Daniel 10:6 - ŊMALƐ KRƆŊKRƆŊ LƐ

⁶ Egbɔmɔtso miikpɛlɛ oookɛɛ ojarawatɛ, ni ehiɛ miikpɛlɛ nyramnyram tamɔ srawa; ehiŋmɛii tamɔ kɔtii ni asu. Eniji kɛ enaji ahe miikpɛlɛ tamɔ akɔɔble ni asha he; ni egbee jije tamɔ asafo yuu gbee.

Ṅmãle̱ Kroṅkroṅ Le̱

⁶ Egbomotšo hũ tamo̱ krĩsolito, ni ehĩe tamo̱ srawa kpe̱mo̱, ni ehiṅme̱ii tamo̱ ko̱tii ní asu, ni enidši ke̱ enãdši ahe tamo̱ akō̱ble ní aša he, ni ewiemo̱ gbē tamo̱ asafo babaō gbē.

Daniel 10:6 ပူးပေါင်းရင်းမြစ်များ

2 Mose 28:20

ni klɛmpɛ ni ji ejwɛ lɛ mli tɛi lɛ afee berilo kɛ onike kɛ yaspi.

Salomo Lalai 5:14

Eniji yɛ fɛo, ni ewo gai ni ojarawatɛi tara mli. Egbɔmɔtso tamɔ nɔ ko ni akɛ shuɔ wu fee, ni akɛ safiro etara he.

Ezekiel 1:14

Nibii nɛɛ ni hiɛ gbɔmɔ su nɛɛ shaa foi kɛyaa kɛbaa tamɔ srawa.

Ezekiel 1:16

Bɔ ni afee kokolontoi lɛ nɛ. Kɛ okwɛ amɛ lɛ, amɛtamɔ ojarawatɛ ni kpɛlɛɔ nyramnyram oookɛɛ ashwishwɛ. Amɛyi ejwɛ lɛ fɛɛ amɛhiɛ henɔ kome. Ni bɔ ni afee amɛ lɛ tamɔ kokolonto ni hɔ kokolonto mli.

Ezekiel 1:24

Kɛji amɛmiifliki lɛ minuɔ ni amɛfijiaŋ miigbɛɛ tamɔ ŋshɔ gbɛɛmɔ; asaŋ etamɔ ta mli hoofeemɔ jijemɔ lɛ: etamɔ Ofe lɛ diɛŋtsɛ gbee. Kɛ amɛwa amɛdamɔ shi lɛ, amɛkɛ amɛfiji lɛ baa shi.

Ezekiel 1:7

Amɛniji ja trɔmɔɔ, amɛnanetokotai tamɔ tsina koklotoi; ni amɛhe kpɛlɛɔ kaŋkaŋ tamɔ akɔɔble ni asha he.

Ezekiel 10:9

Mikwɛ ni mina akɛ kokolontoi ejwɛ yɛ adebɔɔ nibii lɛ ahe; kokolonto kome yɛ bɔɔnɔ kome he. Kokolontoi lɛ ahe kpɛlɛɔ tamɔ ojarawatɛ ko ni atsɛɔ lɛ krisolito lɛ.

Ezekiel 40:3

Be ni ekɛ mi ba jɛi lɛ, naa, nuu ko ni egbɔmɔtso su tamɔ akɔɔble su yɛ jɛi. Ehiɛ kpekpe kpãa kɛ susumɔtso yɛ edɛŋ, ni edamɔ shinaa lɛ shi.

Ezekiel 8:2

Mikwɛ, ni naa, mina nɔ ko ni tamɔ gbɔmɔ. Kɛjɛ ehɛgbɛ kɛbaa eshishigbɛ su lɛ anaa lɛ tamɔ la; ni kɛjɛ ehɛgbɛ kɛyaa ŋwɛigbɛ su lɛ kpɛlɛɔ tamɔ akɔɔble ni asha he.

Mateo 17:2

Ni egbɔmɔtso su tsake yɛ amɛhiɛ, ni ehiɛ kpɛ tamɔ hulu, ni etadei lɛ yɛ tamɔ la.

Mateo 28:3

Ni ehiɛ kpɛɔ tamɔ srawa, ni etade lɛ hu yɛɔ futafuta.

Luka 9:29

Be ni esɔleɔ lɛ, ehiɛ su tsake ni etade lɛ yɛ futaa ni ekpɛ kaŋkaŋ.

Kpojiemɔ 10:1

Ni mina bɔfo hewalɔ kroko jɛ ŋwɛi miikpeleke shi, ni eha atatu, ni kwaabuɛtɛ yɛ eyiteŋ, ni ehiɛ tamɔ hulu, ni enaji tamɔ la akulashiŋi.

Kpojiemɔ 19:12

Ni ehiŋmɛii tamɔ lalilɛi, ni maŋtsɛ faii pii bumɔ eyitso, ni aŋma gbɛi ko yɛ he ni mɔ ko mɔ ko leee akɛ ja lɛ diɛŋtsɛ;

Kpojiemɔ 2:18

“Ni Tiatira asafo lɛ bɔfo lɛ; ŋmaa oyahã lɛ akɛ, “Nii ni Nyɔŋmɔ Bi lɛ ni ehiŋmɛii tamɔ lalilɛi ni enaji tamɔ ayawa kaŋkaŋ lɛ kɛɛ nɛ.

Kpojiemɔ 21:20

nɔ ni ji enumɔ lɛ sardonike, nɔ ni ji ekpaa lɛ sardio, nɔ ni ji kpawo lɛ krisolito, nɔ ni ji kpaanyɔ lɛ berilo, nɔ ni ji nɛɛhu lɛ topasiɔn, nɔ ni ji nyɔŋma lɛ krisopraso, nɔ ni ji nyɔŋma kɛ ekome lɛ hiakinto, nɔ ni ji nyɔŋma kɛ enyɔ lɛ amɛtisto.