Daniel 1:4 - ŊMALƐ KRƆŊKRƆŊ LƐ

⁴ Esa akɛ oblahii nɛɛ ahe yɛ fɛo, kpa ko kpa ko akahi amɛgbɔmɔtsei ahe; amɛyɛ tsɔsemɔ, amɛyɛ jwɛŋmɔ, ni amɛjwɛŋmɔŋ kã shi kɛhã nikasemɔ, koni atsɔse amɛ ni amɛsɔ̃mɔ yɛ maŋtsɛwe lɛ mli. Efã hu akɛ atsɔ̃ɔ amɛ Babilonbii awiemɔ lɛ kɛ amɛwoloŋ hu.

Ṅmãle̱ Kroṅkroṅ Le̱

⁴ gbekẽbii ní kpa ko be̱ ame̱he, ní ame̱he yo̱ fe̱o ní ame̱anyi ṅā-fẽ-ṅā ame̱-kase, ní ame̱le nii, ní ame̱yo̱ dſẽṅmo̱, ni ame̱anyẽ maṅtše̱ le̱ mō̃ le̱ṅ ame̱damo̱, koni atšõame̱ Kaldeamei awoloṅ ke̱ wiemo̱.

Daniel 1:4 ပူးပေါင်းရင်းမြစ်များ

1 Mose 41:46

Yosef eye afii nyɔŋmai etɛ̃ be ni ebɔi Farao, Ijipt maŋtsɛ lɛ, sɔ̃ɔmɔ lɛ. Ni Yosef shiɔ Farao koi lɛ shi efãa gbɛ kɛyaa kɛbaa yɛ Ijipt shikpɔŋ lɛ fɛɛ nɔ.

2 Samuel 14:25

Nuu ko nuu ko bɛ Israel fɛɛ ni ekɛ Absalom ye egbɔ yɛ hefɛo gbɛfaŋ. Kɛjɛ enaneshi aahu kɛyashi epampam lɛ, kpa kome nɛkɛ bɛ ehe.

Abe̱i 22:29

Nuu ni bɔɔ mɔdɛŋ, ni ele ŋaa jogbaŋŋ yɛ enitsumɔ mli lɛ, maŋtsɛmɛi ahiɛ tete eeedamɔ; edamɔŋ mɛi ni abuuu amɛ ahiɛ.

Jajelɔ 7:19

Nilee hãa nilelɔ kome naa hewalɛ ni fe nɔyelɔi nyɔŋma ahewalɛ yɛ maŋ.

Yesaia 36:11

Kɛkɛ ni Eliakim kɛ Shebna kɛ Yoa kɛɛ Asiria maŋtsɛ tsulɔnukpa lɛ akɛ, “Ofainɛ, okɛ otsuji awie yɛ Aram wiemɔ mli moŋ, ejaakɛ wɔnuɔ no hu. Okɛ wɔ akawie yɛ Hebri wiemɔ mli yɛ maŋbii ni jwere gbogbo lɛ nɔ lɛ atoiŋ.”

Yeremia 5:15

Nyɛ Israelbii, naa, miihã maŋ ko ajɛ shɔŋŋ aba koni ebatua nyɛ. Eji blema maŋ, ni ehe wa naakpa; maŋ ko ni nyɛnuuu ewiemɔ, ni kɛji awie tete lɛ nyɛnuuu shishi. Mi, Yehowa, mikɛɛ.

Daniel 2:10

Babilonbii lɛ to he amɛhã Maŋtsɛ Nebukadnezar akɛ, “Nii, mɔ ko mɔ ko bɛ je nɛɛ mli ni ebaanyɛ bo osane nɛɛ naa etsɔ̃ɔ. Maŋtsɛ ko kwraa ehiko shi pɛŋ, bɔ fɛɛ bɔ ni eje agbo ehã, ni eyɔɔ hewalɛ hu ehã, ni ekɛ nɛkɛ sane efɔ̃ ashwãifeelɔi loo klamɔfoi loo ŋkunyaayelɔi loo Babilonbii ahiɛ dã.

Daniel 2:2

No hewɔ lɛ, Maŋtsɛ Nebukadnezar fã akɛ ayatsɛ ashwãifeelɔi kɛ klamɔfoi kɛ ŋkunyaayelɔi ni yɔɔ Babilonbii ateŋ lɛ abaha lɛ koni amɛbatsɔ̃ɔ lɛ elamɔi lɛ ashishi. Be ni gbɔmɛi nɛɛ shɛ maŋtsɛ lɛ hiɛ lɛ,

Daniel 3:8

Babilonbii komɛi tsɔ̃ amãgã nɛɛ jamɔ lɛ nɔ, ni amɛfo Yudafoi lɛ anaa.

Daniel 4:7

Kɛkɛ ni klamɔfoi lɛ kɛ ashwãifeelɔi lɛ kɛ ŋulamiiaŋkwɛlɔi lɛ bashɛ mihiɛ. Migba amɛ lamɔ lɛ, shi amɛnyɛɛɛ mi lamɔ lɛ shishi amɛtsɔ̃ɔ.

Daniel 5:11

Nuu ko yɛ omaŋtsɛyeli nɛɛ mli ni nyɔŋmɔi krɔŋkrɔŋi lɛ amumɔ yɔɔ emli. Otsɛ yinɔ lɛ gbɔmɔ nɛɛ jie hiɛshikãmɔ kɛ nilee kɛ jwɛŋmɔ kpo tamɔ nyɔŋmɔi lɛ anilee yɔɔ lɛ. No hewɔ lɛ, otsɛ, Maŋtsɛ Nebukadnezar, wo lɛ woloŋlelɔi kɛ klamɔfoi kɛ ashwãifeelɔi kɛ ŋulamiiaŋkwɛlɔi fɛɛ anukpa.

Daniel 5:7

Maŋtsɛ lɛ bo waa akɛ ayaŋɔ ashwãifeelɔi lɛ kɛ klalɔi lɛ kɛ ŋulamiiaŋkwɛlɔi lɛ abahã lɛ. Be ni Babilon nilelɔi nɛɛ ba lɛ, maŋtsɛ lɛ kɛɛ amɛ akɛ, “Mɔ ni baanyɛ gbogbo nɛɛ he niŋmaa nɛɛ ekane, ni asaŋ etsɔ̃ɔ mi eshishi lɛ, abaawula lɛ kɛ lumɔ atade afaseo kɛ shika kɔsɔŋkɔsɔ kuɛnii. Ebaatsɔ̃ nɔyelɔ ni ji etɛ̃ yɛ mimaŋtsɛyeli lɛ mli.”

Daniel 9:1

Ahashwerosh bi Dario, Media fɔmɔbi lɛ, ye Kaldeabii amaŋtsɛ.

Zakaria 2:4

Klɛŋklɛŋ bɔfo lɛ fã bɔfo kroko lɛ ekɛɛ, “Sha foi ni oyakɛɛ nɛkɛ oblanyo nɛɛ ni hiɛ susumɔ kpãa lɛ akɛ, Yerusalɛm he baakã efolo tamɔ akrowa ni atswako gbogbo awoko he yɛ emli gbɔmɛi kɛ kooloi ayifalɛ hewɔ.

Bɔfoi 7:20

Nakai be lɛ mli afɔ Mose, ni ehe yɛ fɛo yɛ Nyɔŋmɔ hiɛ, ni alɛ lɛ yɛ etsɛ we lɛ nyɔji etɛ̃.

Bɔfoi 7:22

Ni atsɔ̃ɔ Mose Ijipt nilee fɛɛ, ni efee mɔ ko ni yɔɔ hewalɛ yɛ ewiemɔi kɛ enitsumɔi amli.

Efesobii 5:27

koni eŋɔ lɛ edamɔ shi ehã lɛ diɛŋtsɛ ehe akɛ anunyam asafo ni kpa ko loo nɔ kũaikũai ko loo nakai nɔ ko bɛ ehe, shi moŋ efee krɔŋkrɔŋ ni shwamɔ ko bɛ ehe lɛ.

Kojolɔi 8:18

Agbɛnɛ Gideon bi Zeba kɛ Zalmuna akɛ, “Hii ni nyɛgbe yɛ Tabor lɛ, te amɛsubaŋ yɔɔ tɛŋŋ?” Amɛto he akɛ, “Amɛtamɔ bo pɛ; amɛ fɛɛ amɛtamɔ maŋtsɛmɛi abii.”