Amos 5:2 - ŊMALƐ KRƆŊKRƆŊ LƐ

² Israel oblayeiaŋ etã, egbee shi, ni eteŋ shi dɔŋŋ. Akwa lɛ yɛ eshikpɔŋ nɔ, ni mɔ ko bɛ ni woɔ enɔ.

Ṅmãle̱ Kroṅkroṅ Le̱

² Israel oblayō le̱ egbē ši, ni eteṅ ši doṅṅ! atšile̱ atſa ši ni ekã ešikpoṅ le̱ no̱, moko be̱ ni aawó eno̱!

Amos 5:2 ပူးပေါင်းရင်းမြစ်များ

2 Maŋtsɛmɛi 15:29

Israel Maŋtsɛ Peka yinɔ lɛ Tiglat-Pileser, Asiria maŋtsɛ lɛ, fã ta kɛba Israel. Ebaŋɔ Gilead kɛ Galilea shikpɔji lɛ kɛ amɛmli maji nɛɛ: Iyon, Abel-Bet-Maaka, Yanoa, Kedesh, Hazor. Eŋɔ Naftali shikpɔŋ muu lɛ fɛɛ hu. Kɛkɛ ni eŋɔ Israelbii fɛɛ ni yɔɔ shikpɔŋ nɛɛ nɔ lɛ nom kɛtee Asiria.

2 Maŋtsɛmɛi 17:16

Ni amɛkwa Yehowa amɛNyɔŋmɔ lɛ kitãi lɛ, ni amɛfee shika tsinabii enyɔ amãgã amɛhã amɛhe. Amɛfee Ashera amãgã, ni amɛja ŋulamii, ni amɛsɔ̃mɔ Baal.

Yesaia 14:21

Nyɛsaa gbɛhe nyɛtoa maŋtsɛ nɛɛ bii lɛ yɛ amɛtsɛmɛi anɔsha lɛ hewɔ koni amɛkate shi amɛmiiŋɔ shikpɔŋ lɛ amɛmiifee amɛnɔ, ni amɛmiimamɔ maji amɛmiiwo je lɛ mli obɔ̃.”

Yesaia 24:20

Shikpɔŋ lɛ baatsɔ̃ tamɔ dãatɔlɔ ni miididãa, ebaahoso tamɔ aboŋo yɛ ahum mli. Etɔmɔ lɛ tsii yɛ enɔ, ni ebaatsi lɛ egbee shi, ni eteŋ shi dɔŋŋ.

Yesaia 3:8

Ejaakɛ Yerusalɛm ejwa, ni Yuda hu egbee shi, ejaakɛ amɛdaaŋ wiemɔ kɛ amɛnifeemɔnii fɛɛ tsɔ̃ɔ akɛ amɛte shi amɛwo Yehowa, ni amɛhiɛ eshwieee ehiɛiaŋ tete.

Yesaia 37:22

nɔ ni Yehowa kɛɔ yɛ Sankerib he nɛ, Zion biyoo oblayoo foro, Yerusalɛm ebuuu bo, Sankerib, ehãaa nɔ ko nɔ ko.

Yesaia 43:17

Ekpala ta kpele kɛtee hiɛkpãtãmɔ mli, tawuu shwiilii kɛ okpɔŋɔi babaoo. Amɛjwere shi, amɛnyɛŋ shi amɛte dɔŋŋ; amɛgboi tamɔ kane mli odonti.”

Yeremia 14:17

Yehowa fã mi akɛ mikɛɛ maŋbii lɛ akɛ, “Ahã mihiŋmɛiiaŋ akpala nu shwaneshwane kɛ nyɔɔŋnyɔɔŋ fɛɛ ni esɛɛ akafo; ejaakɛ mimaŋbii lɛ epila, aye amɛ awui ablaŋ.

Yeremia 18:13

No hewɔ lɛ, Yehowa kɛɛ akɛ, “Nyɛbia yɛ majimaji lɛ amli akɛ namɔ enu nɛkɛ sane dã? Israel, oblayoo foro lɛ efee nɔ fɔŋ ni yɔɔ gbeyei.

Yeremia 2:27

mɛi ni kɛɔ tso akɛ, ‘Mitsɛ ji bo’ kɛ mɛi hu ni kɛɔ tɛ akɛ, ‘Bo ofɔ mi’ lɛ, amɛ fɛɛ amɛhiɛ baagbo, ejaakɛ amɛtsɔ̃ amɛsɛɛ, shi jeee amɛhiɛ amɛhã mi. Shi amɛfimɔ be mli lɛ amɛkɛɔ akɛ, ‘Tee shi, ni ohere wɔyiwala.’

Yeremia 31:4

Ao! Oblayoo foro Israel! Mibasaa matswa bo tamɔ tsu mama shi ekoŋŋ, ni oooma shi hu. Oookɔlɔ omiji lɛ otsotsoro ekoŋŋ ni oooje kpo okɛ mɛi ni amli efili amɛ aaayajo kɛ miishɛɛ.

Yeremia 4:20

Amanehulu nyiɛ amanehulu sɛɛ tuuŋtu, akpãtã shikpɔŋ tso muu lɛ hiɛ; afite mibuui lɛ trukaa, ni hiŋmɛitswaa mli lɛ agbala mibuui lɛ ahe mamai lɛ.

Yeremia 50:32

Hewolɔ lɛ baatɛ, ni ebaagbee shi, ni enaŋ mɔ ko awo enɔ. Mibama emaji wuji lɛ anaa la, ni ebaashã nɔ fɛɛ nɔ ni bɔle lɛ.”

Yeremia 51:64

ni okɛɛ akɛ, ‘Nɛkɛ ji bɔ ni Babilon baashiu, ni eteŋ shi dɔŋŋ yɛ ehiɛ ni mi, Yehowa, mibakpãtã lɛ hewɔ.’ ” He ni Yeremia kɛ ewiemɔ lɛ wa nɛ.

Yeremia 8:4

Kɛkɛ ni Yehowa kɛɛ mi akɛ mikɛɛ maŋbii lɛ akɛ, “Aso kɛji agbee shi lɛ, ateee shi? Aloo kɛji adu gbɛ lɛ akuuu sɛɛ?

Yeremia 9:21

Ejaakɛ gbele ekwɔ kɛtsɔ̃ samfɛji amli kɛbatua wɔ, ni ebote wɔmaŋtsɛ wei amli ebaplenee gbekɛbii yɛ gbɛjegbɛi lɛ anɔ, ni ekpãtã oblahii hu ahiɛ yɛ blohui amli.”

Yeremia 9:9

Aso mikagbala amɛtoi yɛ enɛɛmɛi ahewɔ? Mikatɔ mihe owele yɛ maŋ ni tamɔ nɛkɛ nɔ lo? Mi, Yehowa, miibi.”

Yāfó 2:13

Ao! Yerusalɛm biyoo, mɛni makɛɛ yɛ ohe, ni mɛni he mikɛ bo baato? Ao! Zion biyoo, oblayoo foro, mɛni he mikɛ bo aaato bɔ ni afee ni manyɛ omii mashɛje? Ejaakɛ ohiɛkpãtãmɔ lɛ falɛ lɛɛ tamɔ ŋshɔ dalɛ, ni namɔ po aaanyɛ bo atsa?

Hosea 14:1

Nyɛ Israelbii, nyɛkpalea kɛbaa Yehowa, nyɛNyɔŋmɔ lɛ, ŋɔɔ. Nyɛnishaianii lɛ ehã nyɛtɛrɛ, ni nyɛgbee shi.

Hosea 6:2

Gbii enyɔ sɛɛ lɛ, eeetsĩɛ wɔ, ni gbi ni ji etɛ̃ lɛ nɔ lɛ eeetee wɔ shi, ni wɔ kɛ lɛ aaahi shi.

Amos 8:14

ni mɛi ni kɛ Samaria jemawɔji lɛ kãa kitã amɛkɛɔ akɛ, ‘Mina Dan jemawɔŋ lɛ,’ loo ‘Mina Beersheba jemawɔŋ lɛ,’ amɛbaanyɔnyɔi.”

Amos 9:11

Yehowa kɛɛ akɛ, “Be ko miiba, ni nakai gbi lɛ nɔ lɛ, mibatee David maŋtsɛyeli ni egbee shi lɛ shi mama shi ekoŋŋ. Mibatsimɔ fɔji ni eba maŋtsɛyeli lɛ mli lɛ, ni masaa matswa lɛ mama shi tamɔ eyɔɔ blema lɛ.