Amos 8:3 - ŊMALƐ KRƆŊKRƆŊ LƐ

³ Nakai gbi lɛ, lalai ni amɛlaa yɛ Sɔlemɔ we lɛ mli lɛ baatsɔ̃ yara ni awo. Gbɔmɛi babaoo baaplene, ni abaashɛrɛ gbohii ashwie hei fɛɛ nigii, shi mɛi baafee diŋŋ kɛkwɛ.”

Ṅmãle̱ Kroṅkroṅ Le̱

³ Ni Nyoṅmo̱ we le̱ lalai le̱ aatšṍ lelewo̱mo̱ ye̱ nakai gbĩ le̱ no̱, Nuṅtšo̱ Iehowa kē̱. Gbohĩĩ le aafá, ni aaše̱reame̱ aſie hefẽhe *diṅṅ! *6,10.

Amos 8:3 ပူးပေါင်းရင်းမြစ်များ

Lalai 39:9

Mitɔ mu: mitswaaa misɛŋ, ejaakɛ bo ohã mipiŋ.

Yesaia 37:36

Yehowa bɔfo ko tee Asiria tabilɔi lɛ ashitoohe lɛ mli, ni eyagbe mɛi akpei oha kɛ nyɔŋmai kpaanyɔ kɛ enumɔ. Be ni ate shi leebi maŋkpa lɛ, naa gbɔmɛi lɛ jwere shi ni amɛgboi.

Yeremia 22:18

No hewɔ lɛ, nɔ ni Yehowa kɛɛ yɛ Yuda Maŋtsɛ Yosia bi Yehoakim he nɛ, “Awoŋ yara afoŋ lɛ; akɛŋ lɛ akɛ ‘Kpoo Nuŋtsɔ! Ao, kpoo, Maŋtsɛ!’

Yāfó 2:10

Zion maŋ onukpai lɛ shwata shikpɔŋ, ni amɛfee diŋŋ. Amɛloo mlu amɛwo amɛyiteiaŋ, ni amɛbumɔ kpekpe. Yerusalɛm oblayei lɛ emamɔ amɛhiɛ shi.

Yoel 1:11

Nyɛ okwaafoi, nyɛyea ŋkɔmɔ. Nyɛ waintromkwɛlɔi, nyɛwoa yara yɛ ŋmaa kɛ akoko hewɔ, ejaakɛ ŋmɔshinii lɛ hiɛ ekpãtã.

Yoel 1:13

Osɔfoi, nyɛbua kpekpe, ni nyɛwoa yara; Nyɛ afɔleshãa latɛ lɛ he sɔ̃ɔlɔi, nyɛwɔa lele. Nyɛbotea Sɔlemɔ we lɛ, ni nyɛyea ŋkɔmɔ nyɔɔŋnyɔɔŋ fɛɛ, nyɛ miNyɔŋmɔ lɛ sɔ̃ɔlɔi, ejaakɛ niyenii afɔle kɛ dãa afɔle ni akɛyaa nyɛNyɔŋmɔ lɛ we lɛ, atsi naa.

Yoel 1:5

Nyɛ gaalei, nyɛhiɛ atsɛ̃a ni nyɛfoa; nyɛ wainnulɔi, nyɛwɔa lele, ejaakɛ nyɛwain dɔkɔdɔkɔ lɛ eje nyɛdaaŋ.

3 Mose 10:3

Kɛkɛ ni Mose kɛɛ Aaron akɛ, “Enɛ ji nɔ ni Yehowa tsɔ̃ɔ be ni ekɛɛ akɛ, ‘Mɛi fɛɛ ni sɔ̃mɔɔ mi lɛ esa akɛ abu mi akɛ mɔ krɔŋkrɔŋ; majie minunyam lɛ kpo matsɔ̃ɔ maŋ muu lɛ fɛɛ.’ ” Shi Aaron mua enaa.

Amos 4:10

“Mihã gbele hela tamɔ Ijipt hela lɛ bote nyɛteŋ, ni mihã nyɛblahii lɛ nyɔnyɔɔ yɛ ta mli, ni ashɔ̃shɔ̃ɔ nyɛkpɔŋɔi yɛ nyɛdɛŋ kɛtee. Mihã nyɛgbohii ni jwere nyɛnsrai amli lɛ je fu wo nyɛ. Shi fɛɛ lɛ nyɛkpaleko kɛbako miŋɔɔ.”

Amos 5:16

No hewɔ lɛ, nɔ ni Yehowa, Taiatsɛ, ni ji Nuŋtsɔ lɛ, kɛɔ ji akɛ, “Abaawo yara yɛ blohui fɛɛ amli, ni aaabolɔ, ‘Ao, ao!’ Kɛnyiɛ gbɛjegbɛi lɛ anɔ. Abaatsɛ okwaafoi koni amɛbaye ŋkɔmɔ, ni abaatsɛ mɛi ni le yara nɔ yaafo jogbaŋŋ hu koni amɛbafo. Abaawo yara yɛ wain trom fɛɛ wain trom mli ejaakɛ matsɔ̃ nyɛteŋ kɛho kɛgbala nyɛ toi,” Yehowa kɛɛ.

Amos 5:23

Nyɛkɛ nyɛlalai lɛ ajea minɔ; mitaooo nyɛsaŋkui lɛ agbɛɛmɔ hu toi mabo.

Amos 6:4

Kpoo hã mɛi ni kãmɔɔ shuɔ wu saatsei anɔ amɛwɔɔ, ni amɛkpãa amɛmli yɛ saatsei bibii anɔ, ni amɛyeɔ too ku lɛ mli gwantɛŋbii kɛ tsina tsui amli tsinabii lɛ.

Amos 6:5

Mɛi ni kɛ saŋku laa yakayaka lalai, ni amɛsɔ̃ɔ saŋkui tamɔ David nɔ lɛ amɛhãa amɛhe.

Amos 6:8

Nuŋtsɔ Nyɔŋmɔ lɛ ekã lɛ diɛŋtsɛ ehe kitã. Yehowa, Taiatsɛ lɛ, kɛɛ akɛ, “Miihi Israelbii ahewoo lɛ; ni miinyaŋe amɛmɔji fɛɛfɛji lɛ; no hewɔ lɛ, maŋɔ amɛmaŋ lɛ kɛ emli nii lɛ fɛɛ mahã.”

Amos 8:10

Mahã gbii juji ni nyɛyeɔ lɛ atsɔ̃ yarafeemɔ, ni lalai kɛ ŋɔɔmɔ ni nyɛlaa lɛ baatsɔ̃ yaafo. Nyɛbaabumɔ kpekpe, ni nyɛaashɛshɛɛ nyɛyi, ni nyɛbaatsɔ̃mɔ tamɔ fɔlɔi ni miiye amɛbi koome ni egbo he awerɛho. Nakai gbi lɛ naagbee mli baajoo pam.

Nahum 3:3

Okpɔŋɔnɔtalɔi ewo foi kɛmiiba, klante miikpɛlɛ nyramnyram, ni akplɔ miikpɛlɛ tamɔ srawa! Gbohii bua shi tsãa; mɛi ni enyɔnyɔɔ lɛ, babaoo, amɛyi fa fe nine, mɛi miitɛrɛtrɛɛ amɛ!

Zefania 1:7

Naa, Yehowa gbi lɛ eshɛ etã, no hewɔ lɛ, nyɛfea diŋŋ yɛ ehiɛ. Yehowa esaa afɔle lɛ eto, ni etsuu emɛi ni ekpee lɛ ahe.