Amos 8:8 - ŊMALƐ KRƆŊKRƆŊ LƐ

⁸ Ni no hewɔ lɛ, shikpɔŋ lɛ baahoso, ni enɔ gbɔmɛi fɛɛ baaye awerɛhoo. Shikpɔŋ lɛ nɔ baafee hamahama tamɔ bɔ ni Nilo Faa lɛ yiɔ, ni ekuɔ, ni asaŋ ekpɔŋɔ lɛ.”

Ṅmãle̱ Kroṅkroṅ Le̱

⁸ Aso šikpoṅ hosoṅ ye̱ ene̱ hewo̱, ni mofẽmo ní yo̱ no̱ le̱ tšui eſāṅ? *Eeyi tamo̱ Nilo, ni eefe hãmãhãmã ni eekpõṅ tamo̱ Mizraim fā le̱. *9.5.

Amos 8:8 ပူးပေါင်းရင်းမြစ်များ

Lalai 18:7

Kɛkɛ ni shikpɔŋ lɛ kpokpo, ni gɔji lɛ ashishitoo lɛ hu hoso, ni amɛjo bliblibli; ejaakɛ Nyɔŋmɔ mli efu.

Yesaia 5:25

Enɛ hewɔ lɛ, Yehowa mli fu ewebii lɛ, ni ewo enine nɔ yɛ amɛnɔ, ni egbala amɛtoi. Gɔji lɛ hoso, ni amɛgbohii lɛ jwere blohui amli oookɛɛ shĩaŋ jwɛi ni abɛɛ ashwie. Shi fɛɛ sɛɛ lɛ Yehowa mlifu lɛ naa bako shi, shi ekpã enine lɛ mli lolo.

Yeremia 12:4

Mɛɛ beyinɔ nɔŋŋ po shikpɔŋ lɛ nɔ aaagbi, ni ŋa lɛ nɔ jwɛi aaaŋalã kɛyashi? Shikpɔŋ lɛ nɔ bii lɛ anifɔ̃ɔjianii ehã enɔ kooloi kɛ loofɔji fɛɛ etã; ejaakɛ amɛkɛɔ akɛ, “Enaŋ bɔ ni wɔnaagbee aaatamɔ.”

Yeremia 46:7

Namɔ po ji mɔ ni efã kɛbaa tamɔ Nilo Faa nɛɛ, ni tamɔ faa ni esram nɔ nɛɛ?

Yeremia 46:8

Ijipt ni efã kɛbaa tamɔ Nilo Faa nɛɛ, etamɔ faa ni esram nɔ. Ijipt kɛɛ akɛ, ‘Mibasram nɔ, ni maha shikpɔŋ lɛ nɔ. Mibakpãtã maji kɛ amɛmli bii ahiɛ.’

Yeremia 51:29

Shikpɔŋ lɛ ejijaa, ni eekpokpo, ejaakɛ Yehowa miitsu eyiŋ ni eto akɛ ebaahã Babilon atsɔ̃ amaŋfɔ̃ ni mɔ ko mɔ ko ehiŋ jɛi lɛ he nii.

Daniel 9:26

Nɛkɛ be nɛɛ naagbee mli lɛ, abaagbe hiɛnyiɛlɔ ni Nyɔŋmɔ efɔ lɛ mu lɛ trukaa, ni enaŋ mɔ ko; ni lumɔ ni baa abaye nɔ lɛ webii lɛ baafite Yerusalɛm maŋ lɛ kɛ He Krɔŋkrɔŋ lɛ. Ta kɛ nibii ahiɛkpãtãmɔ baaba tamɔ nu afua yɛ be lɛ naagbee nɛɛ mli, tamɔ bɔ ni Nyɔŋmɔ ewo shi eto lɛ.

Hosea 10:5

Samaria maŋ bii lɛ aaashe gbeyei, ni amɛbaaye ŋkɔmɔ yɛ Bet-Aven shika tsinabi lɛ hewɔ. Amɛ kɛ wulɔmɛi lɛ ni jaa tsinabi lɛ baawo yara amɛfo yɛ enyam ni afo sɛɛ lɛ hewɔ.

Hosea 4:3

Enɛ hewɔ lɛ, shikpɔŋ lɛ nɔ baagbi, ni enɔ nibii fɛɛ baagboi. Ŋaŋ kooloi kɛ loofɔji kɛ nuŋ loi tete baagboi.”

Amos 8:10

Mahã gbii juji ni nyɛyeɔ lɛ atsɔ̃ yarafeemɔ, ni lalai kɛ ŋɔɔmɔ ni nyɛlaa lɛ baatsɔ̃ yaafo. Nyɛbaabumɔ kpekpe, ni nyɛaashɛshɛɛ nyɛyi, ni nyɛbaatsɔ̃mɔ tamɔ fɔlɔi ni miiye amɛbi koome ni egbo he awerɛho. Nakai gbi lɛ naagbee mli baajoo pam.

Amos 9:5

Nuŋtsɔ Nyɔŋmɔ lɛ, mɔ ni kɛ́ enine sa je lɛ he kɛkɛ lɛ je lɛ miihoso, ni emli gbɔmɛi fɛɛ yeɔ awerɛhoo, mɔ ni hãa je lɛ yiɔ ni ekpɔ̃ŋɔ tamɔ Nilo Faa lɛ,

Nahum 1:8

Shi ebaa tamɔ faa ni eje ŋã, ni ebakpãtãa ehenyɛlɔi ahiɛ; etiuɔ ehenyɛlɔi kɛyashiɔ egbeɔ amɛ.

Mateo 24:30

Kɛkɛ lɛ Gbɔmɔ Bi lɛ okadi lɛ aaapue yɛ ŋwɛi, ni no lɛ shikpɔŋ lɛ nɔ akutsei lɛ fɛɛ aaawo yara, ni amɛaana Gbɔmɔ Bi lɛ ni eeba yɛ ŋwɛi atatui lɛ anɔ kɛ hewalɛ kɛ anunyam babaoo.