Amos 5:6 - ŊMALƐ KRƆŊKRƆŊ LƐ

⁶ Nyɛtaoa Yehowa sɛɛgbɛ, ni nyɛyi baana wala. Kɛjeee nakai lɛ Yehowa aaaba tamɔ la ni eje yɛ Israelbii ateŋ, ni eeeshã nii. La nɛɛ baakpãtã Betel hiɛ, ni mɔ ko mɔ ko bɛ ni aaanyɛ agbe ahã Betel.

Ṅmãle̱ Kroṅkroṅ Le̱

⁶ Nyetaoa Iehowa se̱gbe̱, ni nyeyi aaná wala! ké̱ dšee nakai le̱, eedše tamo̱ la ye̱ Iosef we le̱, ni eešã nii, ni mokomoko be̱ ní aagbe ahã Betel.

Amos 5:6 ပူးပေါင်းရင်းမြစ်များ

2 Samuel 19:20

Ejaakɛ, ofainɛ, mile faŋŋ akɛ mifee esha; ni no hewɔ ni naa, mi ji mɔ tsuutsu ni jɛ kooyi akutsei lɛ amli miba bo kpeemɔ ŋmɛnɛ nɛɛ.”

1 Maŋtsɛmɛi 11:28

Solomon yoo akɛ nɛkɛ nuu Yeroboam nɛɛ lɛ, etsuɔ nii waa, hewɔ lɛ ewo lɛ onukpa yɛ nitsulɔi ni tsuɔ nii yɛ Manase kɛ Efraimwe lɛ anɔ.

2 Kronika 34:25

Akɛni amɛkwa mi’, ni amɛyashã tsofakɛŋma amɛkɛhã jemawɔji; ni amɛkɛ amɛnifeemɔnii ewo mimli la hewɔ lɛ, mimli efu maŋ nɛɛ naakpa diɛŋtsɛ bɔ ni enaa la gboŋ.

Lalai 27:8

Owiemɔ lɛ kɛɔ akɛ, “Nyɛtaoa mihiɛgbɛ.” “Yehowa, bo ohiɛgbɛ lɛ mitaoɔ nɛɛ.”

Lalai 69:33

ejaakɛ Yehowa boɔ ohiafoi atoi, ni enyaŋeee lɛ diɛŋtsɛ emɛi ni yɔɔ gboklɛ mli lɛ.

2 Mose 22:6

“Kɛji mɔ ko wo la, ni etso kɛyamɔ ŋmeii, ni eshã abele kɛ aboŋo, loo abele ni akuko, loo ŋmɔ lɛ, mɔ ni wo la lɛ ato nii ni hiɛ kpãtã lɛ najiaŋ shishiishi.

Yesaia 1:31

Hewalɔ hewalɛ baatsɔ̃ tamɔ anaanu kpãa; enifeemɔnii baatsɔ̃ lasrɛmi, ni lasrɛmi nɛɛ nɔŋŋ baasɔo anaanu kpãa lɛ naa la, ni mɔ ko bɛ ni aaanyɛ agbe.

Yesaia 55:3

“Nyɛfea toi, ni nyɛbaa miŋɔɔ! Nyɛboa mi toi, ni nyɛyi aaana wala. Mi kɛ nyɛ baakpãŋ naanɔ kpãŋmɔ, ni ji mimɔbɔnalɛ ni sɛɛ efooo ni mikɛwo David shi lɛ.

Yesaia 55:6

Nyɛtaoa Yehowa be mli ni eeehã ana lɛ. Nyɛtsɛa lɛ be mli ni ebɛŋkɛ.

Yeremia 38:20

Yeremia to he akɛ, “Akɛ bo haŋ amɛ. Bo lɛ, ye wiemɔi ni Yehowa kɛtsɔ̃ minɔ ni mikɛ bo ewie lɛ anɔ kɛkɛ, ni ebaahi ehã bo, ni oyi aaana wala.

Yeremia 4:4

Nyɛjiea nyɛtsuii amli muji lɛ nyɛshwiea tamɔ afoɔ ketia kɛjieɔ foo koni nyɛkɛ nyɛhe ahã Yehowa. Nyɛ Yudahii kɛ nyɛ Yerusalɛmbii, kɛjeee nakai lɛ mimlila lɛ baanina nyɛ tamɔ la yɛ nyɛnifɔɔjianii lɛ ahewɔ, ni ebaashã nii, mɔ ko bɛ ni aaanyɛ agbe.”

Yeremia 7:20

No hewɔ lɛ, mi, Yehowa, bɔ ni mikɛɔ nɛ, ‘Naa, mimli baafu, ni mimli baawo Sɔlemɔ we nɛɛ, gbɔmɛi kɛ kooloi kɛ ŋa nɔ tsei kɛ ŋmɔshi niyenii fɛɛ la. Mimlila lɛ naa baawa tamɔ la ni miitso, ni anyɛŋ agbe.’ ”

Ezekiel 21:3

ni okɛɛ Israel shikpɔŋ lɛ akɛ, bɔ ni Yehowa kɛɔ nɛ, naa, mikɛ bo ena, ni magbala miklante lɛ kɛaaje ehebo lɛ mli, ni mikɛaagbe jalɔ kɛ mɔfɔŋ fɛɛ yɛ nyɛteŋ.

Ezekiel 33:11

Kɛɛmɔ amɛ akɛ gbii abɔ ni mi, mi ji Nyɔŋmɔ Hiɛkãalɔ lɛ nɛɛ, minaaa efɔŋfeelɔ gbele he miishɛɛ; shi moŋ minaa miishɛɛ kɛji efɔŋfeelɔ tsake ejeŋba, ni eyi na wala. Ao Israel we, nyɛkpalea, nyɛkpalea kɛjea nyɛgbɛi fɔ̃ji lɛ anɔ koni nyɛyi ana wala. Mɛni hewɔ nyɛaagboi?

Ezekiel 37:19

Kɛɛmɔ amɛ akɛ, “Bɔ ni Nuŋtsɔ Yehowa kɛɔ nɛ, ‘Naa mibakɔ Yosef tso ni yɔɔ Efraim kɛ Israel akutsei ni fata ehe lɛ adɛŋ lɛ, ni mikɛ no kɛ Yuda tso lɛ baatsa. Mafee amɛ tso kome koni amɛfee tso kome yɛ midɛŋ.’

Amos 3:14

akɛ, gbi nɔ ni mibagbala Israelbii atoi yɛ amɛtoigbele hewɔ lɛ, mibakpãtã Betel afɔleshãa latɛi lɛ hu ahiɛ. Abaakumɔ akloŋtoi ni yɔɔ afɔleshãa latɛi nɛɛ akoji lɛ ashwie shi.

Amos 5:14

Nyɛtaoa nɔ kpakpa, shi jeee nɔ fɔŋ, bɔ ni afee ni nyɛyi ana wala, kɛkɛ lɛ Yehowa, Taiatsɛ lɛ, kɛ nyɛ aaahi shi kpakpa; ni nyɛyea jalɛ sane yɛ koishi akɛ aleee nɔ Yehowa, Taiatsɛ lɛ, aaadro Yosef shwiei ni eshwɛ lɛ lo!

Amos 5:4

Nɔ ni Yehowa kɛɔ Israelbii ji akɛ, “Nyɛtaoa mi misɛɛgbɛ, ni nyɛyi aaana wala,

Amos 6:6

Mɛi ni kɛ kpuji wuji nuɔ wain, ni mu ni hi fe fɛɛ amɛkpaa, shi Israel hiɛkpãtãmɔ lɛ edɔɔɔ amɛ kwraa lɛ.

Zefania 2:3

Nyɛ shikpɔŋ lɛ nɔ heshibalɔi fɛɛ ni feɔ Yehowa suɔmɔnaa nii, nyɛtaoa Yehowa sɛɛgbɛ; nyɛtaoa jalɛ sɛɛgbɛ; ni nyɛtaoa heshibaa sɛɛgbɛ, ni eko lɛ aaaŋɔ nyɛ atee yɛ Yehowa mlifu gbi lɛ nɔ.

Zakaria 10:6

“Mibahã Yuda he awa, ni mahere Israel yiwala. Mikɛ amɛ aaaku sɛɛ kɛba ejaakɛ mimusuŋ etsɔ̃ mi yɛ amɛhe. Amɛaatsɔ̃ tamɔ mɛi ni mikwako amɛ dã, ejaakɛ mi ji Yehowa, amɛNyɔŋmɔ lɛ, ni mabo amɛfaikpamɔ toi.

5 Mose 32:22

Ejaakɛ mimlifu ehã la ko ehere, ni eetso kɛmiiya gbohiiaje tɔ̃ɔ; ebaashã je lɛ kɛ enɔ nibii, ni ebaashã gɔji lɛ ashishitoi diɛŋtsɛ.

5 Mose 4:24

ejaakɛ Yehowa, nyɛNyɔŋmɔ lɛ, etamɔ la grigri ni shãa nii wɛɛ; ni Nyɔŋmɔ ni yeɔ awuŋã ni.

Yoshua 18:5

Abaagbala shikpɔŋ tso muu lɛ mli kpawo. Yudabii lɛ baaya nɔ koni amɛhi shikpɔŋ ni ahã amɛ momo sa lɛ nɔ yɛ wuoyigbɛ lɛ; ni Yosef shwiei lɛ hu baaya nɔ amɛhi amɛnɔ lɛ nɔ yɛ kooyigbɛ lɛ.