Daniel 10:14 - ŊMALƐ KRƆŊKRƆŊ LƐ

¹⁴ ni miba koni mibatsɔ̃ɔ bo nɔ ni baaba omaŋbii lɛ anɔ wɔsɛɛ, ejaakɛ nɔ ni baaba wɔsɛɛ shɔŋŋ he ninaa ona lɛ.”

Ṅmãle̱ Kroṅkroṅ Le̱

¹⁴ Ni agbe̱ne̱ miba ní *mibatšõo noni baba omaṅ le̱ no̱ ye̱ nāgbē gbĩĩ le̱ amli; edšake̱ gbĩĩ ní baba le̱ ahe ninā kroko ye̱ lolo. *9,22.

Daniel 10:14 ပူးပေါင်းရင်းမြစ်များ

1 Mose 49:1

Kɛkɛ ni Yakob tsɛ ebii lɛ ni ekɛɛ, “Nyɛbuaa nyɛhe naa koni magba nyɛ wɔsɛɛ saji ni baaba nyɛ nɔ:

Yesaia 2:2

Ebaaba mli akɛ naagbee mli lɛ, gɔŋ lɛ ni Yehowa Sɔlemɔ we lɛ ma nɔ lɛ baatsɔ̃ gɔŋ ni kwɔ fe gɔji fɛɛ. Abaawo enɔ fe gɔji lɛ fɛɛ, ni aaajɛ jeŋjeŋ fɛɛ aba jɛi.

Ezekiel 12:27

“Gbɔmɔ Adesa, naa, Israelbii lɛ kɛɔ akɛ, ‘Oninaa lɛ yeɔ bei pii dani ebaa mli, ni ogbalɛi lɛ hu kɔɔ be ni yɔɔ shɔŋŋ he.’

Ezekiel 38:16

Ooote shi owo mimaŋ Israel; nyɛyifalɛ baaha shikpɔŋ lɛ nɔ. Kɛji gbi lɛ shɛ lɛ mahã otua mishikpɔŋ lɛ, ni bɔ ni mafee bo yɛ majimaji lɛ ahiɛ lɛ, baahã amɛle mi akɛ mɔ krɔŋkrɔŋ ji mi.

Daniel 10:1

Persia Maŋtsɛ Koresh yinɔ afi ni ji etɛ̃ lɛ, ajie ninaa kpo atsɔ̃ɔ Daniel mɔ ni atsɛɔ lɛ Belteshazar hu lɛ. Sane lɛ yɛ mli anɔkwa, ni ekɔɔ haomɔ kpeteŋkple ko he. Atsɔ̃ɔ Daniel, ni enu sane lɛ shishi.

Daniel 12:4

Shi ekɛɛ mi akɛ, “Bo, Daniel, tsiimɔ wiemɔi nɛɛ anɔ, ni osɔo wolo nɛɛ naa kɛyashi naagbee be lɛ. Ni mɛi pii aaagba amɛhe naa kɛya kɛba kɛtao nɔ ni eba lɛ shishi; ni nilee aaafa.”

Daniel 12:9

Eto he ekɛɛ akɛ, “Daniel, kwɛmɔ ohiɛgbɛ ni oya! Wiemɔi lɛ atsimɔ nɔ, ni asɔo amɛnaa kɛyaashi naagbee be lɛ aaaba.

Daniel 2:28

Shi moŋ Nyɔŋmɔ ko yɛ ŋwɛi ni ejieɔ teemɔŋ nibii kpo etsɔ̃ɔ; ni lɛ ji mɔ ni ejie nɔ ni baaba wɔsɛɛ lɛ etsɔ̃ɔ Maŋtsɛ Nebukadnezar lɛ. Lamɔ lɛ ni ola, ni ji ninaa ni ajie atsɔ̃ɔ bo be ni okã osaa lɛ nɔ, lɛ nɛ,

Daniel 8:16

Kɛkɛ ni minu gbɔmɔ gbee bo kɛjɛ Ulai Faa lɛ teŋgbɛ, ni ekɛɛ akɛ, “Gabriel ei! Tsɔ̃ɔmɔ mɔnɛ ninaa lɛ shishi.”

Daniel 8:26

Naa, daa leebi kɛ gbɛkɛ afɔle ni ashãa lɛ he ninaa ni agbala mli atsɔ̃ɔ bo lɛ, anɔkwale ni. Shi bo lɛ okɛto onakutsoŋ, ejaakɛ be kplaŋŋ baaho aya dani sane nɛɛ baaba mli.”

Daniel 9:22

Ekɛɛ mi akɛ, “Daniel, miba koni mibatsɔ̃ɔ bo gbalɛ lɛ shishi.

Hosea 3:5

Kɛfee sɛɛ lɛ Israelbii baaku amɛsɛɛ, amɛaakpale, ni amɛaabatao Yehowa, amɛNyɔŋmɔ lɛ sɛɛgbɛ, amɛaabatao amɛmaŋtsɛ ni ji David shwie ko hu sɛɛgbɛ. Nakai be lɛ amɛkɛ gbeyeishemɔ aaaba Yehowa ŋɔɔ, ni eeejɔɔ amɛ kɛ nibii kpakpai yɛ naagbee bei lɛ amli.

Mika 4:1

Wɔsɛɛ ko lɛ Sɔlemɔ We lɛ gɔŋ lɛ aaakwɔ fe gɔŋkpɔi lɛ fɛɛ, ni eeeta gɔŋkpɔi lɛ fɛɛ anɔ. Majimaji aaabu kɛaaba enɔ.

Habakuk 2:3

Ninaa nɛɛ be lɛ shɛko moŋ, shi eeye ehe oyai kɛba. Kɛji eshashao shi tete po jiŋŋ, bo lɛ mɛɛ, ejaakɛ ebaaba kɛ̃ ni etsɛŋ.

4 Mose 24:14

Balaam tee ewiemɔ lɛ nɔ, ni ekɛɛ Balak akɛ, “Mi lɛ miiya mimaŋ, shi dani mashwie nɔ lɛ, mibatswa bo adafi yɛ nɔ ni Israel maŋ nɛɛ baafee omaŋ lɛ wɔsɛɛ ko he.”

5 Mose 31:21

Kɛji saji fɔ̃ji kɛ hejaramɔ babaoo eba amɛnɔ lɛ, lala nɛɛ aaaye mi kɛ amɛteŋ odase, ejaakɛ amɛshwiei ahiɛ kpaŋ lala nɛɛ nɔ, ni lala lɛ aaahi amɛdaaŋ daa. Amrɔmrɔ nɛɛ po, dani mikɛ amɛ aaaya ayashɛ shikpɔŋ lɛ ni mikã he kitã akɛ mikɛbaahã amɛ lɛ nɔ lɛ, mile yiŋ ni amɛtoɔ momo.”

5 Mose 31:29

Ejaakɛ mile faŋŋ akɛ migbele sɛɛ lɛ, nyɛbaafite kwraa, ni nyɛbaŋ nyɛjeŋ bɔ ni mitsɔ̃ɔ nyɛ lɛ. No hewɔ lɛ, wɔsɛɛ aahu lɛ, efɔŋ ji nɔ ni baaba nyɛnɔ, ejaakɛ nyɛbaafee efɔŋ yɛ Yehowa hiɛ; ni nyɛkɛ nyɛnifeemɔnii baawo emli la.”

5 Mose 4:30

“Kɛji enɛɛmɛi fɛɛ eba nyɛnɔ, ni nyɛyɛ nɔnaa mli lɛ, nakai gbii lɛ amli nyɛaakpale kɛba Yehowa nyɛNyɔŋmɔ lɛ, ŋɔɔ, ni nyɛaabo lɛ toi,

2 Timoteo 3:1

Shi na enɛ ole akɛ naagbee gbii lɛ amli lɛ jaramɔ bei baaba.

Hebribii 2:3

te wɔ lɛ wɔbaafee tɛŋŋ wɔjo nyɔmɔwoo naa foi hu, kɛji wɔbuuu nɛkɛ yiwalaheremɔ kpeteŋkple nɛɛ lɛ? Nuŋtsɔ lɛ tsutsu wie he, ni mɛi ni nu lɛ hu ma nɔ mí amɛhã wɔ,