Amos 5:8 - ŊMALƐ KRƆŊKRƆŊ LƐ

⁸ Naa, mɔ ni bɔ ŋulamii, “Wuɔ kɛ ebii kɛ Oŋwɛ” mɔ ni hãa duŋ kpii tsɔ̃ɔ jetsɛremɔ, ni ehãa shwane woɔ duŋ ni etsɔ̃ɔ tamɔ nyɔŋ. Lɛ mɔ ni efãa ŋshɔ mli nu, ni efɔseɔ eshwieɔ shikpɔŋ lɛ hiɛ lɛ, Yehowa ji egbɛi.

Ṅmãle̱ Kroṅkroṅ Le̱

⁸ Ši le̱ *efe wuuo̱-ke̱-ebii ke̱ oṅwẽ, ni ehãa gbĕlehō̃ṅ tšṍo̱ lebi la, ni ehãa ſane woo̱ duṅ tamo̱ nyōṅ; le̱ †etšé̱o̱ ṅšo̱ le̱ṅ nu le̱ hũ ni efo̱seo̱ eſieo̱ šikpoṅ le̱ hĩe, Iehowa dši egbe̱i! *Hiob 38,31. †Amos 9,6.

Amos 5:8 ပူးပေါင်းရင်းမြစ်များ

Hiob 12:22

Ejieɔ nibii ni hɔlɔ dujiaŋ lɛ kpo, ni ehãa la kpɛɔ yɛ hei ni duŋ yɔɔ.

Hiob 37:13

Bei komɛi lɛ, ehãa enɛɛmɛi baa koni egbala gbɔmɛi atoi, bei komɛi lɛ yɛ eshikpɔŋ lɛ yibaamɔ hewɔ, ni bei komɛi hu koni ekɛtsɔ̃ɔ suɔmɔ ni eyɔɔ.

Hiob 38:34

Ani obaanyɛ owo ogbee nɔ ni ofã atatui lɛ koni amɛnɛ nu amɛshwie onɔ?

Hiob 9:9

Lɛ ebɔ Jeŋ kpawo kɛ Oŋwɛ kɛ Wuɔ kɛ ebii kɛ wuoyigbɛ ŋulamii lɛ.

Lalai 104:20

Ohãa duŋ woɔ, ni je naa; no mli kooŋ kooloi fɛɛ jeɔ kpo.

Lalai 105:28

Nyɔŋmɔ hã duŋ wo, ni shikpɔŋ lɛ nɔ wo duŋ; shi kɛ̃lɛ Ijiptbii lɛ booo efamɔ lɛ toi.

Yesaia 42:16

Ni makpala shwilafoi kɛtsɔ̃ tɛmpɔŋi ni amɛtsɔ̃ko nɔ dã nɔ; mabu amɛhe kɛtsɔ̃ nanegbɛ ni aleee nɔ. Mahã amɛhiɛ duŋ lɛ atsɔ̃ la, ni hei ni yɔɔ dokoidokoi lɛ afee trɛnɛɛ. Nii nɛɛ mafee mahã amɛ, ni mikwaŋ amɛ.

Yesaia 59:10

Wɔtatraa yɛ gbogbo he tamɔ shwilafoi, ni wɔgbugbuɔ shi tamɔ mɛi ni bɛ hiŋmɛii; wɔtɛrɛɔ shwane fintiŋŋ tamɔ nɔ ni hiɛ ebu, ni wɔnyiɛɔ hiɛkãalɔi ateŋ tamɔ mɛi ni egboi.

Yeremia 16:21

Kɛkɛ ni Yehowa kɛɛ akɛ, “Enɛ hewɔ lɛ, naa, mibahã amɛna amɛle shi kome nɛɛ kɛwula shi nɔ hewalɛ kɛ nyɛmɔ ni miyɔɔ koni amɛna amɛle akɛ mi ji Yehowa.”

Yeremia 33:2

Yehowa, mɔ ni bɔ jeŋ, ni etee lɛ shi ema shi, lɛ mɔ ni egbɛi ji Yehowa, kɛɛ Yeremia akɛ,

Amos 4:13

Naa, mɔ ni shɔ̃ gɔji lɛ, ni ebɔ kɔɔyɔɔ, ni egbaa gbɔmɔ nɔ ni ji lɛ Nyɔŋmɔ lɛ eyiŋtoo. Lɛ mɔ ni ehãa jetsɛremɔ tsɔ̃ɔ duŋ, ni enyiɛɔ shikpɔŋ lɛ nɔ hei grɔŋŋi lɛ, Egbɛi ji Yehowa, Taiatsɛ.

Amos 8:9

Nuŋtsɔ Nyɔŋmɔ kɛɛ akɛ, “Nakai gbi lɛ nɔ lɛ, mibahã hulu anyɔ shi shwane koni duŋ awo yɛ shikpɔŋ lɛ nɔ shwane fintiŋŋ.

Amos 9:6

mɔ ni ŋwɛiniiaŋ ji he ni epiai yɔɔ, ni ekɛ ŋwɛi ebu shikpɔŋ lɛ nɔ, ni etsɛɔ ŋshɔŋ nu lɛ kɛyaa ŋwɛi, ni efɔseɔ eshwieɔ shikpɔŋ lɛ nɔ lɛ, Egbɛi ji Yehowa!

Mateo 4:16

Maŋ ni ta duŋ mli lɛ, ena la kpeteŋkple, ni mɛi ni tara gbele shikpɔŋ, kɛ ehɔ̃ɔŋ mli lɛ, la ete shi ehã amɛ!”

Luka 1:79

Koni ehã jeŋ atse ahã mɛi ni tara duŋ kɛ gbele hɔɔŋ mli lɛ, Ni akudɔ wɔnaji kɛya hejɔlɛ gbɛ lɛ nɔ.”