Amos 6:4 - ŊMALƐ KRƆŊKRƆŊ LƐ

⁴ Kpoo hã mɛi ni kãmɔɔ shuɔ wu saatsei anɔ amɛwɔɔ, ni amɛkpãa amɛmli yɛ saatsei bibii anɔ, ni amɛyeɔ too ku lɛ mli gwantɛŋbii kɛ tsina tsui amli tsinabii lɛ.

Ṅmãle̱ Kroṅkroṅ Le̱

⁴ Mei ni kãmoo̱ *ſuo̱wu sātšei ano̱, ni ame̱kpãa ame̱mli ye̱ ame̱kampēi ano̱, ni ame̱yeo̱ tōiku le̱ṅ gwanteṅbii ke̱ tšinai alẽ̱̀he le̱ mli tšinabii. *3,15.

Amos 6:4 ပူးပေါင်းရင်းမြစ်များ

1 Mose 37:25

Kɛkɛ ni amɛho amɛtara shi ni amɛbɔi niyeli. Be ni amɛwo amɛhiɛ nɔ lɛ, amɛna Ishmaelbii gbɛnyiɛlɔi aku ko ni jɛ Gilead miiba kɛ amɛyoomai ni tere tsofakɛŋmai kɛ gbonyowoo tsofa kɛ ohɛ ni jeɔ ŋma kɛmiiya Ijipt.

Ester 1:6

Bɔ ni awula kpo teŋ lɛ mli ahã nɛ. Akɛ tɛi eŋɔlii kɛ tɛi yɛji kɛ tɛi bluu kɛ tɛi diji eka kpo lɛ nɔ; ni akɛ tɛi yɛji akulashiŋi emamɔ tɛi ni aka lɛ anɔ. Jwiɛtɛi gai yɛ akulashiŋi nɛɛ ahe. Akɛ kpãa yɛŋ fɛɛfɛo kɛ kpãa afaseo emɔmɔ mamai yɛji fɛɛfɛji kɛ mamai bluu lɛ hu anaa; kɛkɛ ni akɛŋmɔlɔ jwiɛtɛi akulashiŋi lɛ ahe gai lɛ, ni ehã mamai lɛ tsotsoro shi. Mlikpãmɔ saatsei pɛmpɛbii ni akɛ shika kɛ jwiɛtɛi fee mamɔ kpo teŋ lɛ mli hei komɛi.

Lalai 73:7

Fɔ sɔŋŋ ehã amɛhiŋmɛii ekɛ̃lɛ̃ emamɔ shi; amɛtsuii eyimɔ obɔ̃bɔ̃ kɛ kwashiaianii.

Yesaia 22:13

Shi moŋ nyɛnya, ni nyɛmli fili nyɛ. Nyɛgbegbee tsinai kɛ toi, ni nyɛye, ni nyɛnu dãi, ni nyɛkɛɛ akɛ, “Nyɛhãa wɔyea nii ni wɔnua dãi ejaakɛ wɔ bɛnɛ wɔgboi.”

Yesaia 28:1

Kpoo hã Israel dãatɔlɔi hewolɔi lɛ! Kpoo hã Israel anunyam fɔfɔi fɛɛfɛo ni kã ekuɛ lɛ! Kpoo hã fɔfɔi akekre ni yɔɔ Israel lumɛi ni etɔrɔ kɛ ŋmãa kɛ wain lɛ ayitsei ahe lɛ.

Yeremia 16:8

“Kaaya shĩa ko ni aŋmɛ okplɔ̃ yɛ mli mli ni okɛ mɛi yata shi oye nii ni ayeɔ lɛ eko, ni onu nɔ ni anuɔ lɛ hu eko.

Ezekiel 16:49

Naa, efɔŋ ni onyɛmi yoo ni ji Sodom fee lɛ ji akɛ ekɛ ebiyei lɛ woɔ amɛhe, ejaakɛ amɛyɛ ŋmãa babaoo ni amɛyɛ toiŋjɔlɛ hu, shi amɛyeee amɛbuaaa ohiafoi kɛ mɛi ni efi amɛ.

Ezekiel 23:41

Amɛtaa saa fɛɛfɛo nɔ, ni aŋmɛɔ okplɔ̃, ni amɛkɛ mitsofakɛŋma kɛ mimu lɛ mamɔɔ nɔ.

Amos 3:12

Yehowa kɛɛ akɛ, “Bɔ ni tookwɛlɔ shɔ̃ɔ too shuɔji enyɔ loo etoi kuku kɛkɛ po yɛ jata daaŋ lɛ, nakai kɛji eshwɛ saatso tso kuku kɛkɛ loo saashwɛ tete akɛbaahere Israelbii ni yɔɔ Samaria lɛ ayiwala.”

Amos 8:3

Nakai gbi lɛ, lalai ni amɛlaa yɛ Sɔlemɔ we lɛ mli lɛ baatsɔ̃ yara ni awo. Gbɔmɛi babaoo baaplene, ni abaashɛrɛ gbohii ashwie hei fɛɛ nigii, shi mɛi baafee diŋŋ kɛkwɛ.”

Mika 6:12

Niiatsɛmɛi ni yɔɔ nyɛteŋ lɛ shishiuɔ ohiafoi lɛ; ni nyɛ fɛɛ lɛ amalelɔi ji nyɛ.

Luka 16:19

“Nuu niiatsɛ ko ni yɔɔ, ni ewoɔ atade tsuru kɛ atade yɛŋ fɛɛfɛo, ni ekɛ ŋɔɔmɔnii kpakpai ayeli naa tsuijurɔ daa gbi.

Yakobo 5:5

Nyɛye nyɛnaanii yɛ shikpɔŋ lɛ nɔ, ni nyɛbɔ ahoshwi. Nyɛ lɛ, nyɛtsuii ni ewo fɔ kɛhã gbee gbi lɛ.