Amos 9:9 - ŊMALƐ KRƆŊKRƆŊ LƐ

⁹ “Naa, mibafã, ni mibasha Israelbii lɛ amli yɛ je lɛ mli maji lɛ ateŋ tamɔ akɛ shaanii shaa ŋmaa mli lɛ, ni ŋmaa kuli nɛkɛ egbeŋ shi.

Ṅmãle̱ Kroṅkroṅ Le̱

⁹ Edšake̱ na, mafã́ ni maša Israel we le̱ mli ye̱ dšeṅmãdšimãdši fẽ ateṅ, tamo̱ ašaä nii amli ye̱ šānõ mli, ni kuli egbēṅ šikpoṅ!

Amos 9:9 ပူးပေါင်းရင်းမြစ်များ

Yesaia 27:12

Ao Israel, nakai gbi lɛ, Yehowa aaahala nyɛ ekomekome kɛjɛ Eufrate Faa lɛ naa kɛyaashi Ijipt husu lɛ nɔ, tamɔ mɔ ko ni miigbee ŋmãa.

Yesaia 28:28

Agbɛlɛɔ abele akɛshãa aboloo; agbɛlɛɔ lɛ kɛ ŋaa. Kɛji aha okpɔŋɔi gbala shwiili kɛtsɔ ŋmãa nɔ kɛho blɛoo lɛ, eflɛɛɛ lɛ.

Yesaia 30:28

Emumɔ ni emuɔ lɛ tamɔ faa ni eyi kɛbata kuɛ, ni ebaakpãtã maji ahiɛ koni ekɛsha amɛmli tamɔ akɛ shaanii shaa nii amli lɛ. Ebaawo majimaji lɛ adaaŋ manyoflɛ koni ekpala amɛ kɛya.

Yeremia 31:36

“Miikɛɛ akɛ ja gbɛjianɔ ni ato nɛɛ sɛɛ efo yɛ mihiɛ, no dani Israelbii ashwiei ayi aaatã, ni amɛfeŋ maŋ yɛ mihiɛ dɔŋŋ kɛaatee naanɔ.”

Yeremia 46:28

Miwebii Yakob shwiei, nyɛkashea gbeyei, Yehowa kɛɛ, ejaakɛ mi kɛ nyɛ yɛ. Mibakpãtã maji fɛɛ ni mishwie nyɛ kɛtee amɛŋɔɔ lɛ ahiɛ butuu, shi nyɛ lɛ mikpãtãŋ nyɛhiɛ kɛmɔŋ shi. Mibagbala nyɛtoi bɔ ni sa kɛkɛ, mikɛ nyɛhe ekeŋ nyɛ efolo tswaa nakai. Mi, Yehowa, mikɛɛ.”

Yeremia 49:36

ni mahã kɔɔyɔɔ atswa kɛjɛ jeŋ koji ejwɛ lɛ abashwie Elam nɔ, ni mibagbɛ amɛ mashwã jeŋ koji ejwɛ lɛ ni ji kɔɔyɔi lɛ ajɛɛhei lɛ, ni maŋ ko ehiŋ shi ni Elambii ni mibagbɛ amɛ mashwã lɛ eyajeŋ jɛi.

Ezekiel 20:38

Ni majie atuatselɔi lɛ kɛ mɛi ni etɔ̃ minɔ lɛ kɛaaje nyɛteŋ. Majie amɛ kɛaajɛ he ni amɛyato gbɔ yɛ lɛ moŋ nɛ, shi amɛnane yiŋ Israel shikpɔŋ lɛ nɔ. No dani nyɛaale akɛ mi, mi ji Yehowa.”

Ezekiel 36:19

Migbɛ amɛ mishwã majimaji lɛ ateŋ kɛ shikpɔji lɛ anɔ. Amɛjeŋba kɛ amɛnifeemɔnii ahewɔ lɛ migbala amɛtoi.

Ezekiel 39:28

Kɛkɛ lɛ amɛaale akɛ mi, mi ji Yehowa, amɛNyɔŋmɔ lɛ; ejaakɛ mihã aŋɔ amɛ nom kɛtee majiasɛɛ, ni misaa miyabua amɛnaa kɛba amɛ diɛŋtsɛ amɛshikpɔŋ lɛ nɔ ekoŋŋ, ni mishiŋ amɛteŋ mɔ ko mɔ ko yɛ jɛi.

Ezekiel 5:10

No hewɔ lɛ, tsɛmɛi baagbe amɛbii amɛye yɛ nyɛteŋ, ni bihii baagbe amɛtsɛmɛi amɛye; magbala nyɛtoi! Hiɛkãalɔi ni baashwɛ lɛ, magbɛ amɛ mashwã jeŋ koji ejwɛ lɛ fɛɛ.

Ezekiel 5:12

Gbele hela kɛ hɔmɔ baaplene oyikulɛ mlijaa etɛ̃ mli ekome yɛ omli, mlijaa etɛ̃ mli ekome baanyɔnyɔɔ yɛ klante naa yɛ maŋ lɛ sɛɛ; ni oyikulɛ mlijaa etɛ̃ mli ekome lɛ, magbɛ amɛ mashwã jeŋ koji ejwɛ lɛ fɛɛ ni mafã klante kɛnyiɛ amɛsɛɛ.

3 Mose 26:33

Ni nyɛ diɛŋtsɛ lɛ mahã ta abanina nyɛ, ni magbɛ nyɛ mashwã majimaji ni yɔɔ jeŋ lɛ anɔ. Gbɔmɛi baatã yɛ nyɛshikpɔŋ lɛ nɔ, ni nyɛmaji lɛ baatsɔ̃mɔ amaŋfɔ̃i.

Luka 22:31

Shi Nuŋtsɔ lɛ kɛɛ, “Simon, Simon, naa, Satan ena hegbɛ, koni esha nyɛ mli tamɔ ŋmaa.

5 Mose 28:64

“Ni Yehowa aaagbɛ nyɛ ashwã shikpɔŋ lɛ nɔ bii lɛ fɛɛ ateŋ, kɛjɛ je lɛ naagbeehe kome kɛyashi naagbeehe kome hu, ni nyɛbaaya nyɛyaja tso kɛ tɛ nyɔŋmɔi ni nyɛ loo nyɛtsɛmɛi lɛ leee.