Amos 7:2 - ŊMALƐ KRƆŊKRƆŊ LƐ

² Be ni baalabii lɛ eye shikpɔŋ lɛ nɔ jwɛfɔ lɛ amɛgbe naa lɛ, mikɛɛ akɛ, “Ao! Yehowa Ofe, ofainɛ, okɛ Israelbii ahe ake amɛ. Te aaafee tɛŋŋ ni amɛyi aaana wala hu? Ejaakɛ amɛhe waaa.”

Ṅmãle̱ Kroṅkroṅ Le̱

² Ni eba mli ake̱, beni ame̱baye šikpoṅ le̱ no̱ bāi le̱ ame̱gbe nā le̱, ke̱ke̱ ni mikē̱: Nuṅtšo̱ Iehowa, ṅõ-fa! Té Iakob aafe tēṅ adamo̱ šiṅ? edšake̱ bibiō ke̱ke̱ dšile̱!

Amos 7:2 ပူးပေါင်းရင်းမြစ်များ

Lalai 12:1

Yehowa, ye obua wɔ! Ejaakɛ Nyɔŋmɔ gbeyeishelɔ ko bɛ dɔŋŋ; ni anɔkwafoi etã yɛ gbɔmɛi ateŋ.

2 Mose 10:15

Ejaakɛ amɛha shikpɔŋ muu lɛ fɛɛ nɔ, ni shikpɔŋ lɛ nɔ wo duŋ, ni amɛye shikpɔŋ lɛ nɔ bai fɛɛ kɛ tsei ni nyɔŋmɔŋtɛi lɛ shi lɛ anɔ yibii fɛɛ yɛ Ijipt shikpɔŋ lɛ nɔ fɛɛ.

2 Mose 34:9

ni ekɛɛ, “Nuŋtsɔ, agbɛnɛ kɛji ona mihe miishɛɛ lɛ, miikpa bo fai akɛ Nuŋtsɔ ahi wɔteŋ kɛya, tsɛbelɛ gbɔmɛi ni kuɛŋ ti ji maŋ nɛɛ. Okɛ wɔtɔ̃mɔi kɛ wɔhe esha afa wɔ koni okɛ wɔ afee onɔ.”

Yesaia 37:4

Ekolɛ Yehowa, oNyɔŋmɔ lɛ, enu tsulɔnukpa lɛ, mɔ ni enuŋtsɔ Asiria maŋtsɛ lɛ tsu lɛ koni ebaye Nyɔŋmɔ hiɛkãalɔ lɛ he fɛo lɛ, wiemɔi lɛ. Aba mli akɛ Yehowa, oNyɔŋmɔ lɛ, enu ahorabɔɔ wiemɔi lɛ, ni ebaagbala mɔ ni wie lɛ toi. No hewɔ lɛ, sɔlemɔ okpa Nyɔŋmɔ fai yɛ wɔmaŋbii ni eshwɛ lɛ ahewɔ.”

Yesaia 51:19

Saji enyɔ nɛɛ eba onɔ: ta ekpãtã oshikpɔŋ lɛ hiɛ, ni hɔmɔ hu eye omaŋbii. Namɔ aaashɛje omii?

Yeremia 14:7

‘Wɔnishaianii lɛ miibu wɔ fɔ moŋ; shi Yehowa, ogbɛi lɛ hewɔ lɛ, feemɔ he eko ohã wɔ; tsɛbelɛ wɔsɛɛsɛɛyaa lɛ fa tsɔ̃, ni wɔfee esha wɔshi bo.

Yeremia 42:2

Yeremia gbalɔ lɛ, ni amɛkɛɛ lɛ akɛ, “Ofainɛ, ni obo wɔfaikpamɔ nɛɛ toi. Kpa Yehowa, oNyɔŋmɔ lɛ, fai ohã wɔ kɛ maŋbii ni eshwɛ nɛɛ fɛɛ, ejaakɛ kulɛ wɔyi babaoo, shi wɔyi fioo nɛɛ pɛ eshwɛ bɔ ni onaa wɔ nɛɛ,

Ezekiel 11:13

Ni eba mli akɛ be ni migbaa lɛ, Benaia bi Pelatia tswa shi egbo trukaa. Kɛkɛ ni miho migbee shi mikɛ mihiɛ bu shi, ni mibo waa akɛ, “Ao, Nuŋtsɔ Nyɔŋmɔ, ani obaakpãtã mɛi ni eshwɛ yɛ Israel lɛ fɛɛ ahiɛ?”

Ezekiel 9:8

Be ni amɛgbeɔ mɛi lɛ ni ashi mikome too lɛ, miho migbee shi, ni mikɛ mihiɛ bu shi ni mibo mikɛɛ akɛ, “Ao, Nuŋtsɔ, Yehowa ani ookpãtã Israel mɛi ni eshwɛ lɛ fɛɛ ahiɛ yɛ omli ni efu Yerusalɛm waa lɛ naa lo?”

Daniel 9:19

Ao! Yehowa, bo wɔ toi koni ofee he eko ohã wɔ. Ao! MiNyɔŋmɔ, ofainɛ, kaatsɛ kwraa ni ofee he eko ohã wɔ yɛ ogbɛi lɛ hewɔ, ejaakɛ ogbɛi kpɛtɛ omaŋ lɛ kɛ omaŋbii lɛ ahe.”

Yoel 2:17

Osɔfoi ni ji Yehowa sɔ̃ɔlɔi lɛ afo, ni amɛsɔle yɛ koi lɛ kɛ afɔleshãa latɛ lɛ teŋ amɛkɛɛ, “Yehowa, naa bo diɛŋtsɛ omaŋ lɛ mɔbɔ; kaahã maji krokomɛi miiye wɔhe fɛo amɛkɛɛ. ‘Nɛgbɛ nyɛNyɔŋmɔ lɛ yɔɔ?’ ”

Amos 4:9

“Mihã kɔɔyɔɔ kɛ emli dɔlɛ fã, ni eŋala nyɛŋmɔshinii, ni baalabii kpãtã nyɛbɔ̃ɔi kɛ nyɛwain tromi kɛ nyɛgbami tsei kɛ nyɛmu tsei bluublu ahiɛ; shi kɛ̃lɛ nyɛkpaleko kɛbako miŋɔɔ.” Yehowa kɛɛ.

Amos 7:5

Kɛkɛ ni mikɛɛ akɛ, “Ao! Yehowa, ofainɛ, foo sɛɛ. Te aaafee tɛŋŋ ni Israelbii, owebii lɛ, ayi aaana wala hu? Ejaakɛ amɛhe waaa.”

Zakaria 4:10

Mɔ fɛɛ mɔ ni gbe nitsumɔ lɛ ni eyaaa nɔ lɛ he guɔ lɛ baana Zerubabel ni ehiɛ tsumalɔi akulomulo lɛ yɛ edɛŋ ekɛ miitswa Sɔlemɔ we lɛ, ni amɛbaanya. Kanetsei kpawo nɛɛ ji Yehowa hiŋmɛii ni ekɛkwɛɔ jeŋ muu lɛ fɛɛ lɛ.”

Kpojiemɔ 9:4

ni akɛɛ amɛ akɛ amɛkafee shikpɔŋ lɛ nɔ jwɛi loo baaŋmɔŋ loo tso ko efɔŋ ko, akɛ ja gbɔmɛi ni bɛ Nyɔŋmɔ naasɔomɔnɔ lɛ okadi yɛ amɛhiɛŋtsei anɔ lɛ kɛkɛ.