Amos 7:11 - ŊMALƐ KRƆŊKRƆŊ LƐ

¹¹ Nɔ ni Amos kɛɛ ji, “Yeroboam baanyɔ yɛ ta mli, ni nom kɛ̃ aaaŋɔ Israelbii kɛaaje amɛshikpɔŋ nɔ kɛaatee.”

Ṅmãle̱ Kroṅkroṅ Le̱

¹¹ Sĩ bo̱ni Amos kē̱ ne̱: Ierobeam aagbo ye̱ klante nā, ni Israel le̱, nom kẽ aaṅōle̱ ke̱-adše̱ ešikpoṅ le̱ no̱ ke̱-ate!

Amos 7:11 ပူးပေါင်းရင်းမြစ်များ

2 Maŋtsɛmɛi 17:6

Hoshea yinɔ afi ni ji nɛɛhu lɛ nɔ lɛ, Asiria maŋtsɛ lɛ ŋɔ Samaria. Kɛkɛ ni eŋɔ Israelbii nom kɛtee Asiria; eŋɔ amɛteŋ mɛi komɛi kɛtee Hala maŋ wulu lɛ mli; ekɛ mɛi komɛi hu tee Habor Faa lɛ naa yɛ Gozan kpokpai anɔ; ekɛ mɛi komɛi hu tee Media maji wuji lɛ amli.

Lalai 56:5

Gbi muu fɛɛ lɛ, mi awui pɛ amɛtaoɔ amɛye; efɔŋ sɔŋŋ pɛ amɛjwɛŋɔ yɛ mihe.

Yeremia 26:9

Mɛɛba ogba yɛ Yehowa gbɛi mli akɛ, ‘Nɛkɛ Sɔlemɔ we nɛɛ baatsɔ̃ tamɔ Shilo, ni maŋ nɛɛ baatsɔ̃ amaŋfɔ̃ ni gbɔmɔ ehiŋ mli dɔŋŋ lɛ?’ ” Kɛkɛ ni maŋbii lɛ fɛɛ kpe wo Yeremia he yɛ Yehowa Sɔlemɔ we lɛ.

Yeremia 36:16

Be ni amɛnu wolo lɛ mli sane lɛ, amɛkwɛkwɛɛ amɛhiɛiaŋ kɛ tsuifãa, ni amɛkɛɛ Baruk akɛ, “Ja wɔyakɛɛ Maŋtsɛ wolo nɛɛ mli sane lɛ.”

Amos 1:1

Amos, ni ji tookwɛlɔ ko ni jɛ Tekoa maŋ lɛ mli lɛ, gbalɛ wiemɔi nɛ. Naa Nyɔŋmɔ jie ninaa nɛɛ yɛ Israel he etsɔ̃ɔ Amos afii enyɔ dani shikpɔŋ hoso, be mli ni Uzia yeɔ Yuda maŋtsɛ, ni Yeroboam, Yehoash bi lɛ, hu yeɔ Israel maŋtsɛ lɛ.

Amos 7:10

Kɛkɛ ni Amazia, Betel osɔfo lɛ, tsu kɛtee Yeroboam, Israel maŋtsɛ lɛ, ŋɔɔ akɛ, “Amos etee oyinɔ apam yɛ Israelbii lɛ ateŋ. Ewiemɔi lɛ baafite maŋ lɛ.”

Amos 7:12

Osɔfo Amazia kɛɛ Amos akɛ, “Gbalɔ, jee biɛ ni oya Yuda shikpɔŋ lɛ nɔ, ni oyaye nii yɛ jɛi koni ogba yɛ jɛi.

Amos 7:9

Hei ni Isak shwie lɛ jaa yɛ lɛ baatsɔ̃mɔ amaŋfɔ̃, ni hei ni Israelbii jaa yɛ lɛ hu baafee koikoi; ni mibafã ta mawo Yeroboam we lɛ.”

Mika 1:16

Yudabii, nyɛshɛa nyɛyi kɛyea ŋkɔmɔ yɛ nyɛbii ni nyɛsumɔ lɛ ahewɔ. Nyɛkpɔa nyɛyi kuekue tamɔ akpaŋa yiteŋ, ejaakɛ abaaŋɔ nyɛbii lɛ anom kɛaaje nyɛhe kɛya.

Mateo 26:61

amɛbakɛɛ, “Mɔ nɛ kɛɛ akɛ, ‘Manyɛ makumɔ Nyɔŋmɔ Sɔlemɔ we lɛ, ni mama lɛ gbii etɛ̃.’ ”

Bɔfoi 6:14

ejaakɛ wɔnu akɛ ekɛɛ akɛ Yesu, Nazarenyo lɛ, aaafite biɛ, ni eeetsake kusumi ni Mose kɛhã wɔ lɛ.”