Amos 8:9 - ŊMALƐ KRƆŊKRƆŊ LƐ

⁹ Nuŋtsɔ Nyɔŋmɔ kɛɛ akɛ, “Nakai gbi lɛ nɔ lɛ, mibahã hulu anyɔ shi shwane koni duŋ awo yɛ shikpɔŋ lɛ nɔ shwane fintiŋŋ.

Ṅmãle̱ Kroṅkroṅ Le̱

⁹ Ni aaba mli ake̱ nakai gbĩ le̱ no̱ le̱, Nuṅtšo̱ Iehowa kē̱, *mahã hũlũ anyõ ši ſane, ni mahā šikpoṅ le̱ no̱ awo duṅ ſane fintĩṅṅ. *Ier. 15,9.

Amos 8:9 ပူးပေါင်းရင်းမြစ်များ

Hiob 5:14

Duŋ woɔ amɛ shwane fintiŋŋ, ni amɛgbugbuɔ shi shwane mlemle tamɔ mɛi ni nyiɛɔ nyɔɔŋ.

Yesaia 13:10

Ejaakɛ gbi lɛ ŋulamii krokomɛi lɛ kɛ oŋwɛ̃i fɛɛ kpɛŋ, ni hulushitee mli tɔ̃ɔ lɛ, ehiɛ aaawo duŋ, ni nyɔɔŋtsere hu kpɛŋ.

Yeremia 13:16

Nyɛwoa Yehowa, nyɛNyɔŋmɔ lɛ, hiɛ nyam, be ni ehãko duŋ awo nyɛ, be ni nyɛbɔ̃iko tɛrɛmɔ yɛ gɔji ni anɔ ewo duŋ lɛ anɔ; ni be mli ni okwɛɔ la gbɛ lɛ, ehãa duŋ moŋ woɔ, ni duŋ lɛ woɔ kabitii.

Yeremia 15:9

Yoo ni efɔ kpawo lɛ etɔ biti; nɔ nyɔ enɔ, ni egbo; ehulu enyɔ shi shwane fintiŋŋ; awo lɛ hiɛgbele, ni ashwie ehiɛ shi. Ni amɛteŋ mɛi ni eshwɛ lɛ, majɔɔ amɛnɔ mahã amɛhenyɛlɔi aklante. Mi Yehowa, mikɛɛ.”

Ezekiel 32:7

Kɛji mikpãtã ohiɛ lɛ, mahã ŋwɛi hiɛ aha, ni eŋulamii lɛ awo duŋ. Mikɛ atatu aaaha hulu lɛ hiɛ, ni nyɔɔŋtsere hu kpɛŋ.

Amos 4:13

Naa, mɔ ni shɔ̃ gɔji lɛ, ni ebɔ kɔɔyɔɔ, ni egbaa gbɔmɔ nɔ ni ji lɛ Nyɔŋmɔ lɛ eyiŋtoo. Lɛ mɔ ni ehãa jetsɛremɔ tsɔ̃ɔ duŋ, ni enyiɛɔ shikpɔŋ lɛ nɔ hei grɔŋŋi lɛ, Egbɛi ji Yehowa, Taiatsɛ.

Amos 5:8

Naa, mɔ ni bɔ ŋulamii, “Wuɔ kɛ ebii kɛ Oŋwɛ” mɔ ni hãa duŋ kpii tsɔ̃ɔ jetsɛremɔ, ni ehãa shwane woɔ duŋ ni etsɔ̃ɔ tamɔ nyɔŋ. Lɛ mɔ ni efãa ŋshɔ mli nu, ni efɔseɔ eshwieɔ shikpɔŋ lɛ hiɛ lɛ, Yehowa ji egbɛi.

Mika 3:6

“Gbalɔi, eshwɛ fioo kɛkɛ ni nyɛbe baaho. Hulu aaanyɔ shi yɛ nyɛnɔ. Akɛni nyɛhã mimaŋ lɛ du gbɛ hewɔ lɛ, nyɛnaŋ ninaa ko dɔŋŋ, ni nyɛnyɛŋ gbalɛ ko hu nyɛgba dɔŋŋ.”

Zakaria 14:7

Asaŋ je naŋ; anaŋ be ni ji shwane kɛ be ni ji gbɛkɛ, ejaakɛ gbɛkɛ tete lɛ hulu miitso. (Yehowa pɛ ji mɔ ni le nɛkɛ gbi nɛɛ).

Mateo 24:29

“Shi nakai gbii lɛ amli amanehului lɛ asɛɛ nɔŋŋ lɛ, hulu aaawo duŋ, ni nyɔɔŋtsere kpɛŋ dɔŋŋ, ni ŋulamii aaatserɛ kɛaajɛ ŋwɛi atswia shi, ni ŋwɛi hewalɛi lɛ aaahoso.

Mateo 27:45

Shi kɛjɛ shwane ŋmɛlɛ nyɔŋma kɛ enyɔ kɛyashi ŋmɛji etɛ̃ lɛ duŋ wo yɛ shikpɔŋ lɛ nɔ fɛɛ.

Marko 15:33

Ni be ni shɛ ŋmɛlɛ nyɔŋma kɛ enyɔ lɛ, duŋ wo yɛ shikpɔŋ lɛ nɔ fɛɛ kɛyashi ŋmɛji etɛ̃ mli.

Luka 23:44

Agbɛnɛ aaafee shwane ŋmɛlɛ nyɔŋma kɛ enyɔ mli lɛ, duŋ wo yɛ shikpɔŋ lɛ nɔ fɛɛ kɛyashi gbɛkɛ ŋmɛji etɛ̃ mli;

Kpojiemɔ 6:12

Ni mina be ni etse naasɔomɔ ni ji ekpaa lɛ, ni naa, shikpɔŋ hoso waa, ni hulu tsɔ ediŋ tamɔ kpekpe ni akɛ yitsɔi fee, ni nyɔɔŋtsere muu lɛ tsɔ̃ tamɔ lá;

Kpojiemɔ 8:12

Ni bɔfo ni ji ejwɛ lɛ kpã etrɛtrɛmantrɛ, ni atswa hulu mlijai etɛ̃ mli ekome kɛ nyɔɔŋtsere mlijai etɛ̃ mli ekome kɛ ŋulamii amlijai etɛ̃ mli ekome nɔ, amɛmlijai etɛ̃ mli ekomekome lɛ wo duŋ, ni shwane mlijai etɛ̃ mli ekome lɛ jeŋ tseee ni nyɔɔŋ hu nakai nɔŋŋ.