Daniel 10:1 - ŊMALƐ KRƆŊKRƆŊ LƐ

¹ Persia Maŋtsɛ Koresh yinɔ afi ni ji etɛ̃ lɛ, ajie ninaa kpo atsɔ̃ɔ Daniel mɔ ni atsɛɔ lɛ Belteshazar hu lɛ. Sane lɛ yɛ mli anɔkwa, ni ekɔɔ haomɔ kpeteŋkple ko he. Atsɔ̃ɔ Daniel, ni enu sane lɛ shishi.

Ṅmãle̱ Kroṅkroṅ Le̱

¹ *Koreš ní dši Persia maṅtše̱ le̱ afi ní dši etẽ le̱ no̱ le̱ adšie sane ko kpo atšõ Daniel, moni atšé̱o̱ egbe̱i ake̱ †Beltešazar hũ le̱; ni sane le̱ ano̱kwale ni, ni haomo̱ kpeteṅkple he sane ni; ni ena sane le̱ nā, ni asaṅ eye̱ ninā le̱ he šišinamo̱. *1,21. †1,7.

Daniel 10:1 ပူးပေါင်းရင်းမြစ်များ

1 Mose 41:32

Akɛni akɛ lamɔi srɔtoi enyɔ nɛɛ miitsɔ̃ɔ Farao nɔ koome lɛ nɔŋŋ lɛ, etsɔ̃ɔ akɛ Nyɔŋmɔ yiŋtoo lɛ baaba mli lɛɛlɛŋ, ni etsɛŋ ni ebaaba mli.

2 Kronika 36:22

Maŋtsɛ Koresh, Persia maŋtsɛ lɛ, yinɔ klɛŋklɛŋ afi lɛ nɔ lɛ, Yehowa hã nɔ ni etsɔ̃ Gbalɔ Yeremia nɔ ewie lɛ ba mli. Yehowa tsi Maŋtsɛ Koresh ni ehã efã, asaŋ eŋma famɔ lɛ ewo wolo nɔ, ni ayashiɛ yɛ shikpɔji ni yɔɔ eshishi fɛɛ anɔ akɛɛ akɛ,

Ezra 3:7

Maŋbii lɛ hã shika kɛhã gbogbotswalɔi kɛ srɛŋkifoi lɛ anyɔmɔwoo. Asaŋ amɛhã niyenii kɛ dãa kɛ mu akɛ akɛhã Sidonbii lɛ kɛ Tirobii lɛ, koni amɛyaŋɔ tsenedru tsei kɛjɛ Lebanon kɛba Yopa ŋshɔ lɛ naa tamɔ bɔ ni Koresh, Persia maŋtsɛ lɛ, ehã amɛ hegbɛ akɛ afee lɛ.

Ezra 4:3

Shi Zerubabel kɛ Yeshua kɛ Israel tsɛmɛi awei lɛ onukpai ni eshwɛ lɛ kɛɛ amɛ akɛ, “Kɛ wɔmiima shĩa wɔhã wɔNyɔŋmɔ lɛ, jeee wɔkɛ nyɛ sane ni; shi wɔ sɔŋŋ wɔɔɔma wɔhã Yehowa, Israel Nyɔŋmɔ lɛ, tamɔ bɔ ni maŋtsɛ Koresh, Persia maŋtsɛ lɛ ewo wɔ kitã lɛ.”

Ezra 4:5

Amɛbɔ amralofoi apaa amɛwo Yudafoi lɛ koni amɛhã Yudafoi lɛ ayiŋtoo lɛ afee efolo kɛjɛ Koresh, Persia maŋtsɛ lɛ, be mli aahu kɛyashi Dario, Persia maŋtsɛ lɛ, yinɔ.

Ezra 6:14

Yudafoi onukpai lɛ ma Sɔlemɔ we lɛ, ni etee nɔ jogbaŋŋ yɛ Hagai, gbalɔ lɛ, kɛ Zakaria, Ido bi lɛ, gbalɛ lɛ hewɔ. Amɛma, ni amɛgbe naa yɛ Israel Nyɔŋmɔ lɛ kitã lɛ kɛ Persia maŋtsɛ Koresh kɛ Dario Artashasta akpɔ lɛ naa.

Ezra 6:3

“Maŋtsɛ Koresh klɛŋklɛŋ afi lɛ nɔ lɛ, ewo akpɔ yɛ Nyɔŋmɔ We lɛ ni yɔɔ Yerusalɛm lɛ he akɛ: ‘Nyɔŋmɔ shĩa ni yɔɔ Yerusalɛm ni ashãa afɔlei yɛ mli lɛ, ama, ni ahã eshishitoo lɛ awa. Ekwɔlɛ ninetalɔi nyɔŋmai ekpaa ni elɛɛmɔ hu nakai nɔŋŋ.

Yesaia 44:28

Ekɛɛ yɛ Koresh he akɛ, ‘Mitookwɛlɔ ji lɛ, ni ebaafee nii ni sa mihiɛ’; ni ekɛɛ yɛ Yerusalɛm he akɛ, ‘Abaasaa ama’, ni ekɛɛ yɛ Sɔlemɔ we lɛ hu he akɛ, ‘Abaato oshishi ekoŋŋ.’ ”

Daniel 1:17

Nyɔŋmɔ duro nɛkɛ oblahii ejwɛ nɛɛ jwɛŋmɔ, ni amɛnyɛ amɛkase woloŋ kɛ nii fɛɛ ni atsɔ̃ɔ amɛ lɛ. Yɛ Daniel gbɛfaŋ lɛ Nyɔŋmɔ hã enu ninaa fɛɛ ninaa kɛ lamɔ fɛɛ lamɔ hu shishi efata he.

Daniel 1:21

Daniel sɔ̃mɔ yɛ maŋtsɛwe lɛ mli aahu kɛyashi afi nɔ ni Persia Maŋtsɛ Koresh baye Babilon nɔ kunim lɛ.

Daniel 1:7

Piafonyonukpa fe fɛɛ lɛ wo oblahii ejwɛ nɛɛ gbɛii krokomɛi. Ewo Daniel Belteshazar, ni ewo Hanania Shadrak, ni ewo Mishael Meshak, ni ewo Azaria Abednego.

Daniel 10:14

ni miba koni mibatsɔ̃ɔ bo nɔ ni baaba omaŋbii lɛ anɔ wɔsɛɛ, ejaakɛ nɔ ni baaba wɔsɛɛ shɔŋŋ he ninaa ona lɛ.”

Daniel 11:2

Nɔ ni magba bo agbɛnɛ nɛɛ lɛ anɔkwale ni.” Kɛkɛ ni bɔfo lɛ tee nɔ ni ekɛɛ akɛ, “Naa, maŋtsɛmɛi etɛ̃ krokomɛi baaba abaye Persia shikpɔŋ lɛ nɔ. Maŋtsɛ mɔ ni baanyiɛ amɛsɛɛ akɛ maŋtsɛ ni ji ejwɛ lɛ, ebaana nii fe mɛi krokomɛi lɛ fɛɛ. Ni kɛji etsɔ̃ enii ni ena lɛ nɔ ena hewalɛ lɛ, ebaawo majimaji ayiŋ, ni abaate shi awo Hela maŋtsɛyeli lɛ.

Daniel 12:4

Shi ekɛɛ mi akɛ, “Bo, Daniel, tsiimɔ wiemɔi nɛɛ anɔ, ni osɔo wolo nɛɛ naa kɛyashi naagbee be lɛ. Ni mɛi pii aaagba amɛhe naa kɛya kɛba kɛtao nɔ ni eba lɛ shishi; ni nilee aaafa.”

Daniel 12:9

Eto he ekɛɛ akɛ, “Daniel, kwɛmɔ ohiɛgbɛ ni oya! Wiemɔi lɛ atsimɔ nɔ, ni asɔo amɛnaa kɛyaashi naagbee be lɛ aaaba.

Daniel 2:21

Lɛ etsakeɔ bei kɛ yinɔi lɛ; ekpaa maŋtsɛmɛi, ni etoɔ maŋtsɛmɛi. Lɛ eduroɔ jwɛŋmɔ, ni eduroɔ nilelɔi niiashishinumɔ;

Daniel 4:8

Be ni yi yaawula shi lɛ, Daniel, mɔ ni atsɛɔ lɛ Belteshazar tamɔ bɔ ni atsɛɔ minyɔŋmɔ lɛ, mɔ ni nyɔŋmɔi krɔŋkrɔŋi lɛ amumɔ yɔɔ emli lɛ ba mihiɛ, ni migba lɛ lamɔ ni mila lɛ. Mikɛɛ lɛ akɛ,

Daniel 5:12

Enilee lɛ naa wa jogbaŋŋ. Ehiɛ kã shi, ni ele nii bɔ ni enyɛɔ lamɔi kɛ ajenui kɛ teemɔŋ saji fɛɛ ashishi etsɔ̃ɔ. No hewɔ lɛ, hã ayaŋɔ nuu nɛɛ ni egbɛi ji Daniel, ni otsɛ wo lɛ Belteshazar lɛ, kɛba. Ebaanyɛ etsɔ̃ɔ bo niŋmaa lɛ shishi.”

Daniel 5:17

Daniel here maŋtsɛ lɛ nɔ ekɛɛ, “Nii, nikeenii lɛ ahi shi koni okɛhã mɔ kroko. Shi kɛ̃lɛ mibakane niŋmaa lɛ matsɔ̃ɔ Nii, koni matsɔ̃ɔ Nii eshishi hu.

Daniel 6:28

Daniel nɛɛ shwere yɛ Maŋtsɛ Dario yinɔ kɛ Maŋtsɛ Koresh, Persianyo lɛ, hu yinɔ.

Daniel 8:16

Kɛkɛ ni minu gbɔmɔ gbee bo kɛjɛ Ulai Faa lɛ teŋgbɛ, ni ekɛɛ akɛ, “Gabriel ei! Tsɔ̃ɔmɔ mɔnɛ ninaa lɛ shishi.”

Daniel 8:26

Naa, daa leebi kɛ gbɛkɛ afɔle ni ashãa lɛ he ninaa ni agbala mli atsɔ̃ɔ bo lɛ, anɔkwale ni. Shi bo lɛ okɛto onakutsoŋ, ejaakɛ be kplaŋŋ baaho aya dani sane nɛɛ baaba mli.”

Luka 1:20

Ni naa, oootɔ mu ni onyɛŋ owie kɛyashi gbi nɔ ni nii nɛɛ aaaba mli, ejaakɛ oheee miwiemɔ lɛ ni baaba mli kɛ be shɛ lɛ oyeee.”

Kpojiemɔ 19:9

Ni ekɛɛ mi akɛ, “Ŋmaa, Ajɔɔ mɛi ni atsɛ amɛ kɛba Toobi lɛ yookpeemɔ okplɔ̃ lɛ he lɛ.” Ni ekɛɛ mi akɛ, “Nyɔŋmɔ anɔkwa wiemɔi nɛ.”