Amos 7:14 - ŊMALƐ KRƆŊKRƆŊ LƐ

¹⁴ Amos here nɔ, ni ekɛɛ Osɔfo Amazia akɛ, “Jeee gbalɔ ji mi, ni asaŋ jeee gbalɔ bi hu ji mi. Shi moŋ koolookwɛlɔ ji mi, ni misaa sikamore tsei ahe hu;

Ṅmãle̱ Kroṅkroṅ Le̱

¹⁴ Ke̱ke̱ ni Amos here no̱ ni ekē̱ Amazia ake̱: Dšee gbalo̱ dšimi, ni asaṅ hũ dšee gbalo̱ bi dšimi; ši moṅ *tšina-kwe̱lo̱ dšimi ke̱ moni sāa sikamoretšei ahe. 1,1.

Amos 7:14 ပူးပေါင်းရင်းမြစ်များ

1 Maŋtsɛmɛi 19:19

Elia shi jɛi; eyanina Shafat bi Elisha ni eekwɛ tsinai ntai ni miihu nɔ. Tsinai ntai nyɔŋma kɛ enyɔ nyiɛ ehiɛ, ni lɛ diɛŋtsɛ lɛ ekɛ naagbee tsinai nta lɛ miihu. Be ni Elia hoɔ Elisha he lɛ, ejie etade yuu ni ewo lɛ, ni ekɛwo Elisha.

1 Maŋtsɛmɛi 20:35

Yɛ Yehowa fãmɔ naa lɛ, gbalɔi abii lɛ ateŋ mɔ ko kɛɛ enaanyo gbalɔi abii lɛ nɔŋŋ eko akɛ, “Ofainɛ, tswaa mi nɔ!” Shi enaanyo lɛ ekpɛlɛ̃ɛɛ ni etswa lɛ nɔ.

2 Maŋtsɛmɛi 2:15

Be ni gbalɔi aku lɛ mli bii nyɔŋmai enumɔ ni jɛ Yeriko lɛ ni damɔ sɛɛ flɛŋŋ lɛ na lɛ lɛ, amɛkɛɛ akɛ, “Elia mumɔ lɛ ebayi Elisha nɔ.” Amɛ kɛ lɛ bakpe, ni amɛkoto lɛ,

2 Maŋtsɛmɛi 2:3

Gbalɔi aku ko ni yɔɔ Betel lɛ mli bii lɛ je kpo kɛba Elisha ŋɔɔ, ni amɛbabi lɛ akɛ, “Ani ole akɛ ŋmɛnɛ Yehowa baaŋɔ onuŋtsɔ lɛ kɛje oŋɔɔ kɛya?” Ni ehã amɛ hetoo akɛ, “Mi hu mile; nyɛfea diŋŋ kɛkɛ!”

2 Maŋtsɛmɛi 2:5

Gbalɔi aku ko ni yɔɔ Yeriko lɛ mli bii lɛ ba Elisha ŋɔɔ ni amɛbabi lɛ akɛ, “Ani ole akɛ ŋmɛnɛ Yehowa baaŋɔ onuŋtsɔ lɛ kɛje oŋɔɔ kɛya?” Ni ehã amɛ hetoo akɛ, “Mi hu mile, nyɛ lɛ, nyɛfea diŋŋ kɛkɛ!”

2 Maŋtsɛmɛi 2:7

Ni gbalɔi aku lɛ mli bii nyɔŋmai enumɔ ni nyiɛ amɛsɛɛ kɛtee lɛ, yadamɔ sɛɛ flɛŋŋ, shi amɛyi enyɔ lɛ amɛdamɔ Yordan Faa lɛ naa.

2 Maŋtsɛmɛi 4:38

Be ni Elisha ku esɛɛ eba Gilgal ekoŋŋ lɛ, no mli lɛ hɔmɔ eba shikpɔŋ lɛ nɔ. Gbi ko be mli ni gbalɔi aku lɛ mli bii tara shi lɛ, ekɛɛ etsulɔ lɛ akɛ, “Ŋɔɔ kukwɛi wulu lɛ oma la nɔ, ni ohoo nii ohã gbalɔi nɛɛ.”

2 Maŋtsɛmɛi 6:1

Gbi ko lɛ gbalɔi aku lɛ mli bii lɛ kɛɛ Elisha akɛ, “Naa, he ni wɔ owebii nɛɛ wɔyɔɔ lɛ, yɛ kplokotoo tsɔ̃ hã wɔ.

2 Kronika 16:7

Nɛkɛ be nɛɛ mli lɛ Gbalɔ Hanani ba Yuda Maŋtsɛ Asa ŋɔɔ, ni ebakɛɛ lɛ akɛ, “Akɛni okɛ ohe fɔ̃ Siria maŋtsɛ lɛ nɔ, shi okɛ ohe eyafɔɔɔ Yehowa, oNyɔŋmɔ lɛ, nɔ hewɔ lɛ bɛ ona akɛ Israel maŋtsɛ lɛ ta lɛ je odɛ̃ŋ?

2 Kronika 19:2

Be ni Yehoshafat baa lɛ gbalɔ ko ni atsɛɔ lɛ Yehu, Hanani bi lɛ, tee ni ekɛ maŋtsɛ lɛ yakpe, ni ekɛɛ lɛ akɛ, “Aso eja gbɛ akɛ owa yitsoŋwalɔ, ni osumɔ mɛi ni nyɛɔ Yehowa lo? Nɔ ni ofee nɛɛ lɛ ehã Yehowa mli efu bo.

2 Kronika 20:34

Yehoshafat he saji ni eshwɛ lɛ, kɛjɛ shishijee aahu kɛyagbe naa lɛ, aŋmala yɛ Hanani bi Yehu he saji ni yɔɔ Israel Maŋtsɛmɛi ahe Saji Awolo lɛ mli.

Hiob 30:4

Amɛfamɔɔ shiaŋaŋ tsei, ni amɛtsɛrɛɔ koowie bai ni amɛshɛreɔ blɔtsei amɛwereɔ.

Amos 1:1

Amos, ni ji tookwɛlɔ ko ni jɛ Tekoa maŋ lɛ mli lɛ, gbalɛ wiemɔi nɛ. Naa Nyɔŋmɔ jie ninaa nɛɛ yɛ Israel he etsɔ̃ɔ Amos afii enyɔ dani shikpɔŋ hoso, be mli ni Uzia yeɔ Yuda maŋtsɛ, ni Yeroboam, Yehoash bi lɛ, hu yeɔ Israel maŋtsɛ lɛ.

Amos 3:8

Kɛji jata miihuu lɛ, namɔ sheee gbeyei? Kɛji Nuŋtsɔ Nyɔŋmɔ ewie lɛ, namɔ baakwa akɛ eshiɛɛɛ gbalɛ ni akɛhã lɛ lɛ?

Zakaria 13:5

Shi moŋ nɔ ni ebaakɛɛ ji akɛ, ‘Jeee gbalɔ ji mi, okwaafonyo ji mi, mibɔ̃i humɔ kɛjɛ miblahiaŋ tɔ̃ɔ.’

1 Korintobii 1:27

shi moŋ je nɛɛ mli kwashiaianii lɛ Nyɔŋmɔ hala, koni ekɛwo nilelɔi lɛ ahiɛgble; ni je nɛɛ mli gbɔjɔmɔnii lɛ hu Nyɔŋmɔ hala, koni ekɛwo nii ni he wa lɛ ahiɛgble;

1 Samuel 10:11

Mɛi fɛɛ ni le Saul sa ni asaŋ amɛna akɛ ekɛ gbalɔi lɛ miigba lɛ kɛɛkɛɛ amɛhe akɛ, “Mɛni feɔ Kish bi lɛ nɛɛ? Saul hu etsɔ̃ gbalɔ lo?”