Amos 7:8 - ŊMALƐ KRƆŊKRƆŊ LƐ

⁸ Yehowa bi mi akɛ, “Amos, mɛni onaa nɛɛ?” Mito he akɛ, “Plomo.” Kɛkɛ ni ekɛɛ akɛ, “Naa, mikɛ plomo nɛɛ miisusu mimaŋ Israelbii ajalɛ. Mihaŋ amɛye amɛhe dɔŋŋ.

Ṅmãle̱ Kroṅkroṅ Le̱

⁸ Ni Iehowa kē̱mi ake̱: Meni onaä ne̱, Amos? Ni mikē̱: *Kŭlomŭlo! Ni Nuṅtšo̱ le̱ kē̱: Na, mike̱ kũlomŭlo mīmã ši ye̱ mimaṅ Israel teṅ; †mihoṅ ame̱he doṅṅ! *Ies. 34,11. †Amos 8,2.

Amos 7:8 ပူးပေါင်းရင်းမြစ်များ

2 Maŋtsɛmɛi 21:13

Ni magbala Yerusalɛm toi tamɔ bɔ ni mifee Samaria lɛ, tamɔ bɔ ni mifee Israel maŋtsɛ Ahab kɛ eshwiei lɛ. Mabɛɛ Yerusalɛmbii fɛɛ mashwie tamɔ atsumɔɔ kã mli keŋkeŋ, ni atsɔ̃ɔ abuɔ shi lɛ.

Yesaia 28:17

Mikɛ jalɛ saneyeli baafee nɔ ni akɛbaasusu shishitoo lɛ, ni mikɛ jalɛ nifeemɔ baafee kpãa ni akɛbaana ejalɛ. Nyɔŋmɔŋtɛi baaloo amalei ni nyɛkɛfee abobaahe lɛ kɛya, ni nu baafite nyɛteemɔhe lɛ.

Yesaia 34:11

Jɛi aaatsɔ̃ kpokukpokui kɛ kɔtɔkɔi agboshinii; ni patui kɛ kwãakwãalabitei aaahi jɛi. Yehowa baaha eshikpɔŋ lɛ agbo koni etsɔ̃ olɛŋlɛ, ni nɔ kpakpa ko ehiŋ nɔ.

Yeremia 15:6

Okwa mi, ni sɛɛsɛɛ kɛkɛ oyaa; no hewɔ ni miwo minine nɔ yɛ onɔ ni mikpãtã ohiɛ lɛ; ohe musuŋtsɔlɛ etɔ mi.

Yāfó 2:8

Nyɔŋmɔ etswa efai shi akɛ ebaakpãtã Zion maŋ lɛ gbogbo lɛ hiɛ. Eŋmɔ kpãa ekɛsusu gbogbo lɛ, eŋmɛko efitemɔ he kwraa. Ehã kpoku kɛ gbogbo fɛɛ miiye ŋkɔmɔ; amɛjwere shi butuu.

Hosea 1:6

Gomer na musu ekoŋŋ, ni efɔ biyoo. Kɛkɛ ni Yehowa kɛɛ Hosea akɛ, “Wo abifao lɛ gbɛi akɛ, Lo-Ruhama: ‘Mɔbɔnalɛ etã’, ejaakɛ mikaŋ he mihaŋ mimusuŋ atsɔ̃ mi yɛ Israelbii ahe, ni mikɛfaŋ amɛ dɔŋŋ.

Amos 7:7

Yehowa jie ninaa nɛɛ hu etsɔ̃ɔ mi. Mina Yehowa ni edamɔ gbogbo ni akɛ plomo susu ni atswa he; ni ehiɛ plomo yɛ edɛŋ.

Amos 8:2

Kɛkɛ ni Yehowa bi mi akɛ, “Amos, mɛni onaa nɛɛ?” Mihere nɔ akɛ, “Kɛntɛŋ kɛ emli tsei ayibii ni etsu.” Kɛkɛ ni Yehowa kɛɛ mi akɛ, “Mimaŋ Israelbii akpulu eyi agbɛnɛ; mikɛ amɛhe ekeŋ amɛ dɔŋŋ; mibagbala amɛtoi.

Mika 7:18

Nyɔŋmɔ ko bɛ ni kɛ esha faa tamɔ bo. Okuɔ ohiɛ ofɔ̃ɔ omaŋbii ni eshwɛ lɛ amlatɔ̃mɔ nɔ. Ohiɛɛɛ mlifu mli kɛyaaa naanɔ, ejaakɛ onaa mɔbɔnalɛ he tsui.

Zakaria 4:10

Mɔ fɛɛ mɔ ni gbe nitsumɔ lɛ ni eyaaa nɔ lɛ he guɔ lɛ baana Zerubabel ni ehiɛ tsumalɔi akulomulo lɛ yɛ edɛŋ ekɛ miitswa Sɔlemɔ we lɛ, ni amɛbaanya. Kanetsei kpawo nɛɛ ji Yehowa hiŋmɛii ni ekɛkwɛɔ jeŋ muu lɛ fɛɛ lɛ.”

Zakaria 4:2

Ni ebi mi akɛ, “Mɛni onaa nɛɛ?” Mihã hetoo akɛ, “Miina kanetso ni akɛ shika sɔŋŋ fee; ni emutɔ ko ma eyiteŋ. Kanetso nɛɛ yɛ kanei kpawo mamɔ eyiteŋ; ni kanei nɛɛ, eko fɛɛ eko hu yɛ odontii kpawo ni asuɔ.

Zakaria 5:2

Ni bɔfo lɛ bi mi akɛ, “Mɛni onaa nɛɛ?” Mihã lɛ hetoo mikɛɛ akɛ, “Miina wolo kpo ko ni miifiliki; ekɛlɛ ji ninetalɔi nyɔŋmai enyɔ kɛ elɛɛmɔ ninetalɔi nyɔŋma.”