Amos 5:21 - ŊMALƐ KRƆŊKRƆŊ LƐ

²¹ Miihi nyɛgbii juji lɛ; amɛjeee nɔ ko kɛhã mi; ni nyɛhe naa ni nyɛbuaa kɛjaa mi lɛ tete, mibɛ he miishɛɛ.

Ṅmãle̱ Kroṅkroṅ Le̱

²¹ *Mĩnye̱ nyegbĩĩ dšudši le̱, migbe he guo̱, nyegwabō̱i le̱ tete edše mitšine. *Ies. 1,11-15.

Amos 5:21 ပူးပေါင်းရင်းမြစ်များ

1 Mose 8:21

Be ni Yehowa here afɔle lɛ ŋma jurɔ lɛ, ekɛɛ ehe akɛ, “Milomɔŋ shikpɔŋ lɛ yɛ gbɔmɔ hewɔ dɔŋŋ, ejaakɛ nii ni gbɔmɔ jwɛŋɔ yɛ eyiŋ lɛ efɔŋ ni kɛjɛ egbekɛbiiashi; ni asaŋ mikpãtãŋ nɔ fɛɛ nɔ ni hiɛ kã hiɛ dɔŋŋ, tamɔ bɔ ni mifee nɛɛ.

Abe̱i 15:8

Mɛi fɔ̃ji afɔle lɛ, Yehowa miihi; shi jalɔi asɔlemɔ lɛ, enaa he miishɛɛ.

Abe̱i 21:27

Efɔŋfeelɔ afɔle lɛ, nihiinii ni; blɔblɔ ni ekɛba kɛ yiŋsha.

Abe̱i 28:9

Mɔ ni booo mla toi ni eye nɔ lɛ, esɔlemɔ tete lɛ, nihiinii ni.

Yesaia 66:3

“Mɔ ni gbeɔ tsina lɛ, etamɔ mɔ ni gbeɔ gbɔmɔ nɔŋŋ; mɔ ni kɛ toobi shãa afɔle lɛ, etamɔ mɔ ni kɛ gbee shãa afɔle nɔŋŋ; mɔ ni shãa niyenii afɔle lɛ, etamɔ mɔ ni kɛ kplotoo lá bahãa nɔŋŋ; mɔ ni shãa krɔbɔo afɔle lɛ, etamɔ mɔ ni jaa wɔŋ nɔŋŋ. Mɛi nɛɛ fɛɛ ekɔlɔ amɛ diɛŋtsɛ amɛgbɛi, ni amɛnaa nihiinii ni amɛfeɔ lɛ he miishɛɛ.

Yeremia 14:12

Tsɛbelɛ amɛbaahi ŋmaa nɛ, shi miboŋ amɛfaikpamɔ blɔmɔ lɛ toi; ni amɛbaashã shãa afɔlei kɛ niyenii afɔle hu nɛ, shi mimɔŋ mli; ni mikɛ ta kɛ hɔmɔ kɛ hela baaplenee amɛ.”

Yeremia 6:20

Mɛni mifeɔ krɔbɔo ni jɛ Sheba, kɛ maŋsɛɛ shɔŋŋ sinamon ni jeɔ ŋma he? Shãa afɔlei ni nyɛshãa nyɛhãa mi lɛ, miheee; nyɛkooloo afɔlei lɛ hu esaa mihiɛ.

Ezekiel 23:18

Bɔ ni ebɔ ajwamãŋ faŋŋ lɛ, ni ejie eyayaiaŋ kpo lɛ hã esane je mitsine tamɔ bɔ ni enyɛmi yoo lɛ sane je mitsine lɛ nɔŋŋ.

Hosea 2:11

Mafo mliflimɔ gbii juji ni eyeɔ lɛ fɛɛ asɛɛ, nyɔji hei kɛ afi gbii juji lɛ, kɛ hejɔɔmɔ gbii lɛ.

Hosea 5:6

Amɛkɛ amɛtoi kɛ amɛtsinai baaya ayashã afɔle kɛtao Yehowa sɛɛgbɛ, shi amɛnaŋ lɛ, ejaakɛ Yehowa egbala ehe shi eshi amɛ.

Hosea 8:13

Amɛsumɔɔ afɔleshãa. Amɛgbeɔ kooloi amɛkɛshãa mifɔlei lɛ akɛ loo kɛkɛ ni ayeɔ. Eji nɔ ko ni esaaa mihiɛ. Ni no hewɔ lɛ, agbɛnɛ mibakai eshai ni amɛfee lɛ ni mibawo amɛ he nyɔmɔ. Ijipt kɛ̃ amɛaaku amɛsɛɛ kɛaatee.

3 Mose 26:31

Mahã nyɛmaji lɛ atsɔ̃mɔ amaŋfɔ̃i, ni mafite nyɛjamɔhei lɛ hu; ni mihereŋ nyɛtsofakɛŋma lɛ ŋma dɔŋŋ.

Amos 4:4

“Nyɛ Israelbii, nyɛbaa Betel nyɛbatɔ̃a mla; nyɛyaa Gilgal nyɛyahãa mlanɔtɔ̃mɔ lɛ afaa; nyɛkɛ nyɛfɔlei abaa koni ashã daa leebi; ni nyɛkɛ nyɛnibii amlijaa nyɔŋma mli ekomekome lɛ abaa daa gbii etɛ̃.

Amos 4:5

Nyɛkɛ ma ni esha abashãa shidaa fɔlei lɛ, ni nyɛshiɛa kɛfoa shi akɛ nyɛshãa tsuijurɔ naa afɔlei hu, ejaakɛ nakai feemɔ ji nɔ ni ŋɔɔ nyɛnaa. Nuŋtsɔ Yehowa kɛɛ.

Amos 6:8

Nuŋtsɔ Nyɔŋmɔ lɛ ekã lɛ diɛŋtsɛ ehe kitã. Yehowa, Taiatsɛ lɛ, kɛɛ akɛ, “Miihi Israelbii ahewoo lɛ; ni miinyaŋe amɛmɔji fɛɛfɛji lɛ; no hewɔ lɛ, maŋɔ amɛmaŋ lɛ kɛ emli nii lɛ fɛɛ mahã.”

Amos 8:10

Mahã gbii juji ni nyɛyeɔ lɛ atsɔ̃ yarafeemɔ, ni lalai kɛ ŋɔɔmɔ ni nyɛlaa lɛ baatsɔ̃ yaafo. Nyɛbaabumɔ kpekpe, ni nyɛaashɛshɛɛ nyɛyi, ni nyɛbaatsɔ̃mɔ tamɔ fɔlɔi ni miiye amɛbi koome ni egbo he awerɛho. Nakai gbi lɛ naagbee mli baajoo pam.

Mateo 23:13

“Kpoo hã nyɛ, mlatsɔɔlɔi kɛ Farisifoi, osatofoi! Nyɛŋaa ŋwɛi maŋtsɛyeli lɛ naa nyɛwoɔ gbɔmɛi; nyɛ diɛŋtsɛ lɛ nyɛboteee mli, ni mɛi ni taoɔ mli abote lɛ hu, nyɛŋmɛɛɛ amɛ gbɛ ni amɛbote mli.” [

Efesobii 5:2

Ni nyɛnyiɛa yɛ suɔmɔ mli, tamɔ bɔ ni Kristo hu sumɔ wɔ ni ekɛ lɛ diɛŋtsɛ ehe hã yɛ wɔhewɔ akɛ nikeenii kɛ afɔle ni akɛhã Nyɔŋmɔ ni jeɔ ŋma krɔŋŋ lɛ.

Filipibii 4:18

Shi mina nii fɛɛ ni eteke nɔ; ni akɛni minine eshɛ nii ni nyɛkɛmaje Epafrodito kɛbahã mi lɛ nɔ nɛɛ, mina nɔ fɛɛ nɔ ni mitaoɔ; eji ŋmajee kpakpa kɛ afɔle kɛ ŋɔɔmɔ ni sa Nyɔŋmɔ hiɛ.