Daniel 11:16 - ŊMALƐ KRƆŊKRƆŊ LƐ

¹⁶ Siria maŋtsɛ ni batua shikpɔŋ lɛ baafee Ijipt tabilɔi lɛ bɔ ni lɛ esumɔɔ, ni mɔ ko mɔ ko nyɛŋ shi ate awo lɛ. Ebaaba ebahi shiwoo shikpɔŋ lɛ nɔ, ni shikpɔŋ tso muu lɛ fɛɛ baahi lɛ ehewalɛ shishi.

Ṅmãle̱ Kroṅkroṅ Le̱

¹⁶ Ši moni baä eno̱ le̱ aafe bo̱ni esumoo̱, ni moko be̱ ní aadamo̱ ehĩe, ni eẽdamo̱ *šikpoṅ fe̱fe̱o le̱ no̱, ni hĩekpãtãmo̱ aahĩ edẽ. *8,9.

Daniel 11:16 ပူးပေါင်းရင်းမြစ်များ

Yesaia 8:8

Amɛbaashwie amɛnɔ tamɔ faa wulu Eufrate. Emli nu babaoo lɛ aaasram nɔ boboobo, ni eeeha nujɔi fɛɛ anɔ, ni eeeje ŋa kɛaayabote Yuda shikpɔŋ lɛ nɔ, ni ebaayi kɛyaashi eeeyata gbɔmɔ kuɛ, ni eeekple shikpɔŋ lɛ hiɛ fɛɛ, Ao Imanuel.”

Yeremia 3:19

“Misusu he bɔ ni maŋɔ bo mashi mibii anɔ, ni mahã bo shikpɔŋ fɛɛfɛo, gboshinii ko ni yɔɔ fɛo fe majimaji fɛɛ anɔ. Ni efee mi akɛ oootsɛ mi akɛ, “Mitsɛ Ataa,” ni okpaleŋ yɛ misɛɛ dɔŋŋ;

Daniel 11:3

“Maŋtsɛ kãkãlɔ ko baate shi nɛkɛ be mli, ni emaŋtsɛyelihe lɛ baada kpeteŋkple, ni ebaaye etsuinaa sane.

Daniel 11:36

“Siria maŋtsɛ lɛ baafee nɔ ni lɛ etsui taoɔ, ni ebaawo ehe nɔ. Ebaatsɛ ehe agbo fe nyɔŋmɔ fɛɛ nyɔŋmɔ, ni eeewie hepupuumɔ wiemɔ tete eshi nyɔŋmɔi aNyɔŋmɔ Ofe lɛ. Ebaaya nɔ nɛkɛ aahu kɛyaashi Nyɔŋmɔ emiŋ ŋɔɔ dɔŋŋ, ni agbɛnɛ Nyɔŋmɔ baagbala etoi. Nɔ ni Nyɔŋmɔ eto akɛ ebaafee lɛ lɛ, ebaana efee lɛ.

Daniel 11:41

Ebaatua Shiwoo Shikpɔŋ lɛ tete, ni mɛi akpei nyɔŋmai abɔ baanyɔnyɔɔ; shi hei ni baaje edɛŋ nɛ: Edom kɛ Moab kɛ Amonbii ashikpɔŋ lɛ kpotoo.

Daniel 11:45

Ebaamamɔ abladei abui ni eyɔɔ lɛ yɛ ŋshɔ lɛ kɛ Gɔŋ Krɔŋkrɔŋ lɛ teŋ shikpɔŋ lɛ nɔ; shi moŋ jɛi enaagbee baaba yɛ, ni mɔ ko mɔ ko yeŋ ebuaŋ lɛ.”

Daniel 5:19

ni agbojee ni aduro lɛ naa hewɔ lɛ shikpɔji kɛ asafoi kɛ wiemɔi srɔtoi anɔ bii bluublu sheɔ lɛ gbeyei, ni mɛi ahe kpokpoɔ yɛ ehiɛ. Mɔ ni esumɔɔ akɛ egbe lɛ lɛ, egbeɔ lɛ, ni mɔ ni esumɔɔ akɛ ehi wala mli lɛ, ehãa ehiɔ wala mli. Mɔ ni esumɔɔ akɛ ewo enɔ lɛ, ewoɔ enɔ; ni mɔ hu ni esumɔɔ akɛ eba lɛ shi lɛ, ebaa lɛ shi.

Daniel 8:4

Mina akɛ gwantɛŋ nuu nɛɛ miishi kɛmiiya anaigbɛ kɛ kooyigbɛ kɛ wuoyigbɛ. Kooloo ko kooloo ko kwraa nyɛɛɛ ehiɛ edamɔ; mɔ ko hu nyɛɛɛ nɔ ko ashɔ̃ yɛ edɛŋ. No hewɔ lɛ, efee nɔ ni lɛ esumɔɔ, ni efee ehe agbo.

Daniel 8:7

Be ni too kpakpo lɛ bɛŋkɛɔ gwantɛŋ nuu lɛ, emli ewo lɛ la naakpa. Eshi gwantɛŋ nuu lɛ, ni ekumɔ eklontoi enyɔ lɛ wɔtsɔwɔtsɔ. Gwantɛŋ lɛ nyɛɛɛ too kpakpo lɛ hiɛ adamɔ. Too kpakpo lɛ tsi gwantɛŋ nuu lɛ etswa shi, ni enaanaa enɔ. Mɔ ko kwraa bɛ hewalɛ ni ekɛaashɔ̃ gwantɛŋ nuu lɛ yɛ edɛŋ.

Daniel 8:9

Aklonto bibioo kome ko kwɛ̃ kɛjɛ aklontoi ejwɛ lɛ ateŋ ekome mli. Aklonto nɛɛ bada kpeteŋkple, ni ekpã emli kɛtee wuoyigbɛ kɛ bokãgbɛ kɛ shiwoo shikpɔŋ lɛ nɔ gbɛ fɛɛ.

Yoshua 1:5

Mɔ ko mɔ ko nyɛŋ ohiɛ adamɔ owalagbii abɔ fɛɛ. Bɔ ni mikɛ Mose hi shi lɛ, nakai nɔŋŋ mikɛ bo aaahi shi; mishiŋ bo, ni mikwaŋ bo hu.