Daniel 10:19 - ŊMALƐ KRƆŊKRƆŊ LƐ

¹⁹ Ekɛɛ mi akɛ, “Ao! Gbɔmɔ ni Naa Nyɔŋmɔ sumɔɔ bo pam, kaashe gbeyei; otsui anyɔ omli, ni ofee ekãa.” Be ni ekɛ mi wie nɛkɛ sɛɛ lɛ, mina ekãa, ni mikɛɛ lɛ akɛ, “Minuŋtsɔ, wiemɔ, ejaakɛ owo mi hewalɛ.”

Ṅmãle̱ Kroṅkroṅ Le̱

¹⁹ ni ekē̱: *Kāše gbeyei, bo nū ni asumoo̱ osane naakpa! hedšo̱le̱ ahão! ohe awa, hē̃, ohe awa! Ni beni eke̱mi wie le̱, miná hewale̱, ni mikē̱: Wiemo̱, minuṅtšo̱, edšake̱ owomi hewale̱! *Kpods. 1,17.

Daniel 10:19 ပူးပေါင်းရင်းမြစ်များ

Lalai 138:3

Gbi nɔ ni mitsɛ bo lɛ, ohere mi nɔ; owo mi ekãa, ni misusuma na hewalɛ.

Yesaia 35:4

Nyɛkɛa mɛi ni tsui fãa lɛ akɛ, “Nyɛfea ekãa, nyɛkashea gbeyei! Naa nyɛNyɔŋmɔ lɛ baaba koni ebatɔ nyɛhe owele. Ebaaba koni ebahere nyɛyiwala.”

Yesaia 41:10

Kaashe gbeyei, shi mi mi kɛ bo yɔɔ; kaakwɛkwɛɛ ohe ejaakɛ mi ji oNyɔŋmɔ lɛ!” Mibawaje bo, mibaye mabua bo; mibahiɛ omli kɛ mikunimyeli ninejurɔ lɛ!

Yesaia 41:14

Yehowa kɛɛ, “Kaashe gbeyei, bo gɔgɔmi Yakob! Kaashe gbeyei, bo Israel, gɔgɔmi bibioo! Miikɛɛ bo akɛ maye mabua bo! Okpɔlɔ lɛ ji Israel Mɔ Krɔŋkrɔŋ lɛ.

Daniel 10:18

Kɛkɛ ni bɔfo lɛ ba, ni ebata mihe, ni mina gbɔmɔtsoŋ hewalɛ ekoŋŋ.

Daniel 9:23

Be ni oje shishi ni obɔi Nyɔŋmɔ faikpamɔ lɛ, afã mi, ni no hewɔ miba koni mibatsɔ̃ɔ bo shishi nɛɛ, ejaakɛ Nyɔŋmɔ sumɔɔ bo naakpa. No hewɔ lɛ, jwɛŋmɔ wiemɔ lɛ he koni onu ninaa lɛ shishi.

Hagai 2:4

Shi agbɛnɛ Zerubabel, wajemɔ ohe! Bo Osɔfonukpa Yoshua, Yehozadak bi, bo hu wajemɔ ohe! Nyɛ, maŋbii fɛɛ, nyɛwajea nyɛhe. Nyɛtea shi, nyɛtsua nii, ejaakɛ mi kɛ nyɛ yɛ,

Zakaria 8:13

Naa, Yuda we kɛ Israel we, bɔ ni atsɔ̃ɔ nyɛ gbɛ akɛ majimaji, ni amɛkɛ nyɛgbɛi lomɔ lɛ, nakai nɔŋŋ mahere nyɛyiwala, ni nyɛaatsɔ̃ jɔɔmɔ ni akɛ nyɛgbɛi baajɔɔ. Nyɛkashea gbeyei, shi moŋ nyɛwajea nyɛhe ni nyɛfea ekãa kɛkɛ.”

Zakaria 8:9

“Nyɛ mɛi ni nyɛnuɔ gbalɛ wiemɔi nɛɛ yɛ nɛkɛ bei nɛɛ amli yɛ gbalɔi lɛ anaa kɛjɛ be ni ato Yehowa, Taiatsɛ lɛ, Sɔlemɔ we lɛ maa shishi nɛɛ lɛ, nyɛnijiaŋ akajea wui bɔ ni afee ni anyɛ Sɔlemɔtsu lɛ ama.

Yohane 11:3

No hewɔ lɛ, enyɛmimɛi yei lɛ tsu aba eŋɔɔ abakɛɛ akɛ, “Nuŋtsɔ, naa, mɔ ni osumɔɔ lɛ he miiye.”

Yohane 11:36

Kɛkɛ ni Yudafoi lɛ kɛɛ, “Kwɛ bɔ ni esumɔɔ lɛ!”

Yohane 11:5

Yesu sumɔɔ Maria kɛ enyɛmi yoo lɛ kɛ Lazaro fɛɛ.

Yohane 14:27

“Hejɔlɛ mishiɔ mahã nyɛ, hejɔlɛ ni ji minɔ lɛ mikɛhãa nyɛ, jeee bɔ ni je lɛ hãa lɛ mihãa nyɛ nɛɛ. Nyɛtsui akayea, ni asaŋ nyɛkashea gbeyei.

Yohane 16:33

Mikɛɛ nyɛ nii nɛɛ, koni nyɛna hejɔlɛ yɛ mimli. Je lɛ mli lɛ, nyɛbaana amanehulu, shi nyɛtsui anyɔa nyɛmli, miye je lɛ nɔ kunim.”

Yohane 19:26

No hewɔ lɛ, be ni Yesu na enyɛ kɛ kaselɔ ni esumɔɔ lɛ damɔ shi lɛ, ekɛɛ enyɛ akɛ, “Awo, obi nɛ!”

Yohane 21:20

Shi be ni Petro tsɔ̃ ehe lɛ, ena kaselɔ ni Yesu sumɔɔ lɛ nyiɛ amɛsɛɛ; lɛ ji mɔ ni kpasa Yesu tsitsi yɛ niyenii lɛ ashi ni ebi lɛ akɛ, “Nuŋtsɔ namɔ baatsɔ̃ɔ osɛɛgbɛ lɛ?”

1 Korintobii 16:13

Nyɛbua, nyɛdamɔa shi shiŋŋ yɛ hemɔkɛyeli lɛ mli, nyɛfea hii, ni nyɛhe awaa!

2 Korintobii 12:9

ni ekɛɛ mi akɛ, “Miduromɔ lɛ fa hã bo, ejaakɛ mihewalɛ lɛ, gbedeefeemɔ mli eyeɔ emuu yɛ.” No hewɔ lɛ, misumɔɔ titri akɛ mashwã mafɔ̃ migbedeefeemɔi lɛ anɔ moŋ, koni Kristo hewalɛ lɛ abu mihe.

Efesobii 6:10

Naagbee lɛ, minyɛmimɛi, nyɛhe awaa yɛ Nuŋtsɔ lɛ kɛ ehewalɛ nyɛmɔ lɛ mli.

2 Timoteo 2:1

Agbɛnɛ mibi, bo lɛ ohe awa yɛ dromɔ ni yɔɔ Kristo Yesu mli lɛ mli.

Yoshua 1:9

Ani jeee mi mifã bo? Wajemɔ ohe ni ofee ekãa. Kaahã ŋmiŋmi miimɔ bo, ni asaŋ otsui akafã ejaakɛ mi, Yehowa, oNyɔŋmɔ lɛ, mifĩ osɛɛ yɛ he fɛɛ he ni oyaa.”

Kpojiemɔ 1:17

Ni be ni mina lɛ lɛ, migbee shi yɛ enaji anaa tamɔ gbonyo; ni ekɛ eninejurɔ ŋmɛ minɔ, ni ekɛɛ mi akɛ, “Kaashe gbeyei; mi ji klɛŋklɛŋ mɔ lɛ kɛ naagbee mɔ lɛ

Kojolɔi 6:23

Shi Yehowa kɛɛ lɛ akɛ, “Na tsui, kaashe gbeyei, ogboŋ!”