Daniel 11:12 - ŊMALƐ KRƆŊKRƆŊ LƐ

¹² Ijipt maŋtsɛ lɛ nine baatsɔ̃ Siria tabilɔi akpei nyɔŋmai abɔ lɛ anɔ. No baahã maŋtsɛ lɛ awo ehe nɔ akɛ ekpãtã tabilɔi babaoo ahiɛ; shi ekunimyeli nɛɛ sɛɛ etsɛŋ.

Ṅmãle̱ Kroṅkroṅ Le̱

¹² ni eeṅõ asafo le̱ nom, ni etšui aawó ehe no̱, ni eetšire̱ mei akpei-nyoṅmai abo̱ etſia šì; šĩ kẽle̱ enáṅ hewale̱.

Daniel 11:12 ပူးပေါင်းရင်းမြစ်များ

2 Maŋtsɛmɛi 14:10

Ogbe Edombii, hewɔ lɛ no ehã oowo ohe nɔ. Okɛ no ashwã; shi okɛ no awa owe lɛ. Mɛɛba oshwɛɔ ohiɛkpãtãmɔ he, koni bo okɛ Yuda fɛɛ hiɛ akpãtã nɛɛ?”

2 Kronika 25:19

Ooshwã akɛ, ‘Bɛ oona akɛ miye Edombii anɔ kunim?’ Oyitso efuu. Ole sane ko? Taomɔ ohe ko ota yɛ oshĩateŋ kpoo. Mɛɛba oyatao sane ni baahã bo kɛ Yuda fɛɛ hiɛ akpãtã nɛɛ?”

2 Kronika 26:16

Hewalɛ ni Maŋtsɛ Uzia na nɛɛ hã ewo ehe nɔ, ni no kɛ eshigbeemɔ ba. Uzia je Yehowa, eNyɔŋmɔ, lɛ ŋwane, ni etee Sɔlemɔtsu lɛ mli akɛ eyaashã tsofakɛŋma lɛ diɛŋtsɛ yɛ tsofakɛŋmashãa latɛ lɛ nɔ.

2 Kronika 32:25

Shi ejurɔ ni Yehowa fee Hezekia lɛ sɛɛ lɛ, ehe nɔ moŋ Hezekia wo, ni ehiii shi bɔ ni sa Yehowa hiɛ. No hewɔ lɛ, Yehowa mli fu Yuda kɛ Yerusalɛm fɛɛ.

Abe̱i 16:18

Hewoo tsɔ̃ɔ hiɛkpãtãmɔ hiɛ; ni hetsɔ̃ɔmɔ mumɔ tsɔ̃ɔ shigbeemɔ hiɛ.

Ezekiel 28:17

Owo ohe ejaakɛ ohe yɛ fɛo. Onilee ha ofee onii tamɔ buulu. Miŋɔ bo mitswa shi; miŋmɛ bo yayai yɛ maŋtsɛmɛi ahiɛ koni amɛkwɛ bo.

Ezekiel 28:2

“Gbɔmɔ Adesa kɛɛmɔ Tiro lumɔ lɛ akɛ, bɔ ni Nuŋtsɔ Nyɔŋmɔ kɛɔ nɛ, ‘Owoɔ ohe nɔ ni otsɛɔ ohe nyɔŋmɔ,’ Okɛɔ akɛ, ‘Nyɔŋmɔ ji mi, ni mita nyɔŋmɔi lɛ alumɔ sɛi lɛ nɔ yɛ ŋshɔteŋ;’ tsɛbelɛ gbɔmɔ adesa kɛkɛ ji bo, shi jeee nyɔŋmɔ ko. Tsɛbelɛ obuɔ ohe akɛ ole nii tamɔ nɔ ni nyɔŋmɔ ji bo.

Ezekiel 28:5

Jarayeli he nilee kpele ni oyɔɔ eha onii ni oyɔɔ efa babaoo; ni oninamɔ lɛ eha oowo ohe nɔ.

Daniel 11:11

Ijipt maŋtsɛ lɛ kɛ mlila baafã kɛbanina Siria maŋtsɛ lɛ, ni ekɛ lɛ baawu, ni ebaaye enɔ. Siria maŋtsɛ lɛ kɛ ta kpele baaya ta lɛ, shi abaaye enɔ kunim.

Daniel 11:13

Ejaakɛ Siria maŋtsɛ lɛ baaya esɛɛ eyabua tabilɔi babaoo fe tsutsubii lɛ anaa, ni afii komɛi asɛɛ lɛ ebaaku esɛɛ eba ekoŋŋ kɛ ta kpele kɛ tawuu nibii.

Daniel 5:23

shi moŋ owo ohe nɔ yɛ Nuŋtsɔ ni yɔɔ ŋwɛi lɛ hiɛ. Otee oyaloo kpuji kɛ okpolui ni yɔɔ ewe lɛ kɛba, ni bo kɛ onukpai lɛ kɛ oŋamɛi lɛ kɛ ohemɛi lɛ kɛbanu dãa. Enɛ sɛɛ hu lɛ nyɛjie wɔji srɔtoi ni akɛ shika kɛ jwiɛtɛi kɛ akɔɔble kɛ dade kɛ tso kɛ tɛ efee lɛ ayi, nibii ni amɛnãaa nii, ni amɛnuuu nii, ni amɛleee nɔ ko nɔ ko lɛ yi. Shi Nyɔŋmɔ lɛ, ni lɛ edɛŋ owala kɛ oyaakɛbaa fɛɛ yɔɔ lɛ, ojieee lɛ moŋ eyi.

Daniel 8:25

Eŋaalee lɛ hewɔ lɛ, kɛtsɔ̃ enɔ lɛ lakamɔ baafa pii, ni ebaawo ehe nɔ. Ebaakpãtã mɛi babaoo ahiɛ, be mli ni amɛleee amɛhe be. Ebaate shi ewo jeŋ fɛɛ Lumɔi alumɔ lɛ; shi abaakpãtã ehiɛ, be mli ni adesa nine etako ehe tete.

5 Mose 8:14

nyɛkwɛa ni ahia koni nyɛkawo nyɛhe nɔ ni nyɛhiɛ miikpa Yehowa, nyɛNyɔŋmɔ lɛ nɔ. Lɛ mɔ ni ejie nyɛ kɛje Ijipt shikpɔŋ lɛ nɔ he ni aye nyɛ nyɔŋ yɛ lɛ.

1 Timoteo 3:6

Asaŋ jeee mɔ ni bote Nyɔŋmɔjamɔ mli etsɛko, koni ekawo ehe nɔ ni egbee kojomɔ ni abonsam gbee mli lɛ mli.

1 Petro 5:5

Nakai nɔŋŋ nyɛ oblahii kɛ oblayei, nyɛbaa nyɛhe shi nyɛhãa onukpai lɛ. Ni nyɛ fɛɛ nyɛbabaa nyɛhe shi nyɛhãa nyɛhe ni nyɛkɛ heshibaa afee mama nyɛŋmɔa nyɛhɛ, ejaakɛ ŋmalɛ lɛ kɛɛ, “Nyɔŋmɔ kuɔ hewolɔi anaa, shi eduroɔ heshibalɔi.”