Amos 5:4 - ŊMALƐ KRƆŊKRƆŊ LƐ

⁴ Nɔ ni Yehowa kɛɔ Israelbii ji akɛ, “Nyɛtaoa mi misɛɛgbɛ, ni nyɛyi aaana wala,

Ṅmãle̱ Kroṅkroṅ Le̱

⁴ Edšake̱ bo̱ni Iehowa kē̱o̱ Israel we le̱ ne̱: *Nyetaoa mise̱gbe̱, ni nyeyi aaná wala! *Ier. 29,13.

Amos 5:4 ပူးပေါင်းရင်းမြစ်များ

2 Maŋtsɛmɛi 20:3

“Ao, Yehowa, kaimɔ bɔ ni misɔ̃mɔ bo, ni miye bo anɔkwa kɛ mitsui fɛɛ, ni mifee nɔ ni ja yɛ ohiɛ.” Kɛkɛ ni Hezekia fo waa diɛŋtsɛ.

1 Kronika 28:9

“Ni bo, mibi Solomon, ole otsɛ ni ji Nyɔŋmɔ lɛ; osɔ̃mɔ lɛ kɛ otsuiŋ fɛɛ, asaŋ ojie oyitsoŋ fɛɛ hu ni okɛsɔ̃mɔ lɛ! Ejaakɛ Yehowa taoɔ adesã tsuiŋ fɛɛ, ni ele eyitsoŋ fɛɛ. Kɛji otao esɛɛgbɛ lɛ eeehã ona lɛ; shi kɛji okwa lɛ lɛ, eeeshɛ bo efɔ̃ kɛya naanɔ.

2 Kronika 15:2

ni eyiŋ etee koni ekɛ Maŋtsɛ Asa ayakpe. Be ni amɛkpe lɛ Azaria kɛɛ maŋtsɛ lɛ akɛ, “Maŋtsɛ Asa kɛ Yuda kɛ Benyamin fɛɛ, nyɛboa mi toi. Gbii abɔ ni nyɛmiibo Yehowa toi lɛ, lɛ hu ekɛ nyɛ yɛ. Kɛji nyɛtao lɛ lɛ, nyɛbaana lɛ, shi kɛji nyɛkwa lɛ lɛ, lɛ hu ebaakwa nyɛ.

2 Kronika 20:3

Yehoshafat she gbeyei. No hewɔ lɛ, eto eyiŋ akɛ eeesɔle kɛbi Yehowa dɛŋ yelikɛbuamɔ. Enɛ hã efã akɛ ahi ŋmaa yɛ Yuda shikpɔŋ lɛ nɔ fɛɛ.

2 Kronika 20:4

Kɛkɛ ni Yudabii jɛjɛɛ Yuda maji wuji lɛ fɛɛ amli amɛbabua amɛhe naa yɛ Yerusalɛm koni atao Yehowa dɛŋ yelikɛbuamɔ.

2 Kronika 34:3

Yosia maŋtsɛyeli afi ni ji kpaanyɔ lɛ nɔ, be ni edako beebe lɛ, ebɔi eseshinyo David Nyɔŋmɔ lɛ jamɔ kɛ esɛɛgbɛ taomɔ. Be ni ena afii nyɔŋma kɛ enyɔ yɛ sɛi lɛ nɔ lɛ, Yosia bɔi jemawɔji ajamɔhei lɛ kɛ Ashera jemawɔŋ lɛ wɔŋ koi lɛ kɛ amãgãi krokomɛi lɛ fɛɛ fitemɔ, koni ekɛtsuu Yuda kɛ Yerusalɛm he.

Lalai 14:2

Yehowa jɛɔ ŋwɛi ekwɛɔ gbɔmɛi abii, akɛ aleee nɔ eeena akɛ mɔ ko yɛ ni le nii ni etaoɔ Nyɔŋmɔ sɛɛgbɛ lo?

Lalai 22:26

Ohiafoi aaaye nii, ni amɛaatɔrɔ; mɛi ni taoɔ Yehowa sɛɛgbɛ lɛ, aaajie eyi. Amɛyi ana wala kɛya naanɔ.

Lalai 27:8

Owiemɔ lɛ kɛɔ akɛ, “Nyɛtaoa mihiɛgbɛ.” “Yehowa, bo ohiɛgbɛ lɛ mitaoɔ nɛɛ.”

Lalai 69:32

Hã mɛi ni awaa amɛ yi lɛ ana koni amɛmii ashɛ. Nyɛ mɛi ni nyɛtaoɔ Nyɔŋmɔ sɛɛgbɛ lɛ, nyɛhãa nyɛtsui anyɔa nyɛ mli;

Lalai 69:33

ejaakɛ Yehowa boɔ ohiafoi atoi, ni enyaŋeee lɛ diɛŋtsɛ emɛi ni yɔɔ gboklɛ mli lɛ.

Yesaia 31:1

Kpoo hã mɛi ni yaa Ijipt amɛyataoɔ yelikɛbuamɔ ni amɛkɛ amɛhiɛ fɔ̃ɔ okpɔŋɔi anɔ, mɛi ni kɛ amɛhiɛ fɔ̃ɔ tayaa shwiilii anɔ ejaakɛ amɛfa, kɛ okpɔŋɔnɔtalɔi hu anɔ, ejaakɛ amɛhe wa naakpa, shi amɛkɛ amɛhiɛ efɔ̃ɔɔ Israel Mɔ Krɔŋkrɔŋ lɛ moŋ nɔ, loo amɛbiii Nuŋtsɔ lɛ dɛŋ yelikɛbuamɔ po!

Yesaia 55:3

“Nyɛfea toi, ni nyɛbaa miŋɔɔ! Nyɛboa mi toi, ni nyɛyi aaana wala. Mi kɛ nyɛ baakpãŋ naanɔ kpãŋmɔ, ni ji mimɔbɔnalɛ ni sɛɛ efooo ni mikɛwo David shi lɛ.

Yeremia 38:20

Yeremia to he akɛ, “Akɛ bo haŋ amɛ. Bo lɛ, ye wiemɔi ni Yehowa kɛtsɔ̃ minɔ ni mikɛ bo ewie lɛ anɔ kɛkɛ, ni ebaahi ehã bo, ni oyi aaana wala.

Ezekiel 18:9

Ebaa ejeŋ yɛ mikpɔi lɛ anaa, ni eyeɔ mimlai lɛ anɔ pɛpɛɛpɛ. Nɛkɛ gbɔmɔ lɛ jalɔ ji lɛ, eyi aaana wala kɛ̃, Nuŋtsɔ Yehowa kɛɛ.

Hosea 10:12

Nyɛfea nii ni ja tamɔ aduɔ wu kpakpa, ni nyɛaakpa misuɔmɔ ni sɛɛ efooo lɛ yibii. Nyɛjea wala hee shishi tamɔ asaa shikpɔŋ atoɔ nidumɔ, ejaakɛ be yɛ lolo bɔ ni sa ni nyɛkɛaatao Yehowa sɛɛgbɛ kɛyaashi eeeba ebajɔɔ nyɛ tamɔ nu nɛɔ shwieɔ nii anɔ.

Amos 5:6

Nyɛtaoa Yehowa sɛɛgbɛ, ni nyɛyi baana wala. Kɛjeee nakai lɛ Yehowa aaaba tamɔ la ni eje yɛ Israelbii ateŋ, ni eeeshã nii. La nɛɛ baakpãtã Betel hiɛ, ni mɔ ko mɔ ko bɛ ni aaanyɛ agbe ahã Betel.

Zefania 2:3

Nyɛ shikpɔŋ lɛ nɔ heshibalɔi fɛɛ ni feɔ Yehowa suɔmɔnaa nii, nyɛtaoa Yehowa sɛɛgbɛ; nyɛtaoa jalɛ sɛɛgbɛ; ni nyɛtaoa heshibaa sɛɛgbɛ, ni eko lɛ aaaŋɔ nyɛ atee yɛ Yehowa mlifu gbi lɛ nɔ.

Mateo 7:8

Shi mɔ fɛɛ mɔ ni biɔ lɛ, enine shɛɔ nɔ; ni mɔ ni taoɔ lɛ, enaa; ni mɔ ni shiɔ lɛ aaagbele ahã lɛ.

5 Mose 32:46

ekɛɛ amɛ akɛ, “Nyɛhãa wiemɔi fɛɛ ni mikɛshwie nyɛhiɛ ŋmɛnɛ gbi nɛɛ akãa nyɛtsui nɔ; ni nyɛkpãa nyɛwoa nyɛbii atoiiaŋ koni amɛjwɛŋ nɛkɛ mla nɛɛ mli wiemɔi lɛ fɛɛ anɔ, ni amɛye nɔ;

5 Mose 32:47

ejaakɛ wiemɔi nɛɛ jeee wiemɔi foji hã nyɛ, shi moŋ nyɛwala diɛŋtsɛ ni; ni no hewɔ lɛ, nyɛwala sɛɛ aaatsɛ yɛ shikpɔŋ ni nyɛfoɔ Yordan Faa lɛ kɛyaa ni nyɛyaŋɔ lɛ nɔ.”

5 Mose 4:29

Nyɛbaaye Yehowa, nyɛNyɔŋmɔ lɛ, he kumai yɛ jɛi; ni kɛji nyɛtao esɛɛgbɛ kɛ nyɛtsui fɛɛ kɛ nyɛnyɛmɔ fɛɛ lɛ nyɛbaana lɛ.