Amos 8:2 - ŊMALƐ KRƆŊKRƆŊ LƐ

² Kɛkɛ ni Yehowa bi mi akɛ, “Amos, mɛni onaa nɛɛ?” Mihere nɔ akɛ, “Kɛntɛŋ kɛ emli tsei ayibii ni etsu.” Kɛkɛ ni Yehowa kɛɛ mi akɛ, “Mimaŋ Israelbii akpulu eyi agbɛnɛ; mikɛ amɛhe ekeŋ amɛ dɔŋŋ; mibagbala amɛtoi.

Ṅmãle̱ Kroṅkroṅ Le̱

² Ni ekē̱: Meni onaä ne̱, Amos? Ni mikē̱: Kafũ ke̱ tšeiayibii ní etšu! Ni Iehowa kē̱mi ake̱: Tšule̱ be le̱ eše̱ ehã mimaṅ Israel; *mihoṅ ame̱he doṅṅ! *7,8.

Amos 8:2 ပူးပေါင်းရင်းမြစ်များ

1 Mose 6:13

No hewɔ lɛ, Nyɔŋmɔ kɛɛ Noa akɛ, “Mito miyiŋ akɛ makpãtã heloo fɛɛ hiɛ, ejaakɛ amɛhã shikpɔŋ lɛ nɔ eyi obɔ̃ tɔ kɛ awuiyeli. Naa, mibakpãtã amɛ kɛ shikpɔŋ lɛ fɛɛ hiɛ.

Yesaia 28:4

ni Efraim lumɛi lɛ anunyam fɛɛfɛo ni ŋalaa lɛ baalaaje tamɔ agbãmi ni shaa etsuɔ dani eshɛɔ etsulɛ be, ni mɔ fɛɛ mɔ ni aaana nɔŋŋ lɛ, etseɔ eyeɔ oya.

Yeremia 40:10

Mi lɛ mibahi Mizpa, koni madamɔ nyɛnaa kɛji Babilonbii lɛ ba wɔŋɔɔ. Shi nyɛ lɛ nyɛhia maji ni nyɛŋɔŋɔɔ lɛ amli, ni nyɛbuaa wain kɛ aduawai kɛ mu naa nyɛwoa nyɛnibii amli nyɛtoa.”

Yeremia 5:31

Gbalɔi lɛ gbaa amale gbalɛi, ni nɔ ni amɛkɛɔ osɔfoi lɛ no osɔfoi lɛ feɔ, ni nɔ ni afeɔ lɛ ŋɔɔ mimaŋbii lɛ hu anaa. Shi kɛji naagbee be lɛ shɛ lɛ, te nyɛbaafee tɛŋŋ?’ ”

Yāfó 4:18

Henyɛlɔi wɔɔ wɔ, ni no hewɔ lɛ, wɔnyɛɛɛ wɔblohuiaŋ tete wɔnyiɛ. Wɔnaagbee lɛ eshɛ, gbii lɛ etã; ejaakɛ wɔnaagbee lɛ eshɛ.

Ezekiel 12:23

No hewɔ lɛ, kɛɛmɔ amɛ akɛ, ‘Bɔ ni Nuŋtsɔ Yehowa kɛɛ nɛ, mibaha nɛkɛ abɛ ni abuɔ nɛɛ sɛɛ afo, ni abuŋ dɔŋŋ yɛ Israel.’ Shi moŋ kɛɛmɔ amɛ akɛ be ni eshɛ, ni gbalɛ fɛɛ gbalɛ baana aba mli.

Ezekiel 29:8

No hewɔ lɛ, bɔ ni Nuŋtsɔ Yehowa kɛɔ nɛ, naa, mafã klante mawo bo, ni maplene omli gbɔmɛi kɛ kooloi fɛɛ.

Ezekiel 3:10

Gbee lɛ saa ekɛɛ mi ekoŋŋ akɛ, “Gbɔmɔ adesa, bo miwiemɔi fɛɛ ni mikɛ bo wieɔ lɛ toi, ni okɛto otsuiŋ.

Ezekiel 3:7

Shi Israel we lɛ boŋ bo toi, ejaakɛ amɛsumɔ̃ɔɔ akɛ amɛboɔ mi toi; ejaakɛ Israelbii lɛ akuɛŋ ti ni amɛtsui hu wa.

Ezekiel 7:6

Naa eeba, naagbee lɛ eshɛ; naagbee lɛ eba kɛ̃, eshɛ etã, ete shi ewo bo. Naa eeba.

Ezekiel 8:12

Agbɛnɛ ekɛɛ mi akɛ, “Gbɔmɔ Adesa, oona nɔ ni Israel we lɛ onukpai lɛ feɔ yɛ dujiaŋ akɛ mɔ fɛɛ mɔ miija amãgãi yɛ esɛɛtsu mli lo? Nɔ ni amɛkɛɔ ji akɛ, ‘Yehowa enaaa wɔ. Yehowa ekwa shikpɔŋ lɛ.’ ”

Ezekiel 8:17

Kɛkɛ ni ekɛɛ mi akɛ, “Gbɔmɔ Adesa, ona enɛ? Ani nihiinii ni Yuda we lɛ feɔ yɛ biɛ nɛɛ lɛ efaaa ehãaa amɛ lo? Ni amɛhã yiwalɛ eyi shikpɔŋ lɛ nɔ obɔ̃ tɔ kɛmiiwo mimli la amɛfata he nɛɛ lo? Naa, amɛmaa mi gɔnti amɛjɛɔ mi.

Ezekiel 8:6

Nyɔŋmɔ kɛɛ mi akɛ, “Gbɔmɔ Adesa, oona nɔ ni amɛfeɔ lɛ? Musubɔɔnii wuji ni Israelbii lɛ feɔ yɛ biɛ bɔ ni afee ni maje mihe krɔŋkrɔŋ lɛ kɛya sɛɛ shɔŋŋ. Osaa ooona musubɔɔnii wuji krokomɛi ni fe enɛ.”

Hosea 9:7

Toigbalamɔ gbii lɛ eshɛ, be ni abaawo mɔ fɛɛ mɔ nyɔmɔ bɔ pɛ ni sa lɛ lɛ eshɛ. Israel baana ele akɛ gbalɔ lɛ buulu ni, ni mumɔŋ gbɔmɔ lɛ sɛkɛyelɔ ni yɛ enishaianii hewɔ.

Amos 7:8

Yehowa bi mi akɛ, “Amos, mɛni onaa nɛɛ?” Mito he akɛ, “Plomo.” Kɛkɛ ni ekɛɛ akɛ, “Naa, mikɛ plomo nɛɛ miisusu mimaŋ Israelbii ajalɛ. Mihaŋ amɛye amɛhe dɔŋŋ.

Amos 8:1

Yehowa, Taiatsɛ lɛ, jie ninaa nɛɛ etsɔ̃ɔ mi, Mina kɛntɛŋ kɛ emli tsei ayibii ni etsu.

Mika 7:1

Kpoo hã mi! Mitsɔ̃ tamɔ mɔ ko ni hɔmɔ miiye lɛ ni eetao tsoyibii loo wainyibii ko eye, ejaakɛ akpa wainyibii kɛ agbãmii ni ŋɔɔ lɛ fɛɛ atã, ni shao ko bɛ ni aaana aye; agbãmi hee ni mitsui shweɔ lɛ eko bɛ.

Zakaria 5:2

Ni bɔfo lɛ bi mi akɛ, “Mɛni onaa nɛɛ?” Mihã lɛ hetoo mikɛɛ akɛ, “Miina wolo kpo ko ni miifiliki; ekɛlɛ ji ninetalɔi nyɔŋmai enyɔ kɛ elɛɛmɔ ninetalɔi nyɔŋma.”