Daniel 11:17 - ŊMALƐ KRƆŊKRƆŊ LƐ

¹⁷ Siria maŋtsɛ lɛ baato eyiŋ akɛ ekɛ emaŋtsɛyeli lɛ mli tabilɔi bluublu baaba abatua Ijipt. Shi ebaatsɔ̃ ŋaa, ni ekɛ Ijipt baakpãŋ, ni ebaaŋɔ ebiyoo ehã Ijipt maŋtsɛ lɛ gbãlã koni ekɛgbɔjɔ Ijipt maŋtsɛyeli lɛ; shi moŋ eyiŋtoo nɛɛ yeŋ omanye.

Ṅmãle̱ Kroṅkroṅ Le̱

¹⁷ Ni eeto eyiṅ ake̱ eke̱ emaṅtše̱yeli mū le̱ fẽ hewale̱ aaba, ni eke̱le̱ aakpāṅ, ni eeṅõ yei le̱ abiyō le̱ ehãle̱ gblã, ni efitele̱; ši edamo̱ṅ ši, ni etšṍṅ enõ.

Daniel 11:17 ပူးပေါင်းရင်းမြစ်များ

2 Maŋtsɛmɛi 12:17

Nakai be lɛ mli lɛ Siria Maŋtsɛ Hazael fã ta kɛba, ni ekɛ Gat, maŋ wulu lɛ, bawu, ni eŋɔ maŋ lɛ. Shi be ni Hazael jie ehiɛ eka Yerusalɛm lɛ,

2 Kronika 20:3

Yehoshafat she gbeyei. No hewɔ lɛ, eto eyiŋ akɛ eeesɔle kɛbi Yehowa dɛŋ yelikɛbuamɔ. Enɛ hã efã akɛ ahi ŋmaa yɛ Yuda shikpɔŋ lɛ nɔ fɛɛ.

Lalai 56:9

Gbi ni mibabolɔ matsɛ bo lɛ, mihenyɛlɔi lɛ baaku amɛsɛɛ; mile krɛdɛɛ akɛ bo, Nyɔŋmɔ, oyɛ misɛɛ.

Abe̱i 19:21

Yiŋtoi pii yɛ gbɔmɔ jwɛŋmɔŋ; shi nɔ ni Yehowa eto lɛ, no baa mli obɔ̃.

Ezekiel 17:17

Kɛji Babilonbii lɛ tswa kpokui, ni amɛtswa kawoo gbogboi koni akɛkpãtã mɛi pii ahiɛ lɛ, Farao kɛ eta kpele lɛ kɛ esafo babaoo lɛ nyɛŋ Yuda eye ebua yɛ ta mli.

Ezekiel 25:2

“Gbɔmɔ Adesa, tsɔ̃ ohiɛ ohã Amonbii lɛ, ni ogba oshi amɛ.

Ezekiel 4:3

Okɛ dade ni atswia lɛ tɛtɛrɛɛ afee gbogbo koni efo bo okɛ maŋ lɛ teŋ; ni ojie ohiɛ oka lɛ. Ŋɔɔ lɛ akɛ atua maŋ lɛ, ni bo otuaa maŋ lɛ nɛɛ. Enɛ ji okadi hã Israelbii lɛ.

Ezekiel 4:7

“Jiemɔ ohiɛ oka Yerusalɛm maŋ lɛ; ni ojie onine he efolo koni ogba oshi lɛ.

Daniel 11:19

Siria maŋtsɛ nɛɛ baaku esɛɛ eyatua mɔji ni yɔɔ lɛ diɛŋtsɛ eshikpɔŋ lɛ nɔ; shi abaaye enɔ kunim yɛ jɛi, ni biɛ enaagbee baaba yɛ.

Daniel 9:26

Nɛkɛ be nɛɛ naagbee mli lɛ, abaagbe hiɛnyiɛlɔ ni Nyɔŋmɔ efɔ lɛ mu lɛ trukaa, ni enaŋ mɔ ko; ni lumɔ ni baa abaye nɔ lɛ webii lɛ baafite Yerusalɛm maŋ lɛ kɛ He Krɔŋkrɔŋ lɛ. Ta kɛ nibii ahiɛkpãtãmɔ baaba tamɔ nu afua yɛ be lɛ naagbee nɛɛ mli, tamɔ bɔ ni Nyɔŋmɔ ewo shi eto lɛ.

Habakuk 1:9

“Amɛtai lɛ fãa kɛbaa kɛ yiwalɛ kɛbayeɔ shikpɔji anɔ; ni amɛhe ŋmiŋmi mɔmɔɔ mɛi kɛji amɛmiiba. Amɛnomii ni amɛbuaa naa lɛ ayifalɛ tamɔ shia.

Mateo 12:30

Mɔ ni bɛ migbɛfaŋ lɛ, shi ete ewo mi; ni mɔ ni kɛ mi buaaa naa lɛ, gbɛ egbɛɔ eshwãa.

Luka 11:23

Mɔ ni bɛ migbɛfaŋ lɛ ekɛ mi ena, ni mɔ ni kɛ mi buaaa naa lɛ eegbɛ eeshwã.”

Luka 9:51

Be ni gbii ni abaaŋɔ Yesu lɛ kɛya ŋwɛi lɛ eshɛ etã lɛ, eŋmɔ eyiŋ kpɔ akɛ eeya Yerusalɛm.

Romabii 8:31

Belɛ te wɔɔkɛɛ tɛŋŋ yɛ nii nɛɛ ahewɔŋ? Kɛ Nyɔŋmɔ yɛ wɔsɛɛ lɛ, namɔ aaate shi awo wɔ?