Amos 9:8 - ŊMALƐ KRƆŊKRƆŊ LƐ

⁸ Naa, mi, Yehowa Ofe, mijie mihiɛ mika Israel, maŋ ni feɔ esha lɛ, ni mibakpãtã ehiɛ kɛje shikpɔŋ lɛ nɔ. Shi moŋ mikpãtãŋ Yakob shwiei lɛ fɛɛ ahiɛ kwrakwra, Yehowa kɛɛ.

Ṅmãle̱ Kroṅkroṅ Le̱

⁸ Na, Nuṅtšo̱ Iehowa edšĩe ehĩe eka maṅtše̱yeli ní feo̱ eša le̱, ni makpãtã ehĩe ke̱-adše̱ sikpoṅ le̱ no̱; kẽle̱ mikpãtäṅ Iakob we le̱ hĩe kwrakwra, Iehowa kē̱.

Amos 9:8 ပူးပေါင်းရင်းမြစ်များ

1 Mose 6:7

No hewɔ lɛ, Yehowa kɛɛ akɛ, “Makpãtã gbɔmɔ ni mibɔ lɛ lɛ hiɛ kɛje shikpɔŋ lɛ nɔ kɛjɛ gbɔmɔ nɔ aahu kɛyashi kooloi kɛ nii ni wamɔɔ kɛ loofɔji anɔ ejaakɛ shi edɔ mi akɛ mibɔ amɛ.”

1 Mose 7:4

Shi eshwɛ gbii kpawo ni mahã nu aba abanɛ yɛ shikpɔŋ lɛ nɔ shwaneshwane kɛ nyɔɔŋnyɔɔŋ fɛɛ gbii nyɔŋmai ejwɛ, ni makpãtã nɔ fɛɛ nɔ ni hiɛ kã ni mibɔ lɛ hiɛ yɛ shikpɔŋ lɛ nɔ.”

1 Maŋtsɛmɛi 13:34

Nɛkɛ enifeemɔ nɛɛ batsɔ̃ esha kpele ehã Yeroboam we lɛ. Enɛ ji nɔ ni hã emaŋtsɛyeli lɛ gbee shi.

Abe̱i 15:3

Yehowa hiŋmɛi yɛ he fɛɛ he; ni ekwɛɔ mɛi fɔ̃ji kɛ mɛi kpakpai fɛɛ.

Abe̱i 5:21

Ejaakɛ Yehowa lɛ, enaa nɔ fɛɛ nɔ ni afeɔ, ni eekwɛ oyaa kɛ obaa fɛɛ.

Yeremia 30:11

Ejaakɛ mikɛ nyɛ yɛ koni mahere nyɛyiwala. Mibakpãtã majimaji fɛɛ ni migbɛ nyɛ mishwã amɛnɔ lɛ ahiɛ kɛmɔ shi. Shi bo lɛ, mikpãtãŋ ohiɛ kɛmɔŋ shi; shi kɛ̃lɛ mibagbala otoi bɔ ni sa kɛkɛ, ni mihaŋ oŋɔ ohe oye tswaa.”

Yeremia 44:27

Naa, miishi amɛhe kpe koni sane fɔŋ aye amɛ; shi jeee sane kpakpa. Yudabii fɛɛ ni yɔɔ Ijipt shikpɔŋ lɛ nɔ lɛ ta kɛ hɔmɔ baaplenee amɛ kɛyashi beyinɔ ni amɛaatã.

Yeremia 46:28

Miwebii Yakob shwiei, nyɛkashea gbeyei, Yehowa kɛɛ, ejaakɛ mi kɛ nyɛ yɛ. Mibakpãtã maji fɛɛ ni mishwie nyɛ kɛtee amɛŋɔɔ lɛ ahiɛ butuu, shi nyɛ lɛ mikpãtãŋ nyɛhiɛ kɛmɔŋ shi. Mibagbala nyɛtoi bɔ ni sa kɛkɛ, mikɛ nyɛhe ekeŋ nyɛ efolo tswaa nakai. Mi, Yehowa, mikɛɛ.”

Yeremia 5:10

“Abote ewain tromi lɛ amli ni afolɔ waintsei lɛ ashwie, shi moŋ akafite tromi lɛ kwraa kɛmɔ shi. Akplɔ etsei aniji lɛ ashwie. Ejaakɛ amɛjeee mi, Yehowa, minii.

Hosea 1:4

Yehowa kɛɛ Hosea akɛ, “Wo abifao lɛ gbɛi akɛ, ‘Yezreel’, ejaakɛ eshwɛ fioo kɛkɛ ni lá shi ni Yehu shwie yɛ Yezreel maŋ lɛ mli lɛ mibatɔ he owele yɛ eshwiei anɔ, ni mibagu Yehu we lɛ maŋtsɛyeli yɛ Israel.

Hosea 1:6

Gomer na musu ekoŋŋ, ni efɔ biyoo. Kɛkɛ ni Yehowa kɛɛ Hosea akɛ, “Wo abifao lɛ gbɛi akɛ, Lo-Ruhama: ‘Mɔbɔnalɛ etã’, ejaakɛ mikaŋ he mihaŋ mimusuŋ atsɔ̃ mi yɛ Israelbii ahe, ni mikɛfaŋ amɛ dɔŋŋ.

Yoel 2:32

Shi mɔ fɛɛ mɔ ni aaasɔle atsɛ Yehowa gbɛi lɛ, aaahere eyi wala. Ni tamɔ bɔ ni Yehowa ekɛɛ lɛ. Mɛi komɛi ahe aaaje mli, yɛ Zion Gɔŋ, Yerusalɛm; mɛi ni mahala lɛ ayi aaana wala.”

Amos 3:12

Yehowa kɛɛ akɛ, “Bɔ ni tookwɛlɔ shɔ̃ɔ too shuɔji enyɔ loo etoi kuku kɛkɛ po yɛ jata daaŋ lɛ, nakai kɛji eshwɛ saatso tso kuku kɛkɛ loo saashwɛ tete akɛbaahere Israelbii ni yɔɔ Samaria lɛ ayiwala.”

Amos 7:17

Amazia, bɔ ni Yehowa kɛɛ nɛ, ‘Oŋa baatsɔ̃ ajwamãŋ yɛ maŋ lɛ mli, ni obihii kɛ obiyei lɛ baanyɔnyɔɔ yɛ ta naa; abaaŋɔ oshikpɔŋ lɛ, ni abaaja ahã mɛi kpɔji. Bo diɛŋtsɛ lɛ maŋsɛɛ obaaya oyagbo yɛ, yɛ shikpɔŋ ko nɔ ni ajaaa Nyɔŋmɔ yɛ; ni Israelbii lɛ nom kɛ̃ aaaŋɔ amɛ kɛaaje amɛshikpɔŋ nɔ kɛaatee.’ ”

Amos 9:10

Mimaŋbii lɛ ateŋ gbɔmɛi eshafeelɔi ni kɛɔ akɛ, ‘Nyɔŋmɔ haŋ nɔ fɔŋ ko anina wɔ lɛ, amɛ fɛɛ amɛbaanyɔnyɔi yɛ ta mli.’ ”

Amos 9:4

Ni kɛji amɛhenyɛlɔi baŋɔ amɛ nom tete lɛ, mibafã, ni henyɛlɔi lɛ baafã klante yɛ amɛnɔ ni amɛaagbe amɛ. Mijie mihiɛ mika amɛ koni makpãtã amɛhiɛ; ejurɔ ko bɛ ni mibafee amɛ.”

5 Mose 4:31

ejaakɛ Yehowa, nyɛNyɔŋmɔ lɛ, musuŋtsɔlɔ ji lɛ; ekwaŋ nyɛ, ni asaŋ ekpãtãŋ nyɛhiɛ; ni ehiɛ kpaŋ kpãŋmɔ ni ekɛ nyɛtsɛmɛi lɛ kpãŋ lɛ nɔ, nɔ ni ekã he kitã ehã amɛ lɛ.

5 Mose 6:15

ejaakɛ Yehowa, nyɛNyɔŋmɔ lɛ, ni yɔɔ nyɛteŋ lɛ, eyeɔ awuŋã, koni emli akawo nyɛ la, ni ekpãtã nyɛhiɛ yɛ shikpɔŋ lɛ nɔ.