa nifeemɔ hewɔŋ.

Bɔfoi 4:28

koni amɛfee nii abɔ ni onine kɛ oyiŋtoo lɛ eto efɔ shi akɛ afee lɛ.

5 Mose 10:17

Ejaakɛ Yehowa, nyɛNyɔŋmɔ lɛ, lɛ ji nyɔŋmɔi fɛɛ aNyɔŋmɔ kɛ nuŋtsɔmɛi anuŋtsɔ; lɛ ji Nyɔŋmɔ Ofe ni je agbo, ni he yɔɔ gbeyei lɛ; mɔ ni kwɛɛɛ hiɛiaŋ, ni asaŋ eheee nyɔɔŋnii lɛ.

2 Tesalonikabii 2:3

Nyɛkahãa mɔ ko miishishiua nyɛ yɛ gbɛ ko gbɛ ko nɔ; ejaakɛ ja jamɔkwamɔ lɛ eba fɛɛ dã ni aaajie mlakwamɔ gbɔmɔ lɛ ni ji hiɛkpãtãmɔ bi lɛ kpo.

2 Tesalonikabii 2:4

Eteɔ shi ewoɔ ehe nɔ eshiɔ nɔ fɛɛ nɔ ni atsɛɔ nyɔŋmɔ loo jamɔ lɛ aahu bɔ ni lɛ diɛŋtsɛ eyataa Nyɔŋmɔ We lɛ ni ekɛ ehe tsɔ̃ɔ akɛ lɛ ji Nyɔŋmɔ lɛ.

2 Tesalonikabii 2:8

Ni no dani aaajie mlakwalɔ lɛ kpo; Nuŋtsɔ Yesu kɛ edaaŋ mumɔ lɛ aaagbe lɛ ni ekɛ ebaa lɛ puemɔ lɛ aaakpãtã ehiɛ.

Yoshua 22:22

“Ofe Koome, Nyɔŋmɔ Yehowa lɛ, lɛ ele wɔyitsoŋ eto, nɔ̃ hewɔ ni wɔfee nakai; no hewɔ lɛ, Israel hu ana ale. Kɛji Yehowa hiɛ atua ni wɔtse, aloo ŋmɛɛmɔ ni wɔŋmɛɛ hemɔkɛyeli ni wɔyɔɔ yɛ emli lɛ he, hewɔ ni wɔfee nɔ ni wɔfee nɛɛ lɛ, nyɛkɛ wɔhe akakea wɔ ŋmɛnɛ gbi nɛɛ,

Kpojiemɔ 10:7

shi moŋ be mli ni aaanu bɔfo ni ji kpawo lɛ gbee be ni eehé ekpã etɛtrɛmantrɛ lɛ, no lɛ agbe Nyɔŋmɔ teemɔ sane lɛ hu naa, bɔ ni ejaje etsɔ̃ɔ lɛ diɛŋtsɛ etsuji ni ji gbalɔi lɛ.”

Kpojiemɔ 12:14

Ni akɛ okropɔŋ kpeteŋkple lɛ fiji enyɔ lɛ hã yoo lɛ, koni efiliki ni eshi onufu lɛ kɛya ŋa lɛ nɔ yɛ egbɛhe lɛ, he ni alɛɔ lɛ yɛ afii etɛ̃ kɛ fã lɛ.

Kpojiemɔ 13:1

Ni mina kooloo ko miije kpo kɛmiijɛ ŋshɔ lɛ mli kɛmiiba kɛ eklontoi nyɔŋma kɛ eyitsei kpawo, ni maŋtsɛ faii nyɔŋma bumɔ eklontoi lɛ, ni musubɔɔ gbɛi yɛ eyitsei lɛ ahe.

Kpojiemɔ 17:17

Ejaakɛ Nyɔŋmɔ kɛwo amɛtsuii amli koni amɛfee eyiŋtoonii lɛ ni amɛhiɛ jwɛŋmɔ kome ni amɛkɛ amɛmaŋtsɛyeli lɛ ahã kooloo lɛ kɛyashi beyinɔ ni Nyɔŋmɔ wiemɔi lɛ aaaba mli.”

Kpojiemɔ 17:3

Ni bɔfo lɛ kpala mi yɛ mumɔ mli kɛtee ŋa nɔ. Ni mina yoo ko ta kooloo tsuru fɔɔ ko nɔ ni kooloo nɛɛ he fɛɛ lɛ musubɔɔ gbɛii sɔŋŋ, ni eyɛ yitsei kpawo kɛ akloŋtoi nyɔŋma.