Daniel 11:2 - ŊMALƐ KRƆŊKRƆŊ LƐ

² Nɔ ni magba bo agbɛnɛ nɛɛ lɛ anɔkwale ni.” Kɛkɛ ni bɔfo lɛ tee nɔ ni ekɛɛ akɛ, “Naa, maŋtsɛmɛi etɛ̃ krokomɛi baaba abaye Persia shikpɔŋ lɛ nɔ. Maŋtsɛ mɔ ni baanyiɛ amɛsɛɛ akɛ maŋtsɛ ni ji ejwɛ lɛ, ebaana nii fe mɛi krokomɛi lɛ fɛɛ. Ni kɛji etsɔ̃ enii ni ena lɛ nɔ ena hewalɛ lɛ, ebaawo majimaji ayiŋ, ni abaate shi awo Hela maŋtsɛyeli lɛ.

Ṅmãle̱ Kroṅkroṅ Le̱

² Ni agbe̱ne̱ le̱, *mibatšõo ano̱kwale le̱: Na, maṅtše̱mei etẽ aasā ate ši adamo̱ ši ye̱ Persia; ni moni dši edſe̱ le̱ aaná nii babaō da ame̱fẽ; ni ke̱dši etšṍ enii le̱ ano̱ ená hewale̱ le̱, eetē̱ mei fẽ ši ewo Hela maṅtše̱yeli le̱. *10,21.

Daniel 11:2 ပူးပေါင်းရင်းမြစ်များ

Ezra 4:24

Kɛkɛ ni afɔ̃ɔ Nyɔŋmɔ We lɛ ni yɔɔ Yerusalɛm lɛ he nitsumɔ; ni ekã shi nakai kɛyashi Maŋtsɛ Dario, Persia maŋtsɛyeli afi ni ji enyɔ lɛ nɔ.

Ezra 4:7

Asaŋ Artashasta yinɔ lɛ Bislam kɛ Mitredat kɛ Tabeel kɛ enanemɛi ni eshwɛ lɛ ŋmã wolo yahã Artashasta, Persia maŋtsɛ lɛ. Aŋmã wolo lɛ yɛ Siriabii aniŋmãa mli, ni atsɔ̃ɔ shishi hu yɛ Siria wiemɔ mli.

Ester 1:1

Maŋtsɛ Ahashwerosh ye shikpɔji oha kɛ nyɔŋmai enyɔ kɛ kpawo anɔ akɛ maŋtsɛ kɛjɛ India aahu kɛyashi Etiopia.

Abe̱i 22:21

Wiemɔi ni baatsɔ̃ɔ bo nɔ ni ja kɛ nɔ ni ji anɔkwale; koni okɛ anɔkwa hetoo ayahã mɛi ni tsu bo lɛ.

Daniel 10:1

Persia Maŋtsɛ Koresh yinɔ afi ni ji etɛ̃ lɛ, ajie ninaa kpo atsɔ̃ɔ Daniel mɔ ni atsɛɔ lɛ Belteshazar hu lɛ. Sane lɛ yɛ mli anɔkwa, ni ekɔɔ haomɔ kpeteŋkple ko he. Atsɔ̃ɔ Daniel, ni enu sane lɛ shishi.

Daniel 11:25

“Hewalɛ kɛ ekãa ni yɔɔ emli lɛ baakãnya lɛ koni ebua ta kpele naa koni ekɛ Ijipt maŋtsɛ lɛ ayawu. Ijipt maŋtsɛ lɛ hu kɛ ta kpele baaba ekɛ lɛ abawu; shi Ijipt maŋtsɛ lɛ yeŋ kunim, ejaakɛ abaato eshigbeemɔ he ŋai srɔtoi ashi lɛ.

Daniel 7:5

Kooloo ni ji enyɔ lɛ tamɔ oshishibrishi. Awo lɛ adamɔ efã kome nɔ; ŋmawutsei etɛ̃ kɔ̃ enaa yɛ enyanyɔji ateŋ. Kɛkɛ ni gbee ko kɛɛ lɛ akɛ, “Yaa nɔ ni oye loo babaoo bɔ ni obaanyɛ.”

Daniel 8:21

Hela maŋtsɛyeli lɛ he okadi ji too kpakpo lɛ; ni aklonto wulu kome lɛ ni ma ehiŋmɛii ateŋ lɛ ji eklɛŋklɛŋ maŋtsɛ lɛ.

Daniel 8:26

Naa, daa leebi kɛ gbɛkɛ afɔle ni ashãa lɛ he ninaa ni agbala mli atsɔ̃ɔ bo lɛ, anɔkwale ni. Shi bo lɛ okɛto onakutsoŋ, ejaakɛ be kplaŋŋ baaho aya dani sane nɛɛ baaba mli.”

Daniel 8:4

Mina akɛ gwantɛŋ nuu nɛɛ miishi kɛmiiya anaigbɛ kɛ kooyigbɛ kɛ wuoyigbɛ. Kooloo ko kooloo ko kwraa nyɛɛɛ ehiɛ edamɔ; mɔ ko hu nyɛɛɛ nɔ ko ashɔ̃ yɛ edɛŋ. No hewɔ lɛ, efee nɔ ni lɛ esumɔɔ, ni efee ehe agbo.

Amos 3:7

Eji anɔkwale akɛ Nuŋtsɔ Nyɔŋmɔ efeee nɔ ko ni ejieee eyiŋtoo lɛ kpo etsɔ̃ɔɔ etsuji gbalɔi lɛ.

Yohane 10:35

Kɛji mɛi aŋɔɔ ni Nyɔŋmɔ wiemɔ lɛ ba lɛ tete lɛ etsɛ amɛ nyɔŋmɔi, ni anyɛŋ ŋmalɛ lɛ mli aku lɛ,

Kpojiemɔ 21:5

Ni mɔ ni ta maŋtsɛ sɛi lɛ nɔ lɛ kɛɛ, “Naa, miifee nii fɛɛ ehee.” Ni ekɛɛ mi akɛ, “Ŋmaa, ejaakɛ wiemɔi nɛɛ anɔkwa ni, ni amɛyɛ mli.”