Amos 7:3 - ŊMALƐ KRƆŊKRƆŊ LƐ

³ Yehowa tsake eyiŋtoo lɛ, ni ekɛɛ akɛ, “Nɔ ni ona nɛɛ baŋ mli.”

Ṅmãle̱ Kroṅkroṅ Le̱

³ Iehowa ſa ehe ye̱ ene̱ he: Ebaṅ mli! Iehowa kē̱.

Amos 7:3 ပူးပေါင်းရင်းမြစ်များ

1 Mose 6:7

No hewɔ lɛ, Yehowa kɛɛ akɛ, “Makpãtã gbɔmɔ ni mibɔ lɛ lɛ hiɛ kɛje shikpɔŋ lɛ nɔ kɛjɛ gbɔmɔ nɔ aahu kɛyashi kooloi kɛ nii ni wamɔɔ kɛ loofɔji anɔ ejaakɛ shi edɔ mi akɛ mibɔ amɛ.”

1 Kronika 21:15

Ni Nyɔŋmɔ tsu bɔfo kɛba koni ebafite Yerusalɛm. Shi be ni bɔfo lɛ baabɔ̃i nifitemɔ lɛ, Yehowa musuŋ tsɔ̃ lɛ yɛ efɔŋ ni abaafee maŋ lɛ hewɔ, kɛkɛ ni ekɛɛ bɔfo ni kpãtãa nii ahiɛ lɛ akɛ, “Efa, agbɛnɛ suu onine.” Be nɛɛ mli lɛ Yehowa bɔfo lɛ damɔ Ornan, Yebusnyo lɛ, ŋmãagbeemɔhe lɛ masɛi.

Lalai 106:45

Ekai ekɛ amɛteŋ kpãŋmɔ lɛ, ni emusuŋ tsɔ̃ lɛ yɛ esuɔmɔ babaoo ni tsakeee lɛ naa.

Lalai 78:38

Shi lɛ lɛ, akɛni mlitsɔ̃lɔ ji lɛ hewɔ lɛ, ekɛ amɛnɔsha lɛ fa amɛ, ni ekpãtãaa amɛhiɛ. Bei pii lɛ, emiɔ ŋɔɔ, ni ehãaa emli awo la kɛteke nɔ.

Lalai 90:13

Oo Yehowa, mɛɛ be yinɔ nɔŋŋ omli aaafu kɛyashi? Naa otsuji mɔbɔ.

2 Mose 32:14

Kɛkɛ ni Yehowa kɛ efɔŋ ni kulɛ eto akɛ ebaafee Israelbii lɛ fa amɛ.

Yeremia 26:19

Ani gbe Yuda Maŋtsɛ Hezekia kɛ Yuda fɛɛ gbe Mika lo? Ani jeee gbeyei moŋ Hezekia she Yehowa ni efee nɔ ni hã Yehowa na ehe tsui, ni no hewɔ lɛ, Yehowa tsake ejwɛŋmɔ ni efee akɛ ebaakpãtã amɛhiɛ lɛ? Shi wɔ lɛ wɔmiitao wɔloo musu kpele nɛɛ wɔbua wɔyiteŋ.”

Yeremia 42:10

‘Kɛji nyɛbaahi shi yɛ shikpɔŋ nɛɛ nɔ lɛ, no lɛ mibahã nyɛhe shi, ni mikpãtãŋ nyɛhiɛ; mibatɛo nyɛ tamɔ atɛoɔ tso, ni mifamɔŋ nyɛ mishwieŋ; efɔŋ ni mifee nyɛ lɛ edɔ mi.

Hosea 11:8

“Ao Israel, te mafee tɛŋŋ maŋmɛɛ ohe hu? Te mafee tɛŋŋ makwa bo hu? Aso manyɛ ohiɛ makpãtã tamɔ bɔ ni mifee Adma lɛ; aloo tamɔ bɔ ni mikɛ Zeboim ye lɛ? Mitsui miitswa yɛ mimli, ni mimusuŋ miitsɔ̃ mi yɛ ohe.

Yoel 2:13

Nyɛtsɛrɛa nyɛtsuii, shi jeee nyɛtadei; nyɛkpalea kɛbaa nyɛNyɔŋmɔ lɛ ŋɔɔ, ejaakɛ durolɔ kɛ mlitsɔ̃lɔ ji lɛ; emli fuu mra, ni eyeɔ eshiwoo nɔ; ni emɔbɔnalɛ fa, ni eshwaa ehe yɛ nɔ fɔŋ hewɔ.

Yoel 2:14

Ekolɛ Yehowa, nyɛNyɔŋmɔ lɛ, aaatsake ejwɛŋmɔ, ni eeejɔɔ nyɛŋmɔshinii, ni nyɛkɛ niyenii afɔle kɛ dãa afɔle aaabahã Yehowa, nyɛNyɔŋmɔ lɛ.

Amos 7:6

Yehowa tsake eyiŋtoo, ni ekɛɛ akɛ, “Enɛ hu baŋ mli.”

Yona 3:10

Nyɔŋmɔ na nɔ ni Ninevebii lɛ fee lɛ akɛ amɛtsake amɛjeŋba fɔŋ lɛ. No hewɔ lɛ, Nyɔŋmɔ hu ŋmɛɛ efɔŋ ni eto eyiŋ akɛ ebaafee amɛ lɛ he, ni egbalaaa amɛtoi.

5 Mose 32:36

Ejaakɛ Yehowa baafã ewebii ahe; ebaana amɛ mɔbɔ kɛji ena akɛ amɛhewalɛ fɛɛ etã, ni eshwɛko mɔ ko mɔ ko kwraa, mɔ ni hiɛ ehe jio, nyɔŋ jio.

Yakobo 5:16

No hewɔ lɛ, nyɛjajea nyɛnɔtɔ̃mɔi lɛ nyɛtsɔ̃ɔtsɔ̃a nyɛhe, ni nyɛsɔlea nyɛhãa nyɛhe ni nyɛhe atã. Jalɔ sɔlemɔ ni mli wa lɛ nyɛɔ nii babaoo etsuɔ.