Amos 9:2 - ŊMALƐ KRƆŊKRƆŊ LƐ

² Kɛji amɛtsa shi kɛtee gbohiiaje tete lɛ, minine baashɛ amɛnɔ yɛ jɛi; ni amɛkwɔ kɛtee ŋwɛi hu, mibamɔmɔ amɛ kɛkpeleke shi kɛjɛ jɛi.

Ṅmãle̱ Kroṅkroṅ Le̱

² Ké̱ ame̱tša ši ke̱-te gbohĩĩadše tete le̱, minine aaṅõame̱ ke̱-adše̱ dše̱i; ni ké̱ ame̱kwo̱ ke̱-te ṅwei tete le̱, mike̱ame̱ aakpleke ši ke̱-adše̱ dše̱i; Lal. 139,8.

Amos 9:2 ပူးပေါင်းရင်းမြစ်များ

Hiob 20:6

Egbojee aaakwɔ kɛshɛ ŋwɛi, ni eyitso tete aaashɛ atatuiaŋ;

Hiob 22:13

No hewɔ lɛ, okɛɔ akɛ, ‘Mɛni ji nɔ ni Nyɔŋmɔ le? Ani eeenyɛ etsɔ̃ duŋ kpii lɛ mli ekojo lo?’

Hiob 24:23

Nyɔŋmɔ hãa amɛhiɔ shi shweshweeshwe, ni amɛkɛ amɛhe fɔ̃ɔ no nɔ, shi ehiŋmɛi kã amɛjeŋba he daa.

Hiob 26:6

Gbohiiaje kã shi kpetekplee yɛ Nyɔŋmɔ hiɛ; nɔ ko nɔ ko ehaaa nɔ yɛ Nyɔŋmɔ hiɛ.

Hiob 34:22

Duŋ kabitii bɛ he ko he ko ni mɛi ni tsuɔ nishaianii aaanyɛ atee amɛhe yɛ mli.

Yesaia 2:19

Gbi nɔ ni Yehowa aaaba ebahoso shikpɔŋ lɛ, gbɔmɛi baabote tɛsaa tɛkploi kɛ shikpɔŋ bui amli koni amɛtee amɛhe yɛ Yehowa he gbeyei kɛ egbojee anunyam lɛ hewɔ.

Yeremia 49:16

Bo mɔ ni ohɔ tɛkplo mli, kɛ bo mɔ hu ni oyɔɔ gɔŋ yiteŋ, oshishiu bo diɛŋtsɛ ohe kɛ gbeyei ni owo ohe kɛ ohe ni owo lɛ. Kɛji oshihilɛhe yɛ ŋwɛi shɔŋŋ niiaŋ tete po tamɔ okropɔŋ feɔ lɛ, mibaba bo shi.” Yehowa, kɛɛ.

Yeremia 51:53

Kɛ Babilon kwɔ kɛtee ŋwɛi tamɔ mɛ, ni kɛ ewaje emɔji lɛ akɛ mɛ, kɛ̃lɛ mibawo mɛi gbɛ kɛyakpãtã ehiɛ. Mi, Yehowa, mikɛɛ.”

Ezekiel 26:20

no ni manyɛ onɔ koni okɛ mɛi ni kpelekeɔ shi kɛyaa gbohiiaje lɛ ayafata blemabii ni yɔɔ jɛi momo lɛ ahe. Maha bo kɛ mɛi ni kpelekeɔ shi kɛyaa gbohiiaje lɛ ahi shi yɛ gbohiiaje yɛ naanɔ amaŋfɔ̃i lɛ amli, bɔ ni afee ni mɔ ko akahi omli dɔŋŋ, aloo ona gbɛhe ko yɛ hiɛkãalɔi ashikpɔŋ lɛ nɔ hu.

Ezekiel 31:14

Afee enɛ bɔ ni afee ni tso fɛɛ tso ni ma shi yɛ faa toi akakwɔ kakadaŋŋ, ni ebai yashɛ atatuiaŋ nɛkɛ dɔŋŋ; bɔ ni afee ni tso fɛɛ tso ni shishifã naa nu lɛ akakwɔ kɛtee ŋwɛi kɛyanina amɛ. Ejaakɛ aŋɔ amɛ fɛɛ ahã gbele; akɛ amɛ eshi gbɔmɛi adesai kɛ mɛi hu ni yaa gbohiiaje lɛ anɔ.

Obadia 1:4

Kɛji oyato oshihilɛhe yɛ ŋwɛi shɔŋŋ tamɔ okropɔŋ tsu, ni shihilɛhe lɛ hɔ ŋulamii ateŋ tete, kɛ̃lɛ majie bo yɛ jɛi kɛyi shi.

Luka 10:18

Shi Yesu kɛɛ amɛ akɛ, “Mina Satan jɛ ŋwɛi bagbee shi tamɔ srawa.