Amos 6:10 - ŊMALƐ KRƆŊKRƆŊ LƐ

¹⁰ Ni kɛji mɛi ni egbo lɛ eko wekunyo, mɔ ni fuɔ lɛ, baaba koni ebawo gbonyo lɛ kɛje shĩa lɛ, wekunyo nɛɛ baabi mɔ ni yɔɔ shĩa lɛ mli akɛ, “Ani eshwɛ mɔ ko lolo hɔ shĩa lɛ mli fata ohe lo?” Mɔ lɛ aaahere nɔ akɛ, “Dabida!” Gbonyo lɛ wekunyo lɛ baakɛɛ akɛ, “Feemɔ diŋŋ. Wɔkwɛ jogbaŋŋ ni wɔkatsi Yehowa gbɛi tã.”

Ṅmãle̱ Kroṅkroṅ Le̱

¹⁰ Ni ké̱ moko tše̱kwẽ ni dši moni fũo̱le̱ bawóle̱ ke̱-te̱, koni edšĩe gbohĩĩawui le̱ ke̱-aba šĩa le̱, ni eekē̱ moni yo̱ šĩa le̱ teṅ le̱ ake̱: Ani eſe̱ moko fata ohe lolo lo? ni mo le̱ akē̱ ake̱: Mokomoko be̱ doṅṅ! le̱, no le̱ mone̱ aakē̱: *Femo̱ diṅṅ! edšake̱ atšĩĩ Iehowa gbe̱i atã! *6,3.

Amos 6:10 ပူးပေါင်းရင်းမြစ်များ

Amos 8:3

Nakai gbi lɛ, lalai ni amɛlaa yɛ Sɔlemɔ we lɛ mli lɛ baatsɔ̃ yara ni awo. Gbɔmɛi babaoo baaplene, ni abaashɛrɛ gbohii ashwie hei fɛɛ nigii, shi mɛi baafee diŋŋ kɛkwɛ.”

1 Samuel 31:12

maŋ lɛ mli hii kãkãlɔi lɛ fɛɛ te shi, ni amɛnyiɛ nyɔɔŋnyɔɔŋ fɛɛ kɛtee, ni amɛyajie Saul gbonyo lɛ kɛ ebihii lɛ hu agbohii lɛ yɛ Bet-Shan gbogbo lɛ he, ni amɛkɛba Yebesh amɛbashã.

Amos 5:13

No hewɔ lɛ, mɔ ni le nii lɛ, efeɔ diŋŋ nɛkɛ be mli, ejaakɛ be lɛ be fɔŋ ni.

Ezekiel 24:21

“Yehowa kɛɛ mi akɛ, Kɛɛmɔ Israel we lɛ akɛ, bɔ ni Nuŋtsɔ Yehowa kɛɔ nɛ, Naa, mibabule mihekrɔŋkrɔŋ lɛ, ni ji nyɛhewalɛ ni nyɛkɛwoɔ nyɛhe nɔ lɛ; he krɔŋkrɔŋ ni ji nyɛhiŋmɛiŋ ajaŋmalaatɛ lɛ kɛ nyɛsusumai ashwee lɛ. Nyɛbihii kɛ nyɛbiyei ni nyɛshi yɛ Yerusalɛm lɛ, akɛ klante baagbe amɛ.

Ezekiel 20:39

Nuŋtsɔ Yehowa kɛɛ, “Ao, nyɛ Israel we, (nyɛ lɛ kɛji nyɛboŋ mi toi lɛ, kɛjɛ kɛyaa nɛɛ lɛ) nyɛyaa ni nyɛteŋ mɔ fɛɛ mɔ ayasɔmɔ lɛ diɛŋtsɛ ewɔji lɛ; shi kɛfee sɛɛ lɛ nyɛabo mi toi kɛ̃, ni migbɛi krɔŋkrɔŋ lɛ nyɛkɛ nyɛnikeenii lɛ kɛ nyɛwɔŋjamɔ lɛ babuleŋ lɛ dɔŋŋ.”

Yeremia 44:26

No hewɔ lɛ, nyɛ Yudabii fɛɛ ni yɔɔ Ijipt shikpɔŋ lɛ nɔ, nyɛboa nɔ ni mi, Yehowa, mikɛɔ toi, naa, mikã migbɛi wulu lɛ akɛ Yudanyo ko Yudanyo ko naŋ naabu ekɛtsɛ migbɛi kɔkɔɔkɔ yɛ Ijipt shikpɔŋ nɛɛ fɛɛ nɔ ekɛkã kitã akɛ, ‘Mina Yehowa’.

Yeremia 16:6

Amɛteŋ mɛi wuji kɛ mɛi bibii lɛ fɛɛ baagboi yɛ shikpɔŋ nɛɛ nɔ. Afuŋ amɛ, ni afeŋ amɛyara hu. Mɔ ko mɔ ko bãmɔŋ ehe kɛ kakla aloo eshɛŋ eyiteŋ kɛyeŋ amɛgbohii lɛ ahe ŋkɔmɔ.

4 Mose 17:12

Israelbii lɛ kɛɛ Mose akɛ, “Naa, wɔmiiplene, wɔhiɛ miikpãtã! Wɔ bluublu wɔhiɛ miikpãtã.

2 Maŋtsɛmɛi 23:16

Ni be ni Yosia tsɔ̃ ehe lɛ, ena gbohii abui komɛi yɛ gɔŋ lɛ nɔ; ni etsu ayaloo wui lɛ kɛjɛ gbohii abui lɛ amli, ni ebashã yɛ afɔleshãa latɛ lɛ nɔ, ni ekɛbule lɛ. Efee enɛ bɔ ni afee ni wiemɔ ni Nyɔŋmɔ gbɔmɔ lɛ wie be ko lɛ aba mli.

2 Maŋtsɛmɛi 6:33

Be ni Elisha kɛ enukpai lɛ wieɔ lolo lɛ, maŋtsɛ lɛ bashɛ eŋɔɔ, ni ekɛɛ akɛ, “Nɛkɛ efɔŋ nɛɛ, Yehowa ŋɔɔ ejɛ. Mɛni mimɛɔ dɔŋŋ? Mɛni feemɔ shwɛɔ mi dɔŋŋ?”

Yeremia 9:21

Ejaakɛ gbele ekwɔ kɛtsɔ̃ samfɛji amli kɛbatua wɔ, ni ebote wɔmaŋtsɛ wei amli ebaplenee gbekɛbii yɛ gbɛjegbɛi lɛ anɔ, ni ekpãtã oblahii hu ahiɛ yɛ blohui amli.”