Amos 8:10 - ŊMALƐ KRƆŊKRƆŊ LƐ

¹⁰ Mahã gbii juji ni nyɛyeɔ lɛ atsɔ̃ yarafeemɔ, ni lalai kɛ ŋɔɔmɔ ni nyɛlaa lɛ baatsɔ̃ yaafo. Nyɛbaabumɔ kpekpe, ni nyɛaashɛshɛɛ nyɛyi, ni nyɛbaatsɔ̃mɔ tamɔ fɔlɔi ni miiye amɛbi koome ni egbo he awerɛho. Nakai gbi lɛ naagbee mli baajoo pam.

Ṅmãle̱ Kroṅkroṅ Le̱

¹⁰ Ni mahã nyegbĩĩ dšudši le̱ atšṍ ṅko̱mo̱yeli, ni nyelalai fẽ atšṍmo̱ yāfó lalai, ni mike̱ kpekpe aaṅmõ he̱-fē-he̱, ni mahã mofẽmo yiteṅ akpa, ni mahã atšṍ *tamo̱ hi kome he ṅko̱mo̱yeli, ni enāgbē hũ aatamo̱ aw̌ere̱hō gbĩ. *Ier. 6,26.

Amos 8:10 ပူးပေါင်းရင်းမြစ်များ

1 Mose 21:16

Ni etee eyata sɛɛ flɛŋŋ aaafee tɛfɔ̃ɔ jɛkɛmɔ yɛ gbekɛ lɛ ŋlɛnɔ; ejaakɛ ekɛɛ akɛ, “Minyɛŋ makwɛ gbekɛ lɛ gbele.” Eho eta shi yɛ gbekɛ lɛ ŋlɛnɔ ni gbekɛ lɛ jwa yaafo.

Hiob 20:23

Nyɔŋmɔ baahã emlifu ni naa wa lɛ anina lɛ, ni ebaanɛ eshwie enɔ, ni ebaatsɔ̃ eniyenii ni aaayi emusu obɔ̃.

Hiob 3:5

Hã enɔ atsi kpii kɛ duŋ; hã atatu kabitii atsi yɛ enɔ, hã duŋ ni ewo kpii shwane lɛ awo ehe gbeyei.

Hiob 30:31

Mikpãa saŋku lɛ gbɛɛmɔ etsɔ̃ ŋkɔmɔyeli, ni mibɛlɛ gbɛɛmɔ etsɔ̃ yaafolɔi agbee.

Yesaia 3:24

Amɛjeŋmai lɛ baatsɔ̃ nɔ ko ni jeɔ fu, amɛkɛ taŋkpee baafi amɛmli yɛ mlifiinii najiaŋ, ni yiteŋ ni ekpe aaabaye yi ni ahɔ najiaŋ, ni kpekpe aaabaye atade wuyaa najiaŋ, ni amɛhe fɛo lɛ baatsɔ̃ hiɛgbele nɔ.

Yeremia 2:19

Bo diɛŋtsɛ onifɔɔjianii lɛ baagbala otoi, ni kwamɔ ni okwa mi lɛ baabu bo fɔ. Na ole, ni oyoo akɛ kwamɔ ni okwa mi, Yehowa, oNyɔŋmɔ lɛ, nɔ fɔŋ ni, ni ebaajoo ehã bo. Mihe gbeyeishemɔ bɛ omli. Mi, Nuŋtsɔ Nyɔŋmɔ, Taiatsɛ, mikɛɛ.”

Yeremia 48:37

Mɔ fɛɛ mɔ eshɛ eyi, ni mɔ fɛɛ mɔ eku etsɛŋ, abamɔbamɔɔ niji ahe, ni mɔ fɛɛ mɔ ekɔ kpekpe eŋmɔ ehɛ akɛ ŋkɔmɔyeli he okadi.

Yeremia 6:26

Yehowa kɛɛ, “Ao, mimaŋbii, nyɛkɔlɔa kpekpe nyɛbumɔa, nyɛkokloa shi yɛ lamlu mli, nyɛwoa yara nyɛfoa waa tamɔ afoɔ bi koome ni egbo, ejaakɛ hiɛkpãtãlɔ lɛ baaba ebatua nyɛ trukaa.”

Yāfó 5:15

Wɔtsuiiaŋ miishɛɛ fɛɛ sɛɛ efo, ni joo ni wɔjoɔ lɛ etsɔ̃ ŋkɔmɔyeli.

Ezekiel 7:18

Amɛaabumɔ kpekpe, ŋmiŋmi aaamɔmɔ amɛ, amɛyiteaŋ aaakpa ni amɛhiɛ aaagboi hu.

Ezekiel 7:2

“Bo Gbɔmɔ Adesa, tsɔ̃ ohiɛ ohã Israel gɔji lɛ ni okɛɛ amɛ akɛ nɔ ni Nuŋtsɔ Nyɔŋmɔ, mikɛɔ Israel shikpɔŋ lɛ nɛ: Bɔ fɛɛ bɔ ni fee lɛ naagbee lɛ eshɛ! Shikpɔŋ koji ejwɛ lɛ fɛɛ anaagbee lɛ eshɛ etã.

Hosea 2:11

Mafo mliflimɔ gbii juji ni eyeɔ lɛ fɛɛ asɛɛ, nyɔji hei kɛ afi gbii juji lɛ, kɛ hejɔɔmɔ gbii lɛ.

Hosea 2:13

Magbala etoi yɛ tsofakɛŋma ni etee eyashã ehã Baal jemawɔji yɛ amɛgbii juji lɛ anɔ lɛ hewɔ. Ewula kɛ jwinei kɛtee eyanyiɛ eshieŋtsɛmɛi lɛ asɛɛ, ni ehiɛ kpa minɔ.” Nɔ ni Yehowa kɛɔ nɛ.

Yoel 1:8

Wo yara tamɔ oblayoo ni foɔ eblayeiaŋ wu.

3 Mose 13:40

“Kɛji nuu ko yi kpa yɛ eyisɛɛ lɛ, yikpataatsɛ ji lɛ, shi ehe tse.

Amos 5:21

Miihi nyɛgbii juji lɛ; amɛjeee nɔ ko kɛhã mi; ni nyɛhe naa ni nyɛbuaa kɛjaa mi lɛ tete, mibɛ he miishɛɛ.

Amos 5:23

Nyɛkɛ nyɛlalai lɛ ajea minɔ; mitaooo nyɛsaŋkui lɛ agbɛɛmɔ hu toi mabo.

Amos 8:3

Nakai gbi lɛ, lalai ni amɛlaa yɛ Sɔlemɔ we lɛ mli lɛ baatsɔ̃ yara ni awo. Gbɔmɛi babaoo baaplene, ni abaashɛrɛ gbohii ashwie hei fɛɛ nigii, shi mɛi baafee diŋŋ kɛkwɛ.”

Nahum 1:10

Abaashã amɛ wɛɛ tamɔ ŋmei ni eloloo, loo gbetseli gbiŋ.

Zakaria 12:10

“Mafɔse mimɔbɔnalɛ kɛ sɔlemɔ mumɔ mashwie David shwiei lɛ kɛ Yerusalɛm maŋbii lɛ anɔ bɔ ni kɛ amɛna mɔ ko ni amɛye lɛ awui ko lɛ, amɛaaye mɔ lɛ ŋkɔmɔ tamɔ ayeɔ bi koome ni egbo he ŋkɔmɔ; ni amɛaafo lɛ kɛ mlishãlɛ tamɔ afoɔ kromɔbi ni egbo.

5 Mose 16:14

Nyɛyea gbijurɔ nɛɛ kɛ miishɛɛ, nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii kɛ maŋsɛɛ gbɔi kɛ awusãi kɛ okulafoi hu ni yɔɔ nyɛmaji lɛ amli lɛ.