Amos 6:1 - ŊMALƐ KRƆŊKRƆŊ LƐ

¹ Kpoo hã mɛi ni ahe ejɔ amɛ yɛ Zion, kɛ mɛi ni nyɛsusuɔ akɛ amɛyɛ shweshweeshwe yɛ Samaria Gɔŋ lɛ nɔ, mɛi ni ji lumɛi wuji yɛ maŋ wulu, Israel mli lɛ, mɛi aŋɔɔ ni Israelbii lɛ baa lɛ.

Ṅmãle̱ Kroṅkroṅ Le̱

¹ Kpóo hã mei ni he edšo̱ame̱ ye̱ Zion ke̱ mei ni buo̱ amehe ake̱ ame̱ye̱ ſeſēſe ye̱ Samaria goṅ ke̱ no̱ ke̱, dšeṅmãdši amli mei ni yo̱ gbe̱i titri ke̱, mei aṅõ ní Israel we le̱ baä le̱!

Amos 6:1 ပူးပေါင်းရင်းမြစ်များ

1 Maŋtsɛmɛi 16:24

Omri tse jwiɛtɛi kukuji akpei ekpaa, ni ekɛhe Samaria gɔŋ lɛ yɛ mɔ ko ni egbɛi ji Shemer lɛ ŋɔɔ. Omri to maŋ yɛ gɔŋ lɛ nɔ, ni ewo maŋ lɛ Samaria, yɛ gɔŋ lɛ tsɛ Shemer gbɛi lɛ hewɔ. Ewaje maŋ lɛ.

Lalai 123:4

Wɔhe fɛo ni mɛi ni he ejɔ amɛ lɛ yeɔ, kɛ wɔhe guɔ ni hewolɔi lɛ gbeɔ lɛ miisu wɔtsui fe nine.

Abe̱i 1:32

Mɛi ni jwɛŋmɔ naa waaa kpaleɔ kɛjeɔ nilee he kɛyaa nɔ kroko he, ni no nɔŋŋ gbeɔ amɛ; ni jwɛŋmɔ ni kwashiai jwɛŋɔ akɛ amɛyɛ shweshweeshwe lɛ, no nɔŋŋ kpãtãa amɛhiɛ.

Yesaia 33:14

Eshafeelɔi ni yɔɔ Zion lɛ miishe gbeyei, ni mɛi ni sheee Nyɔŋmɔ gbeyei lɛ ahe miikpokpo. Amɛkɛɛmɔ ji, “Wɔteŋ namɔ baanyɛ la naa edamɔ kɛyashi naanɔ?”

Yeremia 2:3

Mɔ krɔŋkrɔŋ ji Israel hã Yehowa, eŋmãakpamɔ mli klɛŋklɛŋ yibii ni. Mɛi fɛɛ ni aaata ehe lɛ baaye sɔ̃. Ni sane fɔŋ baaye amɛ, Mi, Yehowa, mi mikɛɛ.’ ”

Yeremia 48:11

“Moab yɛ hejɔlɛ mli kɛjɛ eblahiiaŋ ni eyɛ shweshweeshwe; atsɔ̃ko lɛ kɛjɛko nɔ kome mli awoko nɔ kroko mli dã; Aŋɔko lɛ nom dã, no hewɔ lɛ, etamɔ dãa ni enaanu gboko dã, ni eŋma hu tsakeko.

Yeremia 49:31

Nyɛtea shi, nyɛyatuaa maŋ ni he ejɔ lɛ ni eyɔɔ shweshweeshwe, maŋ ni agboi loo agbosɛɛ adabaŋi ahe ehiaaa amɛ, maŋ ko ni ekɛ ehe ebɔɔɔ maŋ ko he, shi ekome eyɔɔ. Mi, Yehowa, mikɛɛ.

Yeremia 5:5

Maya gbɔmɛi wuji lɛ aŋɔɔ koni mikɛ amɛ ayawie; ejaakɛ amɛ lɛ, amɛle jeŋba gbɛ ni Yehowa kpaa, ni ji amɛNyɔŋmɔ lɛ mla lɛ.” Shi amɛ fɛɛ kwa amɛkwa Yehowa nɔyeli lɛ. amɛtserɛ nɔyeli kpãi ni fimɔ amɛ lɛ.

Yeremia 7:4

Nyɛkɛ nyɛhiɛ akafɔ̃a nɛkɛ lakamɔ wiemɔi nɛɛ anɔ akɛ, ‘Yehowa Sɔlemɔ we nɛ! Yehowa Sɔlemɔ we nɛ! Yehowa Sɔlemɔ we nɛ!’

Yāfó 1:1

Kwɛ bɔ ni maŋ ni kulɛ emli bii fa babaoo lɛ, ta shi ekometoo! Kwɛ bɔ ni etsɔ̃ tamɔ okulafo; lɛ maŋ ni kulɛ eje agbo yɛ majimaji ateŋ lɛ. Lɛ ni kulɛ lumɔ ji lɛ yɛ maji ateŋ lɛ, ŋmɛnɛ, etsɔ̃ mɔ ni atsuɔ lɛ onia.

Amos 3:2

“Jeŋ maji fɛɛ ateŋ lɛ, nyɛ pɛ ji maŋ ni mile, ni no hewɔ lɛ, mibawo nyɛ nibii gbohii ni nyɛfee lɛ ahe nyɔmɔ.”

Amos 3:9

Kɛɛmɔ mɛi fɛɛ ni yɔɔ Ashdod kɛ Ijipt mɔji lɛ amli lɛ akɛ, “Nyɛyabuaa nyɛhe naa yɛ Samaria gɔji lɛ anɔ koni nyɛkwɛa basabasa ni afeɔ kɛ niseniianii ni yaa nɔ yɛ Samaria.”

Amos 4:1

Nyɛ Samaria yei ni nyɛshwishwii tamɔ Bashan tsinayei ni yɔɔ Samaria gɔji anɔ lɛ, nyɛboa wiemɔ nɛɛ toi. Te nyɛwaa ohiafoi ayi, ni nyɛshwishwiaa mɛi ni efĩ amɛ shi, ni nyɛkɛɔ nyɛwumɛi lɛ akɛ, “Nyɛyataoa nɔ ni wɔɔnu kɛba!”

Amos 5:27

ni mahã aŋɔ nyɛ nom kɛya Damasko sɛɛ.” Nɔ ni Yehowa, mɔ ni gbɛi ji Taiatsɛ lɛ, kɛɛ nɛ.

Amos 8:14

ni mɛi ni kɛ Samaria jemawɔji lɛ kãa kitã amɛkɛɔ akɛ, ‘Mina Dan jemawɔŋ lɛ,’ loo ‘Mina Beersheba jemawɔŋ lɛ,’ amɛbaanyɔnyɔi.”

Amos 9:10

Mimaŋbii lɛ ateŋ gbɔmɛi eshafeelɔi ni kɛɔ akɛ, ‘Nyɔŋmɔ haŋ nɔ fɔŋ ko anina wɔ lɛ, amɛ fɛɛ amɛbaanyɔnyɔi yɛ ta mli.’ ”

Mika 3:1

Nyɛ Israel onukpai ni ji Israel nɔyelɔi, nyɛboa toi! Ani jeee nyɛgbɛnaa ji akɛ nyɛaale nɔ ni ja?

Zefania 1:12

“Nakai be lɛ mikɛ kane baakpa Yerusalɛm maŋ lɛ mli, ni mibagbala emli mɛi ni amɛtsui enyɔ amɛmli, ni amɛheɔ amɛhe amɛyeɔ lɛ atoi. No ji mɛi ni kɛɔ amɛhe akɛ, ‘Yehowa efeŋ ekpakpa, ni esaa efeŋ efɔŋ hu lɛ’.

Yakobo 1:18

Lɛ diɛŋtsɛ esuɔmɔ naa ekɛ anɔkwale wiemɔ lɛ fɔ wɔ, koni wɔfee tamɔ enibɔɔnii lɛ amli klɛŋklɛŋ yibii.

Yakobo 5:5

Nyɛye nyɛnaanii yɛ shikpɔŋ lɛ nɔ, ni nyɛbɔ ahoshwi. Nyɛ lɛ, nyɛtsuii ni ewo fɔ kɛhã gbee gbi lɛ.

1 Petro 5:7

Nyɛkɛ nyɛhaomɔ fɛɛ afɔ̃a enɔ, ejaakɛ nyɛsane kã etsui nɔ.

Kojolɔi 18:7

Kɛkɛ ni mɛi enumɔ lɛ kɛshwie nɔ kɛtee Laish. Amɛna jɛibii lɛ bɔ ni amɛyɔɔ shweshweeshwe amɛhã, tamɔ Sidonbii lɛ, kɛ bɔ ni amɛyɔɔ kpoo ni amɛyiŋ efeee amɛ kɔshikɔshi yɛ mɔ ko he lɛ. Nɔ ko bɛ shikpɔŋ nɔ ni he hiaa amɛ; niiatsɛmɛi ji amɛ. Amɛkɛ Sidonbii lɛ ateŋ jɛkɛ, ni amɛkɛ mɔ ko mɔ ko bɛ sharamɔ.