Amos 9:11 - ŊMALƐ KRƆŊKRƆŊ LƐ

¹¹ Yehowa kɛɛ akɛ, “Be ko miiba, ni nakai gbi lɛ nɔ lɛ, mibatee David maŋtsɛyeli ni egbee shi lɛ shi mama shi ekoŋŋ. Mibatsimɔ fɔji ni eba maŋtsɛyeli lɛ mli lɛ, ni masaa matswa lɛ mama shi tamɔ eyɔɔ blema lɛ.

Ṅmãle̱ Kroṅkroṅ Le̱

¹¹ Nakai gbĩ le̱ no̱ le̱ *matē David bū ní egbē ši le̱ ši mamã ši, ni matšĩmo̱ emli fodši le̱, ni matē etšũkói le̱ aši mamãmo̱ ši, ni matſale̱ take̱ bo̱ni eyo̱ ye̱ blema gbĩĩ le̱ amli le̱; *Bo̱f. 15,16. 17.

Amos 9:11 ပူးပေါင်းရင်းမြစ်များ

Hiob 1:10

Bɛ ofo afabaŋ okɛbaa lɛ kɛ ewe kɛ nɔ fɛɛ nɔ ni eyɔɔ lɛ yi shweshweeshwe. Ojɔɔ eninenaa nitsumɔ nɔ, ni ekooloi eshwere yɛ shikpɔŋ lɛ nɔ.

Lalai 143:5

Mikaiɔ blema gbii lɛ, mijwɛŋɔ nii ni ofee lɛ fiaa he; misusuɔ oninenaa nitsumɔi lɛ ahe.

Lalai 80:12

Mɛni hewɔ mɔ okumɔ waintso lɛ he afabaŋ lɛ, ni mɛi fɛɛ ni hoɔ tserɛɔ enɔ yibii nɛɛ?

Lalai 89:40

Okumɔ emaŋ lɛ he gbogbo lɛ oshwie shi, ni ofee emɔji lɛ koikoi.

Yesaia 16:5

abaajɛ suɔmɔ ni tsakeee mli afo maŋtsɛyeli sɛ̃i ko ama shi. Mɔ ko baajɛ David shwiei ateŋ eta sɛ̃i nɛɛ nɔ, ni ebaaye maŋtsɛ lɛ kɛ anɔkwayeli; ebaaye jalɛ sane yɛ kojomɔ mli, ni ebaakwɛ akɛ aaye jalɛ sane.”

Yesaia 5:5

“Agbɛnɛ mibatsɔ̃ɔ nyɛ nɔ ni mibafee miwaintrom lɛ. Mibajie ehe afabaŋ lɛ koni kooloi akpãtã ehiɛ. Mibakumɔ ehe gbogbo lɛ hu koni anaanaa enɔ kɛho.

Yesaia 58:12

Omɛi lɛ aaasaa oblema tsui koi lɛ atswa; amɛaatswa tsui lɛ amɛmamɔ blema shishitoo srɔtoi lɛ anɔ. Aaatsɛ nyɛ mɛi ni saa gbogboi lɛ amɛtswa kɛ mɛi ni saa gbɛjegbɛi lɛ koni mɛi anyɛ nɔ ahi.”

Yesaia 63:11

Kɛkɛ ni emaŋ lɛ kai Mose blema be lɛ, ni amɛkɛɛ akɛ, “Nɛgbɛ mɔ ni jie amɛ kɛ amɛhiɛnyiɛlɔ lɛ kɛjɛ ŋshɔ lɛ mli lɛ yɔɔ? Nɛgbɛ mɔ ni to Emumɔ Krɔŋkrɔŋ lɛ yɛ amɛteŋ lɛ yɔɔ?

Yesaia 65:9

Mibajɔɔ Israelbii ni jɛ Yuda mli lɛ, ni amɛshwiei aaabaŋɔ migɔji ashikpɔŋ lɛ akɛ amɛnɔ, ni jɛi mitsuji ni sɔmɔɔ mi lɛ aaahi.

Yeremia 18:9

Ni be fɛɛ be ni makɛɛ yɛ maŋ ko loo maŋtsɛyeli ko he akɛ mamã lɛ mamã shi, ni eshwere lɛ,

Yeremia 30:9

Shi moŋ amɛbaasɔ̃mɔ Yehowa, amɛNyɔŋmɔ lɛ kɛ David shwie ni mibato lɛ maŋtsɛ mibahã amɛ lɛ.

Yeremia 46:26

ni mibatu amɛ mawo mɛi ni taoɔ amɛ amɛgbe lɛ adɛŋ, mɛi nɛɛ ji Babilon Maŋtsɛ Nebukadnezar kɛ etsuji lɛ. Shi naagbee mli aahu lɛ, Ijipt nine baashɛ nibii fɛɛ ni ŋmɛɛ lɛ lɛ anɔ, ni mɛi aaabahi emli. Mi Yehowa, mikɛɛ.”

Yāfó 5:21

Ao! Yehowa, kpalemɔ wɔ kɛba oŋɔɔ ekoŋŋ, ni wɔɔkpale lɛɛlɛŋ. Daimɔ wɔblema shihilɛ lɛ ohã wɔ!

Ezekiel 17:24

Ni ŋa nɔ tsei lɛ fɛɛ aaana ale akɛ mi, Yehowa, mihãa tso ni kwɔ lɛ baa shi, ni miwoɔ tso tɛkɛɛ lɛ nɔ kɛyaa ŋwɛi; Mihãa tso ŋmɔŋ gbiɔ ni mihãa tso gbiŋ fɛoɔ. Mi, Yehowa, miwie, ni mafee hu.”

Ezekiel 36:11

Maha gbɔmɛi kɛ kooloi ayi afa yɛ gɔji lɛ anɔ; amɛaafɔfɔi, ni amɛyi aaafa. Ni mahã gbɔmɛi ahi nyɛnɔ tamɔ tsutsu lɛ; ni mafee nyɛ ejurɔ pii fe tsutsu lɛ. No nyɛkɛaale akɛ, mi, mi ji Yehowa.

Hosea 3:5

Kɛfee sɛɛ lɛ Israelbii baaku amɛsɛɛ, amɛaakpale, ni amɛaabatao Yehowa, amɛNyɔŋmɔ lɛ sɛɛgbɛ, amɛaabatao amɛmaŋtsɛ ni ji David shwie ko hu sɛɛgbɛ. Nakai be lɛ amɛkɛ gbeyeishemɔ aaaba Yehowa ŋɔɔ, ni eeejɔɔ amɛ kɛ nibii kpakpai yɛ naagbee bei lɛ amli.

Obadia 1:17

“Shi mɛi ni aaaje mli lɛ, aaayato maŋ yɛ Zion Gɔŋ lɛ nɔ. Eeetsɔ̃ maŋ krɔŋkrɔŋ, ni Yakob shwiei lɛ anine aaashɛ amɛgbɛfaŋ shikpɔŋ lɛ nɔ ekoŋŋ.

Mika 5:2

Yehowa kɛɛ, “Betlehem Efrata, maji bibii fe fɛɛ ni yɔɔ Yuda shikpɔŋ lɛ nɔ lɛ ateŋ ekome ji bo, shi omli majie Israel nɔyelɔ kɛaajɛ. Nɔyelɔ nɛɛ weku kpãa aaajɛ blema beebe.”

Mika 7:11

Yerusalɛmbii, be miiba ni aaasaa maŋ lɛ gbogboi lɛ atswa ni aaalɛɛ ehusui amli kɛaatee sɛɛ.

Mika 7:14

Yehowa, feemɔ tookwɛlɔ ohã omaŋ lɛ, ni olɛ amɛ, maŋ ni bo diɛŋtsɛ ohala lɛ. Amɛyɛ ŋa kplanaa nɔ banee yɛ Gɔŋ Karmel lɛ yiteŋ, tsɛbelɛ shikpɔŋ ni baa nii bɔle amɛ kɛkpe. Hã ni amɛhi Bashan kɛ Gilead shikpɔŋ frɔ̃frɔ̃ lɛ nɔ; ni amɛye enɔ nii tamɔ blema ko lɛ.

Mika 7:8

Ao mihenyɛlɔ, kaaye mi yɔɔ. Kɛ migbee shi lɛ, mibate shi ekoŋŋ; kɛ duŋ wo mi lɛ, Yehowa aaatsɔ̃ la ahã mi.

Zakaria 12:7

“Yehowa baahã Yuda akutso lɛ mli tabilɔi tsutsu aye amɛhenyɛlɔi lɛ anɔ kunim, bɔ ni afee ni hiɛ akasɔ David shwiei lɛ, kɛ Yerusalɛmbii lɛ hu akunim ni amɛye lɛ fe kunim ni Yudabii baaye lɛ.

Zakaria 14:10

Shikpɔŋ muu lɛ ni kã shi kɛjɛ Geba yɛ kooyigbɛ lɛ aahu kɛtee Rimon yɛ Yerusalɛm wuoyigbɛ lɛ fɛɛ baatsɔ̃ ŋa kplanaa; shi Yerusalɛm baahi shi grɔŋŋ yɛ eblema shimaahe lɛ. Ebaajɛ Benyamin Agbo lɛ naa kɛyashi he ni agbo yɔɔ tsutsu lɛ, ni ji Koŋ Agbo lɛ; ebaatsa nɔ kɛyamɔ Hananel Mɔɔ grɔŋŋ lɛ, aahu kɛyanina maŋtsɛ wainŋaahe lɛ.

Zakaria 6:12

No sɛɛ lɛ, okɛɛ lɛ akɛ bɔ ni Yehowa, Taiatsɛ lɛ kɛɛ nɛ, ‘Naa, nuu lɛ ni egbɛi ji Tsonine lɛ, ebaada yɛ enajiaŋ, ni lɛ ebaama Yehowa Sɔlemɔ we lɛ.

4 Mose 24:18

Ebaaye Edom nɔ, ni eeeye Seir hu nɔ, eeeye ehenyɛlɔi lɛ hu anɔ ni eeeŋɔ amɛshikpɔji lɛ be mli ni Israel yeɔ kunim lɛ.