Amos 9:4 - ŊMALƐ KRƆŊKRƆŊ LƐ

⁴ Ni kɛji amɛhenyɛlɔi baŋɔ amɛ nom tete lɛ, mibafã, ni henyɛlɔi lɛ baafã klante yɛ amɛnɔ ni amɛaagbe amɛ. Mijie mihiɛ mika amɛ koni makpãtã amɛhiɛ; ejurɔ ko bɛ ni mibafee amɛ.”

Ṅmãle̱ Kroṅkroṅ Le̱

⁴ ni ké̱ ame̱nyie ame̱henye̱lo̱i ahĩe ke̱-te nomṅō̃ mli tete le̱, mafã́ klante ye̱ dše̱i, ni egbeame̱; ni *madšie mihĩe makaame̱ mahã nõfõṅ ni dšee nõkpakpa! *Ier. 44,11.

Amos 9:4 ပူးပေါင်းရင်းမြစ်များ

1 Mose 44:21

Kɛkɛ ni okɛɛ otsuji akɛ, ‘Nyɛyaŋɔa lɛ kɛbaa koni mana lɛ kɛ mihiŋmɛi.’

2 Kronika 16:9

Yehowa, ehiŋmɛi kã je lɛ fɛɛ he, ni ehãa mɛi fɛɛ ni yeɔ lɛ anɔkwa kɛ amɛtsui fɛɛ lɛ naa hewalɛ. Oye kwashiai asane pam, ni no hewɔ lɛ, kɛjɛ kɛyaa nɛɛ lɛ, taitai sɔŋŋ ahe obaakã.”

Lalai 34:17

Kɛ jalɔi fo tsɛ Yehowa lɛ, eboɔ amɛ toi; ni ehereɔ amɛ kɛjɛɔ amɛfimɔi fɛɛ amli.

2 Mose 14:24

Ni maŋkɛ mra mli lɛ Yehowa jɛ atatu kutuu kɛ la kutuu lɛ mli ekwɛ Ijiptbii ata lɛ, ni ehao amɛ.

Yeremia 12:12

Niiahiɛkpãtãlɔi eba shiaŋa lɛ nɔ gɔji kpataai lɛ anɔ fɛɛ, ejaakɛ Yehowa ehã klante miiye nii kɛjɛ shikpɔŋ lɛ naagbeehe kome kɛyagbee enaagbeehe kome; adesa ko adesa ko kwraa bɛ toiŋjɔlɛ.

Yeremia 21:10

Ejaakɛ mijie mihiɛ mika maŋ nɛɛ akɛ efɔŋ ji nɔ ni mibafee amɛ; shi jeee ekpakpa. Aaatu maŋ lɛ awo Babilon maŋtsɛ lɛ dɛŋ, ni eeema enaa lá, ni eeeshã lɛ wɛɛ. Mi Yehowa, mikɛɛ.’ ”

Yeremia 24:6

Mahã mihiŋmɛi akã amɛhe ni mafee amɛ ekpakpa; ni mikɛ amɛ baaku sɛɛ kɛba nɛkɛ shikpɔŋ nɛɛ nɔ ekoŋŋ. Matswa amɛ mamã shi tamɔ amãa tsu, ni mikumɔŋ amɛ; matɛo amɛ tamɔ atɛoɔ tso, ni mifamɔŋ amɛ mishwieŋ.

Yeremia 39:12

“Ŋɔɔ Yeremia, ni okwɛ lɛ jogbaŋŋ. Okafee lɛ efɔŋ ko, shi moŋ bɔ ni eeekɛɛ bo lɛ, ofee nakai ohã lɛ.”

Yeremia 39:16

“Yaa koni oyakɛɛ Ebed-Melek, Kushnyo lɛ, akɛ, bɔ ni Yehowa Taiatsɛ, Israel Nyɔŋmɔ lɛ, kɛɔ nɛ, ‘Naa, mibahã nɔ ni mikɛɛ yɛ maŋ nɛɛ he lɛ aba mli, ebaana nɔ fɔŋ, shi jeee nɔ kpakpa; ni nɔ fɛɛ nɔ baaba mli, ni okɛ ohiŋmɛi baana.

Yeremia 44:11

“No hewɔ lɛ, mi, Yehowa Taiatsɛ, Israel Nyɔŋmɔ lɛ, nɔ ni mikɛɔ ji akɛ, Naa, mibajie mihiɛ maka nyɛ, ni mibaplenee Yuda muu fɛɛ.

Ezekiel 5:12

Gbele hela kɛ hɔmɔ baaplene oyikulɛ mlijaa etɛ̃ mli ekome yɛ omli, mlijaa etɛ̃ mli ekome baanyɔnyɔɔ yɛ klante naa yɛ maŋ lɛ sɛɛ; ni oyikulɛ mlijaa etɛ̃ mli ekome lɛ, magbɛ amɛ mashwã jeŋ koji ejwɛ lɛ fɛɛ ni mafã klante kɛnyiɛ amɛsɛɛ.

Ezekiel 5:2

Mlijaa etɛ̃ mli ekome lɛ, shãa yɛ maŋ lɛ teŋ, be ni agbe kawoo gbii lɛ anaa lɛ. Kɔ mlijaa etɛ̃ mli ekome hu ni okɛ klante afolɔ mli dukuduku be ni obɔleɔ maŋ lɛ kɛkpe lɛ; ni okɛ mlijaa etɛ̃ mli ekome ni eshwɛ lɛ ashwã kɔɔyɔɔ lɛ mli, ni magbala klante kɛnyiɛ sɛɛ.

3 Mose 17:10

Israelnyo fɛɛ Israelnyo loo gbɔ ni ebato Israelbii akaye loo lɛ mli lá, no lɛ majie mihiɛ maka nakai gbɔmɔ lɛ, ni mi kɛ lɛ baafo takoŋ.

3 Mose 26:33

Ni nyɛ diɛŋtsɛ lɛ mahã ta abanina nyɛ, ni magbɛ nyɛ mashwã majimaji ni yɔɔ jeŋ lɛ anɔ. Gbɔmɛi baatã yɛ nyɛshikpɔŋ lɛ nɔ, ni nyɛmaji lɛ baatsɔ̃mɔ amaŋfɔ̃i.

Amos 9:8

Naa, mi, Yehowa Ofe, mijie mihiɛ mika Israel, maŋ ni feɔ esha lɛ, ni mibakpãtã ehiɛ kɛje shikpɔŋ lɛ nɔ. Shi moŋ mikpãtãŋ Yakob shwiei lɛ fɛɛ ahiɛ kwrakwra, Yehowa kɛɛ.

Zakaria 8:10

Ejaakɛ be ni nakai be lɛ shɛko lɛ gbɔmɔ nitsumɔ feɔ yaka, ni kooloo nitsumɔ hu feɔ yaka, ni mɔ ni jeɔ kpo loo ebaa mli lɛ naaa hejɔlɛ yɛ haolɔ lɛ hewɔ, ejaakɛ mihã mɔ fɛɛ mɔ ete shi ewo enaanyo.