Daniel 1:2 - ŊMALƐ KRƆŊKRƆŊ LƐ

² Nuŋtsɔ lɛ hã eye Maŋtsɛ Yehoiakim nɔ kunim. Kɛkɛ ni emɔ Yehoiakim kɛ nomii komɛi hu, ni eloo Nyɔŋmɔ We lɛ mli nibii lɛ ekomɛi, ni ekɛ nomii lɛ kɛ nibii nɛɛ tee Babilon shikpɔŋ lɛ nɔ, ni ekɛ nibii lɛ yawo enyɔŋmɔ lɛ we lɛ mli nitoohe lɛ.

Ṅmãle̱ Kroṅkroṅ Le̱

² Ni Nuṅtšo̱ le̱ ṅõ Iuda maṅtše̱ Iehoiakim ke̱ Nyoṅmo̱ we le̱ nihii le̱ ekomei ewo edeṅ, ni eke̱ame̱ te Šinear šikpoṅ le̱ no̱ ye̱ enyoṅmo̱ le̱ we le̱, ni eke̱ nibii le̱ yato enyoṅmo̱ le̱ nitõ šĩa le̱.

Daniel 1:2 ပူးပေါင်းရင်းမြစ်များ

1 Mose 10:10

Eje emaŋtsɛyeli shishi yɛ Babilon kɛ Erek kɛ Akad. Maji nɛɛ fɛɛ lɛ Babilon shikpɔŋ lɛ nɔ amɛyɔɔ.

1 Mose 11:2

Ni eba mli akɛ be ni amɛfã gbɛ kɛjɛ bokãgbɛ lɛ, amɛyana ŋa kplenee ko yɛ Babilon shikpɔŋ lɛ nɔ, ni amɛhi jɛi.

2 Maŋtsɛmɛi 24:1

Be mli ni Yehoiakim yeɔ maŋtsɛ lɛ, Babilon maŋtsɛ Nebukadnezar fã ta kɛbatua Yuda, ni eye enɔ; ni Yehoiakim sɔ̃mɔ lɛ afii etɛ̃. Shi Yehoiakim tse Nebukadnezar hiɛ atua.

2 Kronika 36:5

Yehoiakim eye afii nyɔŋmai enyɔ kɛ enumɔ be ni ebɔi maŋtsɛyeli lɛ, ni eye maŋtsɛ afii nyɔŋma kɛ ekome yɛ Yerusalɛm. Eyabaaa ejeŋ bɔ ni Yehowa eNyɔŋmɔ lɛ taoɔ.

2 Kronika 36:7

Ni Nebukadnezar loo Yehowa we lɛ mli nibii lɛ ekomɛi kɛtee, ni ekɛyawo emaŋtsɛ we lɛ mli yɛ Babilon.

Ezra 1:7

Yehowa we lɛ okpolui kɛ kpuji ni Nebukadnezar yaloo kɛjɛ Yerusalɛm kɛba ekɛbawo ejemawɔŋ lɛ we lɛ, Maŋtsɛ Koresh jie amɛ kpo.

Yesaia 11:11

Nakai be mli lɛ Nuŋtsɔ lɛ kɛ hewalɛ baakpɔ̃ ewebii ni eshwɛ lolo lɛ, nɔ ni ji shii enyɔ nɔ, kɛjɛ Asiria kɛ Ijipt kɛ Patros kɛ Kush kɛ Elam kɛ Babilon kɛ Hamat, asaŋ kɛ ŋshɔnaa shikpɔji lɛ anɔ kɛaaba.

Yesaia 42:24

Namɔ ŋɔ Israel ehã nihalɔ lɛ; ni namɔ ŋɔ Yakob ehã ojotswalɔi lɛ? Ani jeee Yehowa? Mɔ ni wɔfee esha wɔshi lɛ, mɔ ni wɔkpɛ̃lɛɛɛ egbɛi lɛ anɔ nyiɛmɔ, ni wɔbooo emla lɛ toi lɛ ni?

Yeremia 25:1

Afi nɔ ni Yosia bi Yehoiakim na afii ejwɛ akɛ Yuda maŋtsɛ, ni Nebukadnezar hu na afi akɛ Babilon maŋtsɛ lɛ, Yehowa kɛ mi wie Yuda maŋbii fɛɛ ahe;

Yeremia 27:16

Kɛkɛ ni mikɛɛ osɔfoi lɛ kɛ maŋ muu lɛ fɛɛ akɛ, “Bɔ ni Yehowa kɛɛ nɛ nyɛkaboa nyɛgbalɔi ni gbaa ni amɛkɛɔ nyɛ akɛ, ‘etsɛŋ ni akɛ Yehowa Sɔlemɔ we lɛ mli nibii ni aloo kɛtee Babilon lɛ baaku sɛɛ kɛba,’ lɛ awiemɔi lɛ toi, ejaakɛ amale gbalɛ amɛgbaa amɛtsɔ̃ɔ nyɛ lɛ.

Yeremia 28:3

Biɛ afii enyɔ sɛɛ lɛ, mibaŋɔ Yehowa Sɔlemɔ we lɛ mli nibii fɛɛ ni Babilon Maŋtsɛ Nebukadnezar baloo yɛ biɛ kɛtee Babilon lɛ kɛba biɛ nɛɛ ekoŋŋ.

Yeremia 35:11

Shi be ni Babilon Maŋtsɛ Nebukadnezar fã ta kɛba ebatua shikpɔŋ lɛ, wɔye wɔfua akɛ wɔɔba Yerusalɛm yɛ gbeyei ni wɔshe Babilon ta lɛ kɛ Siria ta lɛ hu hewɔ. No ji Yerusalɛm ni wɔyɔɔ nɛɛ.’ ”

Yeremia 50:2

“Shiɛmɔ koni okɛɛ jeŋ majimaji lɛ, shii aflaŋaa, ni oshiɛ; okashiu nɔ ko nɔ; kɛɛmɔ akɛ Aye Babilon nɔ kunim. Awo lɛ hiɛgbele Mardruk werɛ eho ehe. Ashwie Babilon amãgãi lɛ ahiɛ shi, amɛnaa diɛŋtsɛ ekpɛ amɛhe.

Yeremia 51:44

Mibagbala Bel, Babilonbii awɔŋ lɛ toi, ni mahã egɔi nibii fɛɛ ni emimii. Majimaji anɔ bii eloŋ amɛhe kɛyaŋ eŋɔɔ dɔŋŋ. Babilon maŋ lɛ he gbogbo lɛ ekumɔ eshwie shi.

Daniel 5:13

Ayaŋɔ Daniel oya abahã maŋtsɛ lɛ, ni maŋtsɛ lɛ kɛɛ lɛ akɛ, “Ani bo ji Daniel lɛ, Yudabii nomii ni mitsɛ yaŋɔ kɛjɛ Yuda shikpɔŋ lɛ nɔ kɛba lɛ ateŋ mɔ kome lɛ?

Daniel 5:18

“Maŋtsɛ, Nyɔŋmɔ mɔ ni yɔɔ ŋwɛi shɔŋŋ lɛ hã otsɛ Nebukadnezar tsɔ̃ maŋtsɛ wulu ni yɔɔ hewalɛ kɛ agbojee kɛ anunyam kpeteŋkple;

Habakuk 1:16

No hewɔ lɛ, amɛshãa afɔle amɛkɛjaa amɛyaa lɛ, ni amɛshãa tsofakɛŋma amɛkɛhãa amɛtsãani lɛ, ejaakɛ nomɛi hãa amɛnaa nii kpɔtɔɔ amɛyeɔ.

Zakaria 5:11

Ehã mi hetoo ekɛɛ akɛ, “Amɛkɛmiiya Babilon shikpɔŋ lɛ nɔ; koni amɛyama tsu yɛ jɛi amɛha lɛ. Kɛji agbe tsu lɛ maa naa lɛ amɛkɛ kɛntɛŋ lɛ baayi shi kɛyama egbɛhe.”

5 Mose 32:30

Te feɔ tɛŋŋ ni gbɔmɔ kome kɛkɛ woɔ mɛi akpe foiŋ, ni gbɔmɛi enyɔ kɛkɛ hu woɔ mɛi akpei nyɔŋma foiŋ? Nɔ ni kɛba ji amɛTɛsaa lɛ ekwa amɛ, ni Yehowa eŋmɛɛ amɛhe ehã.

Kojolɔi 2:14

No hewɔ lɛ, Yehowa mli wo Israelbii lɛ la ni ehã ofɔ̃yelɔi baye amɛ ofɔ̃. Asaŋ ekɛ Israelbii lɛ wo amɛhenyɛlɔi ni bɔle amɛ kɛkpe lɛ ahewalɛ shishi, ni amɛnyɛɛɛ amɛhenyɛlɔi lɛ ahiɛ amɛdamɔ dɔŋŋ.

Kojolɔi 3:8

No hewɔ lɛ, Yehowa mli wo Israelbii lɛ ala, ni ehã Mesopotamia maŋtsɛ Kushan-Rishataim ye amɛnɔ kunim ni amɛsɔmɔ lɛ afii kpaanyɔ.

Kojolɔi 4:2

No hewɔ lɛ, Yehowa hã Yabin, Kanaan maŋtsɛ ni yeɔ maŋtsɛ yɛ Hazor lɛ, ye amɛnɔ kunim. Etatsɛ ji Sisera, ni yɔɔ Jeŋmaji Haroshet lɛ.

1 Samuel 5:2

ni amɛkɛtee nyɔŋmɔ ni amɛyɔɔ ni egbɛi ji Dagon lɛ we lɛ, ni amɛkɛyama Dagon amãgã lɛ masɛi.