Amos 5:18 - ŊMALƐ KRƆŊKRƆŊ LƐ

¹⁸ Kpoo hã nyɛ, nyɛ mɛi ni nyɛshweɔ Yehowa gbi lɛ. Mɛni nyɛbaana yɛ Yehowa gbi lɛ nɔ? Naa, duŋ gbi ni, shi jeee la gbi ni:

Ṅmãle̱ Kroṅkroṅ Le̱

¹⁸ Kpóo hã nye, mei ní nyeſeo̱ Iehowa gbĩ le̱! Meni Iehowa gbĩ le̱ bafe ahãnye? *Duṅ gbĩ ni, ši dšee la! *Ioel 2,11.

Amos 5:18 ပူးပေါင်းရင်းမြစ်များ

Yesaia 13:6

Nyɛwɔa lele ejaakɛ gbi ni Yehowa to lɛ eshɛ shi etã. Akɛni niiahiɛkpãtãmɔ lɛ jɛ Ofe lɛ dɛŋ lɛ, ebaaba mli kɛ̃.

Yesaia 24:18

Mɔ ni baajo foi kɛji anu gbeyei sane lɛ, ebaagbee bu lɛ mli; ni mɔ ni baakwɔ kɛje kpo yɛ bu lɛ mli lɛ, ebaadu tsɔne; ejaakɛ aaagbele ŋwɛi samfɛji lɛ, ni shikpɔŋ lɛ shishitoo lɛ aaahoso.

Yesaia 5:19

Amɛkɛɔ akɛ, “Yehowa he afee oya; nɔ ni eto akɛ ebaafee lɛ, efee koni wɔkwɛ. Ha ni Israel Mɔ Krɔŋkrɔŋ Koome lɛ yiŋ ni eto lɛ abɛŋkɛ wɔ ni aba mli koni wɔle.”

Yesaia 5:30

Amɛaashi amɛsɛŋ amɛwo Israel nakai gbi lɛ, ni amɛsɛŋshimɔ lɛ aaagbɛɛ tamɔ ŋshɔ gbɛɛmɔ. Ni kɛji akwɛ shikpɔŋ lɛ nɔ lɛ, nɔ ni aaana ji duŋ kɛ awerɛhoo sɔŋŋ, ni oblɔtu aaaha hulu la hiɛ.

Yesaia 58:2

Tsɛbelɛ gbi fɛɛ gbi lɛ amɛtaoɔ misɛɛgbɛ, ni amɛshweɔ akɛ amɛle migbɛi lɛ tamɔ maŋ ni yeɔ jalɛ sane, ni amɛkwako amɛNyɔŋmɔ lɛ mlai lɛ. Amɛtaoɔ akɛ mabu amɛ bem akɛ jalɔi, ni amɛsumɔɔ akɛ amɛtsi amɛbɛŋkɛ Nyɔŋmɔ.”

Yesaia 8:22

ni amɛaakwɛ shikpɔŋ hu. Shi naa, amɛnaŋ nɔ ko nɔ ko fe hejaramɔ kɛ duŋ kabitii; ni aaatsi amɛ awo duŋ kabitii lɛ mli.

Yesaia 9:19

Yehowa, Taiatsɛ lɛ, mlifu lɛ naa lɛ, shikpɔŋ lɛ shã. Maŋbii lɛ tsɔ̃ tamɔ latso ni tsoɔ; mɔ ko mɔ ko yeee buaa enyɛmi.

Yeremia 13:16

Nyɛwoa Yehowa, nyɛNyɔŋmɔ lɛ, hiɛ nyam, be ni ehãko duŋ awo nyɛ, be ni nyɛbɔ̃iko tɛrɛmɔ yɛ gɔji ni anɔ ewo duŋ lɛ anɔ; ni be mli ni okwɛɔ la gbɛ lɛ, ehãa duŋ moŋ woɔ, ni duŋ lɛ woɔ kabitii.

Yeremia 17:15

Naa, maŋbii lɛ biɔ mi akɛ, “Nɛgbɛ Yehowa wiemɔi lɛ yɔɔ? Hã aba mli koo!”

Yeremia 30:7

Ao! Nakai gbi lɛ, gbi wulu ni; ehenɔ bako pɛŋ. Yakob hejaramɔ gbi ni, kɛ̃lɛ abaahere eyiwala yɛ gbele mli.”

Ezekiel 12:22

“Gbɔmɔ Adesa, mɛni ji abɛ ni nyɛbuɔ yɛ Israel shikpɔŋ lɛ he akɛ, ‘Gbii miiho kɛmiiya, ni gbalɛ ko baaa mli lɛ?’

Ezekiel 12:27

“Gbɔmɔ Adesa, naa, Israelbii lɛ kɛɔ akɛ, ‘Oninaa lɛ yeɔ bei pii dani ebaa mli, ni ogbalɛi lɛ hu kɔɔ be ni yɔɔ shɔŋŋ he.’

Yoel 1:15

Yehowa gbi lɛ eshɛ shi etã! Gbi ni Ofe lɛ kɛ hiɛkpãtãmɔ baa lɛ, nakai gbi lɛ baafee gbeyei!

Yoel 2:10

Kɛji amɛmiiba lɛ, shikpɔŋ hosoɔ, ni ŋwɛi kpokpoɔ bliblibli. Hulu kɛ nyɔɔŋtsere woɔ duŋ, ni ŋulamii fɔ̃ɔ kpɛmɔ.

Yoel 2:11

Yehowa woɔ egbee, ni efãa eta lɛ. Esra lɛ da naakpa, ni mɛi ni yeɔ efãmɔi lɛ anɔ lɛ, anyɛɛɛ amɛ akane. Yehowa gbi lɛ, ebaafee gbeyei! Namɔ po aaanyɛ naa adamɔ?

Yoel 2:31

Hulu aaawo duŋ, ni nyɔɔŋtsere aaatsu faa tamɔ lá. Dani Yehowa gbi wulu ni yɔɔ gbeyei lɛ aaaba.

Obadia 1:15

“Ejaakɛ be lɛ eshɛ etã, be ni, mi, Yehowa mibakojo majimaji lɛ. Bɔ ni ofee lɛ, nakai aaafee bo, Esau. Onifeemɔnii lɛ baaku sɛɛ abawula oyiteŋ.

Maleaki 4:1

Yehowa kɛɛ akɛ, “Naa, gbi ko miiba; ni emli edɔ la tamɔ flɔnɔɔ. Eshishɛɛ lɛ gbɔmɛi fɔ̃ji fɛɛ baatsɔ̃mɔ tamɔ abele gbetselii; ebaashã amɛ bɔ ni eshwɛŋ eko eko shishifã loo tso nine.

5 Mose 32:24

Hɔmɔ baahã amɛtã loo, ni jeŋ dɔlɛ kɛ hela baagbe amɛ. Mawo kooloi kakawuai agbɛ koni amɛbatua amɛ, kɛ onufui kɛ amɛnaa ebɔɔ hu gbɛ koni amɛbakɔ̃mɔ amɛ.

2 Petro 3:10

Shi Nuŋtsɔ lɛ Gbi lɛ baaba tamɔ julɔ, ni no mli lɛ ŋwɛi lɛ aaaho aya kɛ gbɛɛmɔ, ni je nɛɛ mli shishijeenii lɛ aaashã ni amɛaatserɛ, ni shikpɔŋ kɛ emli nii lɛ aaashã.

2 Petro 3:4

ni amɛaakɛɛ, “Nɛgbɛ ebaa lɛ he shiwoo lɛ yɔɔ? Ejaakɛ kɛjɛ beyinɔ ni tsɛmɛi lɛ tee yawɔwɔi nɛɛ, bɔ ni nibii fɛɛ yɔɔ kɛjɛ jeŋbɔɔ shishijee mli lɛ, nakai nɔŋŋ amɛyɔɔ nɛɛ.”