Daniel 1:19 - ŊMALƐ KRƆŊKRƆŊ LƐ

¹⁹ Maŋtsɛ lɛ kɛ amɛ fɛɛ wie, ni Daniel kɛ Hanania kɛ Mishael kɛ Azaria ji mɛi ni maŋtsɛ lɛ hiɛ sɔ fe fɛɛ yɛ oblahii lɛ ateŋ. No hewɔ lɛ, ehala amɛ koni amɛsɔ̃mɔ yɛ maŋtsɛwe lɛ mli.

Ṅmãle̱ Kroṅkroṅ Le̱

¹⁹ Ni maṅtše̱ le̱ ke̱ame̱ wie, ni ame̱fẽ le̱ anaa ame̱teṅ mokomoko ní tamo̱ Daniel, Hanania, Mišael ke̱ Azaria; nohewo̱ le̱ ame̱badamo̱ maṅtše̱ le̱ hĩe.

Daniel 1:19 ပူးပေါင်းရင်းမြစ်များ

1 Mose 41:46

Yosef eye afii nyɔŋmai etɛ̃ be ni ebɔi Farao, Ijipt maŋtsɛ lɛ, sɔ̃ɔmɔ lɛ. Ni Yosef shiɔ Farao koi lɛ shi efãa gbɛ kɛyaa kɛbaa yɛ Ijipt shikpɔŋ lɛ fɛɛ nɔ.

1 Maŋtsɛmɛi 17:1

Gbalɔ ko ni gbɛi ji Elia, Tishbinyo ni ejɛ Gilead, lɛ kɛɛ Maŋtsɛ Ahab akɛ, “Miikɛɛ bo, yɛ Yehowa, Israel Nyɔŋmɔ hiɛkãalɔ lɛ, mɔ ni misɔ̃mɔɔ lɛ, gbɛi mli akɛ bɔ enyɔŋ, ni nu hu enɛŋ kɛyashi biɛ afii enyɔ loo afii etɛ̃, bɛja mi, miwie dã.”

Abe̱i 22:29

Nuu ni bɔɔ mɔdɛŋ, ni ele ŋaa jogbaŋŋ yɛ enitsumɔ mli lɛ, maŋtsɛmɛi ahiɛ tete eeedamɔ; edamɔŋ mɛi ni abuuu amɛ ahiɛ.

Yeremia 15:19

Shi Yehowa to he akɛ, “Kɛji okpale lɛ, mibaŋɔ bo ekoŋŋ, ni obaasɔ̃mɔ mi. Kɛji owie wiemɔi ni ahe yɔɔ sɛɛnamɔ, shi jeee nɔ ni he bɛ sɛɛnamɔ lɛ, no lɛ obaawie minaa ekoŋŋ. Amɛ amɛaakpale kɛba oŋɔɔ, shi jeee bo ni obaakpale kɛya amɛŋɔɔ.

Daniel 1:18

Be ni be ni maŋtsɛ lɛ eto lɛ shɛ lɛ, Ashpenaz, piafonyo lɛ, kɛ oblahii lɛ fɛɛ tee Maŋtsɛ Nebukadnezar hiɛ ekɛ amɛ yatsɔ̃ɔ lɛ.

Daniel 1:4

Esa akɛ oblahii nɛɛ ahe yɛ fɛo, kpa ko kpa ko akahi amɛgbɔmɔtsei ahe; amɛyɛ tsɔsemɔ, amɛyɛ jwɛŋmɔ, ni amɛjwɛŋmɔŋ kã shi kɛhã nikasemɔ, koni atsɔse amɛ ni amɛsɔ̃mɔ yɛ maŋtsɛwe lɛ mli. Efã hu akɛ atsɔ̃ɔ amɛ Babilonbii awiemɔ lɛ kɛ amɛwoloŋ hu.

Daniel 1:5

Maŋtsɛ Nebukadnezar to akɛ daa gbi lɛ ahã oblahii nɛɛ lɛ diɛŋtsɛ eniyenii kɛfɔkɛfɔ ni eyeɔ kɛ wain hu ni enuɔ lɛ eko. Ekɛɛ akɛ atsɔ̃ɔ amɛ nii afii etɛ̃; ni no sɛɛ lɛ akɛ oblahii lɛ aba abatsɔ̃ɔ lɛ.

Daniel 1:6

Oblahii ni ahala lɛ ateŋ mɛi komɛi ji Daniel kɛ Hanania kɛ Mishael kɛ Azaria. Amɛ fɛɛ amɛjɛ Yuda akutso lɛ mli.

Daniel 1:7

Piafonyonukpa fe fɛɛ lɛ wo oblahii ejwɛ nɛɛ gbɛii krokomɛi. Ewo Daniel Belteshazar, ni ewo Hanania Shadrak, ni ewo Mishael Meshak, ni ewo Azaria Abednego.

Daniel 2:13

No hewɔ lɛ, awo akpɔ koni agbe nilelɔi lɛ. Atao Daniel kɛ enyɛmimɛi lɛ asɛɛgbɛ koni agbe amɛ hu.

Daniel 3:29

“No hewɔ lɛ, miiwo akpɔ akɛ mɔ fɛɛ mɔ ni aaawie Shadrak kɛ Meshak kɛ Abednego Nyɔŋmɔ lɛ he wiemɔ fɔŋ ko lɛ, he fɛɛ he maŋ loo shikpɔŋ nɔ ni mɔ lɛ jɛ, loo wiemɔ fɛɛ wiemɔ ni mɔ lɛ wieɔ lɛ, atserɛ egbɔmɔtso mli mɛnyɛmɛnyɛ, asaŋ afite eshĩa hu koni jɛi atsɔ tumo. AmɛNyɔŋmɔ lɛ sɛɛ lɛ nɔ ko kwraa bɛ dɔŋŋ ni baanyɛ ehere gbɔmɔ yiwala tamɔ nɛkɛ.”