Amos 9:14 - ŊMALƐ KRƆŊKRƆŊ LƐ

¹⁴ Mibakpale mimaŋ Israelbii lɛ kɛjɛ nomŋɔɔ mli kɛba koni amɛbasaa amɛmaji ni efee koikoi lɛ ni amɛhi mli ekoŋŋ; amɛaafee wain tromi ni amɛaanu amɛmli wain; ni amɛaahu abɔi ni amɛaaye abɔi lɛ amli nii.

Ṅmãle̱ Kroṅkroṅ Le̱

¹⁴ Ni *makpale mimaṅ Israel nomṅō̃ le̱ ke̱-aba ekoṅ, ni ame̱abamãmo̱ mädši kóikói le̱ ame̱ahĩ mli, ni ame̱afe †weintromi, ni ame̱anu ame̱mli wein, ni ame̱afe tromi, ni ame̱aye ame̱mli yibii. *5 Mose 30,3. †Ies. 55,21.

Amos 9:14 ပူးပေါင်းရင်းမြစ်များ

Lalai 107:37

Amɛfeɔ ŋmɔji, ni amɛduɔ nii; amɛfeɔ waintromi, ni amɛkpaa nii babaoo.

Lalai 53:6

Oo, kulɛ ajɛ Zion ahere Israel yiwala! Kɛji Nyɔŋmɔ hã ewebii ba amɛblema ekoŋŋ lɛ, no lɛ Yakob aaanya, ni Israel mii aaashɛ!

Yesaia 60:4

Wo ohiɛ nɔ, koni okwɛ ohe kɛkpe; ooona amɛ fɛɛ ni amɛbua amɛhe naa kɛmiiba oŋɔɔ. Obihii lɛ aaajɛ maŋsɛɛ shɔŋŋ aba, ni obiyei lɛ, aaahiɛ amɛ yɛ ŋmawuiaŋ kɛaaba.

Yesaia 61:4

Amɛaatswa blema tsui koi lɛ; ni amɛaasaa tsutsubii lɛ amaŋfɔ̃i lɛ, ni amɛaato maji ni efite lɛ ehee ekoŋŋ ni ji yinɔi pii anɔ amaŋfɔ̃i lɛ.

Yesaia 65:21

Amɛaamamɔ shĩai, ni amɛ diɛŋtsɛ amɛaahi mli; amɛaafee wain abɔi, ni amɛaaye amɛmli wain tsei lɛ ayibii.

Yeremia 12:15

Shi be ni mishwie amɛ sɛɛ lɛ, mimusuŋ aaatsɔ̃ mi yɛ amɛhe, ni mibaku sɛɛ mikɛ amɛteŋ mɔ fɛɛ mɔ aba lɛ diɛŋtsɛ emaŋ kɛ eshikpɔŋ nɔ ekoŋŋ.

Yeremia 16:15

shi moŋ abaakɛɛ akɛ, ‘Mina Yehowa, mɔ ni jie Israelbii kɛjɛ kooyigbɛ shikpɔŋ lɛ nɔ kɛ shikpɔji fɛɛ ni eshwie amɛ kɛtee nɔ lɛ anɔ kɛba ekoŋŋ lɛ.’ Ejaakɛ mibakpala amɛ kɛba amɛ diɛŋtsɛ amɛshikpɔŋ lɛ nɔ ekoŋŋ, ni ji shikpɔŋ ni mikɛhã amɛtsɛmɛi lɛ.”

Yeremia 23:8

shi moŋ abaakɛɛ akɛ, ‘Mina Yehowa, mɔ ni jie ni ekpala Israelbii ashwiei lɛ kɛje kooyigbɛ shikpɔŋ lɛ kɛ shikpɔji krokomɛi lɛ fɛɛ anɔ, hei ni eshwie amɛ kɛtee lɛ kɛba lɛ.’ Nakai be mli lɛ amɛbaahi amɛ diɛŋtsɛ amɛjaku shikpɔŋ lɛ nɔ.”

Yeremia 24:6

Mahã mihiŋmɛi akã amɛhe ni mafee amɛ ekpakpa; ni mikɛ amɛ baaku sɛɛ kɛba nɛkɛ shikpɔŋ nɛɛ nɔ ekoŋŋ. Matswa amɛ mamã shi tamɔ amãa tsu, ni mikumɔŋ amɛ; matɛo amɛ tamɔ atɛoɔ tso, ni mifamɔŋ amɛ mishwieŋ.

Yeremia 29:14

Mi Yehowa, mikɛɛ akɛ nyɛaana mi; ni nyɛnii fɛɛ ni laaje lɛ, nyɛnine baashɛ nɔ ekoŋŋ. Mibabua nyɛnaa kɛjɛ majimaji anɔ kɛ hei fɛɛ ni mishwie nyɛ kɛtee lɛ, ni mikɛ nyɛ baaku sɛɛ kɛba biɛ nɛɛ he ni mihã aŋɔ nyɛ nom kɛjɛ kɛtee lɛ ekoŋŋ.

Yeremia 30:18

Naa, mibahã miwebii ashwere ekoŋŋ; ni mimusuŋ aaatsɔ̃ mi yɛ shĩa fɛɛ shĩa he. Abaasaa Yerusalɛm atswa ama egɔ̃ŋ lɛ nɔ ekoŋŋ. Ni mɔɔ lɛ aaama etsutsu maahe lɛ.

Yeremia 30:3

Shi naa, gbii miiba ni mibahã miwebii Israelbii kɛ Yudabii anine ashɛ amɛnibii fɛɛ ni amɛlaaje lɛ anɔ. Mikɛ amɛ baaku sɛɛ kɛba shikpɔŋ ni mikɛhã amɛtsɛmɛi lɛ nɔ ekoŋŋ koni amɛbaŋɔ shikpɔŋ lɛ akɛ amɛnɔ.”

Yeremia 31:23

Bɔ ni Yehowa, Taiatsɛ Israel Nyɔŋmɔ lɛ kɛɔ nɛ, “Kɛji mihã amɛnine shɛ amɛnibii ni amɛlaaje lɛ nɔ ekoŋŋ lɛ, amɛbaakɛɛ yɛ Yuda shikpɔŋ lɛ nɔ kɛ enɔ maji lɛ amli akɛ, ‘Bo shihilɛhe ni ayeɔ jalɛ sane yɛ omli, Yehowa ajɔɔ bo, bo Gɔŋ Krɔŋkrɔŋ.’

Yeremia 31:28

Ni ebaaba mli akɛ bɔ ni mishi amɛhe kpe ni mifamɔ amɛ mishwie, ni mikumɔ amɛ mishwie shi, ni mibutu amɛ, ni mikpãtã amɛhiɛ ni mifee amɛ efɔŋ lɛ, nakai nɔŋŋ kɛ̃ mashi amɛhe kpe ni matɛo amɛ, ni matswa amɛ mama shi.

Yeremia 31:5

Ooofee waintromii yɛ Samaria gɔji lɛ anɔ ekoŋŋ, ni mɛi ni tɛoɔ waintsei lɛ baaye tsei lɛ ayibii.

Yeremia 32:15

Ejaakɛ bɔ ni Yehowa Taiatsɛ, Israel Nyɔŋmɔ lɛ, kɛɛ nɛ, abaatse shika akɛhe shĩa kɛ ŋmɔ kɛ waintrom ekoŋŋ yɛ shikpɔŋ nɛɛ nɔ.’ ”

Yeremia 32:37

Naa, mi nɔŋŋ mabua maŋbii ni mikɛ mlifu kɛ mlila kɛ grimɔ ni naa wa jogbaŋŋ eshwie amɛ kɛtee maŋsɛɛ lɛ anaa kɛjɛ nakai shikpɔji lɛ anɔ, ni mikɛ amɛ baaku sɛɛ kɛba shikpɔŋ nɛɛ nɔ ekoŋŋ; ni mahã amɛhi shi shweshweeshwe;

Yeremia 33:11

nyamɔ kɛ mliflimɔ kɛ ayɛmforowu kɛ ayɛmforo gbee ekoŋŋ yɛ jɛi. Abaanu mɛi ni kɛ amɛshidaa afɔlei baa Yehowa we lɛ he ni amɛmiila akɛ, ‘Nyɛdaa Yehowa, Taiatsɛ lɛ, shi ejaakɛ Yehowa hi, ni esuɔmɔ ni tsakeee lɛ hiɔ shi kɛyaa naanɔ!’ Ejaakɛ mibahã shikpɔŋ lɛ ashwere tamɔ bɔ ni eyɔɔ tsuutsu lɛ. Mi Yehowa mikɛɛ.”

Yeremia 33:7

Ni mahã Yuda kɛ Israel nine ashɛ amɛnibii ni amɛlaaje lɛ fɛɛ nɔ ekoŋŋ, ni matswa amɛ ekoŋŋ mama shi taakɛ amɛyɔɔ tsuutsu lɛ.

Ezekiel 16:53

“Makpale Sodom kɛ ekrowai lɛ anibii lɛ mahã amɛ ekoŋŋ, ni nakai nɔŋŋ maha Samaria kɛ ekrowai lɛ anine ashɛ amɛnibii lɛ anɔ ekoŋŋ, ni makpale bo hu onibii lɛ maha bo yɛ amɛhiɛ.

Ezekiel 28:26

Amɛbaahi shikpɔŋ lɛ nɔ shweshweeshwe, amɛbaamamɔ tsui, ni amɛbaafee waintromi. Amɛbaahi shi shweshweeshwe be ni magbala majimaji ni bɔle amɛ, mɛi ni bɔ amɛ ahora lɛ atoi lɛ; kɛkɛ lɛ amɛaale akɛ mi, mi ji Yehowa.”

Ezekiel 37:21

koni okɛɛ amɛ akɛ, bɔ ni Nuŋtsɔ Yehowa kɛɔ nɛ, naa, majie Israelbii lɛ kɛaajɛ majimaji lɛ anɔ hei ni amɛtee lɛ, ni mabua amɛnaa kɛaajɛ hei fɛɛ; ni mikɛ amɛ aaaba amɛ diɛŋtsɛ amɛshikpɔŋ lɛ nɔ.

Ezekiel 39:25

“No hewɔ lɛ, bɔ ni Nuŋtsɔ Yehowa kɛɔ nɛ, agbɛnɛ lɛ makpale Yakob shwiei ni aŋɔ amɛ nom lɛ kɛba ekoŋŋ, ni mana Israel we lɛ fɛɛ mɔbɔ. Maye migbɛi krɔŋkrɔŋ lɛ he awuŋã.

Amos 5:11

Akɛni nyɛnaanaa ohiafo nɔ, ni nyɛtsuɔ lɛ abele onia fe bɔ ni sa hewɔ lɛ, nyɛkɛ tɛ ni ako emamɔ shĩai; shi moŋ nyɛhiŋ amɛmli; ni nyɛfeefee wain tromi fɛɛfɛji moŋ, shi nyɛnuŋ amɛmli wain.

Zefania 1:13

Abaaha amɛjarayeli nibii, ni amɛshĩai hu baatsɔ̃mɔ amaŋfɔ̃. Amɛaamamɔ tsui nɛ, shi amɛwɔŋ mli, ni amɛaafee waintromi, shi amɛnuŋ amɛmli wain lɛ eko.”

Zefania 2:7

Ŋshɔnaa shikpɔŋ lɛ baatsɔ̃ Yudabii ni eshwɛ lɛ anɔ. Jɛi amɛbaalɛ amɛkooloi yɛ, ni Ashkelon maŋ lɛ shĩai lɛ baatsɔ̃mɔ kooloi lɛ awɔɔhei; ejaakɛ Yehowa, amɛNyɔŋmɔ lɛ, musuŋ baatsɔ̃ lɛ yɛ amɛhe, ni ebaahã amɛshwere ekoŋŋ.