Daniel 11:35 - ŊMALƐ KRƆŊKRƆŊ LƐ

³⁵ Abaagbe maŋbii lɛ ateŋ nilelɔi lɛ ekomɛi; shi akɛ amɛgbele lɛ baatsuu Nyɔŋmɔ webii lɛ ahe koni amɛyɛ futafuta. Nii nɛɛ baaya nɔ kɛyashi naagbee be lɛ baashɛ, ni ji be ni Nyɔŋmɔ eto lɛ.

Ṅmãle̱ Kroṅkroṅ Le̱

³⁵ Ni mei ní le̱ nii le̱ ateṅ meikomei hũ aanyõnyõi, koni ake̱-kaame̱ akwe̱ ni ake̱-tšū ame̱he, ní ahă ame̱ye̱ futafuta ke̱-yaši nāgbē be le̱ mli; edšake̱ dša be ni ato to eše̱ dãni eeba mli.

Daniel 11:35 ပူးပေါင်းရင်းမြစ်များ

2 Kronika 32:31

Enɛ hewɔ lɛ, be ni Babilon lumɛi lɛ tsu bɔfoi Hezekia ŋɔɔ koni amɛbabi lɛ naakpɛɛ nii ni etsu yɛ shikpɔŋ lɛ nɔ lɛ he sane lɛ, Nyɔŋmɔ ŋmɛɛ Hezekia he ehã ehe nilee koni ekɛka Hezekia ekwɛ, kɛna nɔ ni yɔɔ etsuiŋ.

Abe̱i 17:3

Akɛ kukwɛi kaa jwiɛtɛi akwɛɔ, ni akɛ flɔnɔɔ kaa shika; shi gbɔmɔ tsui lɛ Yehowa ji mɔ ni kaa ekwɛɔ.

Yesaia 27:9

No hewɔ lɛ, kɛji Yakob gbɛlɛ afɔleshãa latɛi lɛ amli tɛi lɛ munyɔmunyɔ tamɔ kaaloo tɛi ni afuflu, ni Ashera wɔŋkoi kɛ tsofakɛŋmashãa latɛi bɛ he ko he ko dɔŋŋ lɛ, no nɔ baatsɔ̃ ni akɛ Yakob tɔ̃mɔ lɛ baafa lɛ, ni no aaatsɔ̃ yibii ni etɔ̃mɔkɛfaa lɛ aaawo ahã lɛ.

Daniel 11:27

Maŋtsɛmɛi enyɔ nɛɛ baatara shi yɛ okplɔ̃ kome he amɛye nii, shi amɛteŋ mɔ fɛɛ mɔ yɛ yiŋsha yɛ enyɛmi he; ni amɛaalaka amɛhe yɛ niyenii lɛ shishi tete. Amɛteŋ mɔ ko mɔ ko yiŋtoo lɛ baŋ mli haŋ lɛ, ejaakɛ be ni ato lɛ shɛko.

Daniel 11:29

“Kɛji be ni ato lɛ shɛ lɛ, ebaaba ebatua Ijipt shikpɔŋ lɛ ekoŋŋ; shi nibii ejaŋ haŋ lɛ tamɔ tsuutsu lɛ,

Daniel 11:33

Maŋbii lɛ ateŋ nilelɔi lɛ ekomɛi baatsɔ̃ɔ maŋbii lɛ nii, tsɛbelɛ amɛteŋ mɛi komɛi baanyɔnyɔɔ yɛ klante naa, abaashãshãa mɛi komɛi, abaaha amɛteŋ mɛi komɛi anii, ni abaaŋɔ mɛi komɛi nom kɛyashi be ko.

Daniel 11:40

“Kɛji Siria maŋtsɛ lɛ naagbee be lɛ shɛ lɛ, Ijipt maŋtsɛ lɛ baaya eyatua lɛ. Siria maŋtsɛ lɛ baafã tamɔ ahum ekɛ Ijipt maŋtsɛ lɛ abakpe kɛ tayaa shwiilii kɛ okpɔŋɔtalɔi kɛ lɛji babaoo. Ebaatua shikpɔji babaoo, ni ebaatsɔ̃ amɛnɔ kɛho tamɔ faa ni eje ŋa.

Daniel 12:3

Ni mɛi ni le nii lɛ aaakpɛ tamɔ atatu kpɛmɔ, ni mɛi ni etsɔ̃ɔ mɛi pii agbɛ kɛtee jalɛ mli lɛ aaakpɛ tamɔ ŋulamii kɛaatee naanɔ.”

Daniel 12:4

Shi ekɛɛ mi akɛ, “Bo, Daniel, tsiimɔ wiemɔi nɛɛ anɔ, ni osɔo wolo nɛɛ naa kɛyashi naagbee be lɛ. Ni mɛi pii aaagba amɛhe naa kɛya kɛba kɛtao nɔ ni eba lɛ shishi; ni nilee aaafa.”

Daniel 8:10

Ebada aahu kɛyashɛ ŋulamiiaŋ, ni etserɛ ŋulamii lɛ ekomɛi etswia shikpɔŋ, ni enaanaa amɛnɔ.

Daniel 8:17

Gabriel tsi eba he ni midamɔ lɛ; shi gbeyei mɔ mi, ni mikɛ mihiɛ bu shi. Kɛkɛ ni Gabriel kɛɛ mi akɛ, “Ao! Gbɔmɔ Adesa bi, na ole akɛ je lɛ naagbee he ninaa nɛ.”

Daniel 8:19

ni ekɛɛ mi akɛ, “Naa, mibatsɔ̃ɔ bo nɔ ni baaba yɛ mlifu lɛ naagbee gbii lɛ amli. Je lɛ naagbee be ni ato lɛ he ninaa nɛ.

Daniel 9:27

Lumɔ nɛɛ kɛ mɛi babaoo baakpãŋ kɛyashi afii kpawo; shi afii etɛ̃ kɛ fã sɛɛ lɛ, lumɔ nɛɛ baagu shãa afɔle kɛ niyenii afɔle shãa kwraa. Abaafee amãgã ni buleɔ He Krɔŋkrɔŋ lɛ ama he ni yɔɔ grɔŋŋ fe fɛɛ yɛ Sɔlemɔ we lɛ mli; ni amãgã nɛɛ baama jɛi kɛyaashi beyinɔ ni Nyɔŋmɔ eto kɛbaagbala mɔ ni kɛ amãgã lɛ bama jɛi lɛ toi aaashɛ.”

Habakuk 2:3

Ninaa nɛɛ be lɛ shɛko moŋ, shi eeye ehe oyai kɛba. Kɛji eshashao shi tete po jiŋŋ, bo lɛ mɛɛ, ejaakɛ ebaaba kɛ̃ ni etsɛŋ.

Zakaria 13:9

Nɛkɛ mlijaa etɛ̃ mli ekome ni aaashwɛ nɛɛ lɛ, mikɛ amɛ baawo la mli ni matsuu amɛhe, tamɔ akɛ la tsuɔ jwiɛtɛi he; makpa amɛ shi makwɛ tamɔ akpaa shika shi akwɛɔ lɛ. Amɛaasɔle kɛtsɛ mi, ni mahere amɛ nɔ. Makɛɛ akɛ, ‘Mimɛi ji amɛ,’ ni amɛ hu amɛaakɛɛ akɛ, ‘Yehowa ji wɔNyɔŋmɔ.’ Mi Yehowa, Taiatsɛ, mikɛɛ.”

Mateo 16:17

Ni Yesu here nɔ ekɛɛ lɛ akɛ, “Ajɔɔ bo, Simon, Yona bi; ejaakɛ jeee heloo kɛ lá jie enɛ tsɔ̃ɔ bo, shi moŋ miTsɛ ni yɔɔ ŋwɛi lɛ.

Mateo 26:56

Shi afee enɛ fɛɛ koni nii ni gbalɔi lɛ ŋmala lɛ aba mli.” Kɛkɛ ni kaselɔi lɛ fɛɛ jo foi shi lɛ.

Yohane 15:2

Mihe nine fɛɛ nine ni wooo yibii lɛ, efolɔɔ ni eko fɛɛ eko ni woɔ yibii lɛ, ekpɔlɔɔ he, bɔ ni afee ni ewo yibii pii fe tsutsu lɛ.

Yohane 20:25

No hewɔ lɛ, kaselɔi krokomɛi lɛ kɛɛ lɛ akɛ, “Wɔna Nuŋtsɔ lɛ.” Shi ekɛɛ amɛ akɛ, “Ja mina edɛ̃ŋ plɛkoobii lɛ anajiaŋ, ni mikɛ miwao ewo plɛkoobii lɛ anajiaŋ, ni mikɛ minine ehɔ eŋmawuiaŋ lɛ, dani mahe maye.”

Bɔfoi 13:13

Shi be ni Paulo kɛ emɛi lɛ fã kɛjɛ Pafo lɛ, amɛkɛ lɛlɛ ba Perga yɛ Pamfilia; ni Yohane shi amɛ, ni eku esɛɛ kɛtee Yerusalɛm ekoŋŋ.

5 Mose 8:16

ni ekɛ mana ni nyɛtsɛmɛi lɛ tete leee lɛ, lɛ nyɛ yɛ shiaŋa lɛ nɔ koni ehã nyɛhumi shi, ni asaŋ koni ekɛka nyɛ ekwɛ, koni naagbee mli lɛ efee nyɛ ejurɔ.

Yakobo 1:2

Minyɛmimɛi, kɛji aka nyɛ yɛ nibii srɔtoi pii amli lɛ, nyɛbua lɛ miishɛɛ sɔŋŋ

Kpojiemɔ 14:15

Ni bɔfo kroko je kpo kɛjɛ Sɔlemɔtsu lɛ mli ni ebolɔ kɛ gbee ni wa ekɛɛ mɔ ni ta atatu lɛ nɔ lɛ akɛ, “Okɛ onikpamɔ kakla lɛ awo mli ni okpa nii, ejaakɛ nikpamɔ ŋmɛlɛtswaa lɛ eshɛ, ni shikpɔŋ lɛ nɔ nikpamɔnii lɛ etsu.”

Kpojiemɔ 17:17

Ejaakɛ Nyɔŋmɔ kɛwo amɛtsuii amli koni amɛfee eyiŋtoonii lɛ ni amɛhiɛ jwɛŋmɔ kome ni amɛkɛ amɛmaŋtsɛyeli lɛ ahã kooloo lɛ kɛyashi beyinɔ ni Nyɔŋmɔ wiemɔi lɛ aaaba mli.”

Kpojiemɔ 2:10

Kaashe amanehulu ni obaana lɛ ekoeko gbeyei. Naa, abonsam baaŋɔ nyɛteŋ mɛi komɛi awo tsuŋ, koni akɛka nyɛ, ni nyɛaana amanehulu gbii nyɔŋma. Feemɔ anɔkwafo kɛyashi gbele mli, ni mahã bo wala akekre lɛ.

Kpojiemɔ 7:14

Ni mikɛɛ lɛ akɛ, “Minuŋtsɔ, bo ole” Ni ekɛɛ mi akɛ, “Mɛnɛɛmɛi ji mɛi ni jɛ amanehulu kpeteŋkple lɛ mli lɛ, ni amɛfɔ amɛtadei lɛ ahe, ni amɛhã eyɛ futaa yɛ Toobi lɛ lá lɛ mli.