Amos 9:1 - ŊMALƐ KRƆŊKRƆŊ LƐ

¹ Mina Yehowa damɔ afɔleshãa latɛ lɛ he. Ekɛɛ mi akɛ, “Okɛ nii atswia Sɔlemɔtsu lɛ akulashiŋi lɛ ayiteiaŋ kpɔbii lɛ waa koni kpokui lɛ ahoso, ni ewule eshwie mɛi lɛ fɛɛ anɔ. Mɛi ni ahe baaje mli lɛ mibagbe amɛ yɛ ta mli. Mɔ ko mɔ ko ejoŋ minaa foi lɛ, mɔ ko mɔ ko hu he ejeŋ mli.

Ṅmãle̱ Kroṅkroṅ Le̱

¹ Mina Nuṅtšo̱ le̱ damo̱ afo̱lešãlate̱ le̱ he, ni ekē̱ ake̱: Tſa akulašĩṅ le̱ yiteṅkpo̱ le̱ no̱, koni kpoku le̱ ahoso, ni owule oſie ame̱fẽ ame̱yiteṅ! Ni mike̱ klante aagbe ame̱teṅ se̱kpelo̱i le̱; ame̱teṅ mokomoko edšoṅ foi, ni ame̱teṅ mokomoko edšeṅ mli.

Amos 9:1 ပူးပေါင်းရင်းမြစ်များ

2 Kronika 18:18

Shi Mikaia tee egbalɛ lɛ nɔ, ni ekɛɛ akɛ, “No hewɔ lɛ, nyɛboa nɔ ni Yehowa kɛɔ toi: Mina Yehowa ni eta emaŋtsɛ sɛi lɛ nɔ, ni ŋwɛi bɔfoi fɛɛ ewo shi yɛ eninejurɔ nɔ kɛ ebɛku fɛɛ.

Lalai 68:21

Shi Nyɔŋmɔ aaajwara ehenyɛlɔi lɛ ayitsei, mɛi ni baa jeŋ fɔŋ ni amɛto amɛyi kusukusuu lɛ.

Lalai 68:22

Nuŋtsɔ lɛ kɛɛ akɛ, “Mibakpala amɛ kɛaajɛ Bashan kɛba ekoŋŋ; mibakpala amɛ kɛaajɛ ŋshɔ bu kwɔŋkwɔŋ lɛ shishi kɛba ekoŋŋ,

Yesaia 30:16

ni nyɛkɛɛ akɛ, ‘Dabida! Wɔɔtara okpɔŋɔi anɔ kɛjo foi.’ No hewɔ lɛ, foi kɛ̃ nyɛaajo. Ni nyɛkɛɛ hu akɛ ‘Wɔɔtara okpɔŋɔi ni foijee naa wa nɔ.’ No hewɔ lɛ, mɛi ni aaatiu nyɛ lɛ hu afoijee naa baawa.

Yesaia 6:1

Afi nɔ ni Maŋtsɛ Uzia gbo lɛ, mina Nuŋtsɔ lɛ ni eta maŋtsɛ sɛi ni kwɔ gojoo ko nɔ. Atade yuu ni ewo lɛ eyi Sɔlemɔ we lɛ obɔ̃.

Yeremia 11:11

No hewɔ lɛ, naa, nɔ ni mi, Yehowa, mikɛɔ ji akɛ mibahã sane fɔŋ aye amɛ, ni amɛhe ejeŋ mli. Amɛbaablɔ amɛtsɛ mi nɛ, shi miboŋ amɛ toi.

Yeremia 42:16

no lɛ ta ni nyɛsheɔ lɛ aaaba abanina nyɛ yɛ Ijipt shikpɔŋ lɛ nɔ. Musuŋ hɔmɔ gbeyei ni nyɛsheɔ lɛ aaanyiɛ nyɛsɛɛ tuuŋtu kɛya Ijipt tɔ̃ɔ, ni jɛi nɔŋŋ nyɛaayagboi yɛ.

Yeremia 48:44

Mɔ ni aaajo gbeyei lɛ naa foi lɛ, eeeyagbee bu lɛ mli; ni mɔ ni aaakwɔ kɛje bu lɛ mli lɛ, eeeyadu tsɔne lɛ. Ejaakɛ mahã nɛkɛ jaramɔi nɛɛ aba Moabbii anɔ, afi nɔ ni mibagbala amɛtoi lɛ.

Ezekiel 1:28

Bɔ ni anaa kwaabuɛtɛ su kɛji efo yɛ atatuiaŋ yɛ nunɛmɔ be mli lɛ, nakai ehe ni ekpɛ haŋŋ lɛ yɔɔ. Bɔ ni Yehowa anunyam su yɔɔ nɛ.

Ezekiel 10:4

Kɛkɛ ni Yehowa anunyam lɛ kpɛmɔ lɛ wo ehe nɔ yɛ bɔɔ nibii lɛ anɔ kɛtee Sɔlemɔ we lɛ shinaa lɛ shi; ni atatu lɛ yi Sɔlemɔ we lɛ obɔ̃, ni Yehowa anunyam kpɛmɔ lɛ yi kpo lɛ nɔ obɔ̃.

Ezekiel 15:7

Majie mihiɛ maka amɛ, ni kɛji amɛje la lɛ mli tete lɛ, la lɛ nɔŋŋ kɛ̃ baakpãtã amɛhiɛ. No ni nyɛaale akɛ mi, mi ji Yehowa, kɛji mijie mihiɛ mika amɛ lɛ.

Ezekiel 9:2

Ni naa, hii ekpaa jɛ kpo nɔ gbɛ agbo ni ye kooyigbɛ lɛ naagbɛ amɛba. Amɛteŋ mɔ fɛɛ mɔ hiɛ emɔgbee dade yɛ edɛŋ. Nuu ko hu fata amɛhe ni ewo niyɛŋ, ni etsotsoro nɔ ko ni nibii ni akɛŋmãa nii yɛ mli. Amɛtee mli ni amɛyadamɔ akɔɔble afɔleshãa latɛ lɛ masɛi.

Amos 3:14

akɛ, gbi nɔ ni mibagbala Israelbii atoi yɛ amɛtoigbele hewɔ lɛ, mibakpãtã Betel afɔleshãa latɛi lɛ hu ahiɛ. Abaakumɔ akloŋtoi ni yɔɔ afɔleshãa latɛi nɛɛ akoji lɛ ashwie shi.

Amos 7:17

Amazia, bɔ ni Yehowa kɛɛ nɛ, ‘Oŋa baatsɔ̃ ajwamãŋ yɛ maŋ lɛ mli, ni obihii kɛ obiyei lɛ baanyɔnyɔɔ yɛ ta naa; abaaŋɔ oshikpɔŋ lɛ, ni abaaja ahã mɛi kpɔji. Bo diɛŋtsɛ lɛ maŋsɛɛ obaaya oyagbo yɛ, yɛ shikpɔŋ ko nɔ ni ajaaa Nyɔŋmɔ yɛ; ni Israelbii lɛ nom kɛ̃ aaaŋɔ amɛ kɛaaje amɛshikpɔŋ nɔ kɛaatee.’ ”

Amos 7:9

Hei ni Isak shwie lɛ jaa yɛ lɛ baatsɔ̃mɔ amaŋfɔ̃, ni hei ni Israelbii jaa yɛ lɛ hu baafee koikoi; ni mibafã ta mawo Yeroboam we lɛ.”

Habakuk 3:13

Otee oyahere omɛi lɛ ayiwala, koni oyahere mɔ ni ofɔ lɛ mu lɛ yiwala. Ojwara mɔ fɔŋ lɛ weku lɛ yitso, ni oŋmɛ lɛ yayai kɛjɛ eshuɔ kɛyata ekuɛ.

Zefania 1:12

“Nakai be lɛ mikɛ kane baakpa Yerusalɛm maŋ lɛ mli, ni mibagbala emli mɛi ni amɛtsui enyɔ amɛmli, ni amɛheɔ amɛhe amɛyeɔ lɛ atoi. No ji mɛi ni kɛɔ amɛhe akɛ, ‘Yehowa efeŋ ekpakpa, ni esaa efeŋ efɔŋ hu lɛ’.

Zefania 2:14

Jɛi baatsɔ̃ kooloi kui kɛ kooloi srɔtoi fɛɛ ashibuumɔhe. Akpaŋai kɛ shadeboai kɛ tsui koi lɛ amli baafee amɛshihilɛhei. Patui baabolɔ yɛ samfɛji lɛ anaa, ni kwãakwãalabitei baabolɔ yɛ shinaa kpokui lɛ anaa, ejaakɛ shĩai lɛ fɛɛ ewulewulee ewowoo mli.

Yohane 1:18

Nyɔŋmɔ lɛ, mɔ ko enako lɛ pɛŋ; Bi koome ni yɔɔ Tsɛ lɛ mlishi lɛ, lɛ ebajie lɛ shi etsɔ̃ɔ faŋŋ.

Yohane 1:32

Ni Yohane ye odase ekɛɛ, “Mina Mumɔ lɛ yi shi kɛjɛ ŋwɛi tamɔ okpo, ni ebahi enɔ.

Bɔfoi 26:13

ni shwane fintiŋŋ, be ni minyiɛ gbɛ lɛ nɔ lɛ, Maŋtsɛ, mina la ko ni kpɛɔ fe hulu jɛ ŋwɛi babɔle mi kɛ mɛi ni kɛ mi nyiɛ lɛ.

Yoshua 10:18

No ni Yoshua fã akɛ, “Nyɛyakokloa tɛi kpeteŋkplei nyɛtsimɔa tɛkplo lɛ naa, ni nyɛshĩa hii yɛ jɛi koni amɛbu maŋtsɛmɛi lɛ ahe.

Kpojiemɔ 1:17

Ni be ni mina lɛ lɛ, migbee shi yɛ enaji anaa tamɔ gbonyo; ni ekɛ eninejurɔ ŋmɛ minɔ, ni ekɛɛ mi akɛ, “Kaashe gbeyei; mi ji klɛŋklɛŋ mɔ lɛ kɛ naagbee mɔ lɛ

Kpojiemɔ 8:3

Ni bɔfo kroko ba ni ebadamɔ afɔleshãa latɛ lɛ he, ni ehiɛ shika tsofakɛŋma shãanɔ, ni akɛ tsofakɛŋma babaoo hã lɛ, koni ekɛfata krɔŋkrɔŋbii lɛ fɛɛ asɔlemɔi lɛ ahe yɛ shika afɔleshãa latɛ lɛ ni ma maŋtsɛ sɛ̃i lɛ hiɛ lɛ nɔ.