Amos 5:16 - ŊMALƐ KRƆŊKRƆŊ LƐ

^16-17 No hewɔ lɛ, nɔ ni Yehowa, Taiatsɛ, ni ji Nuŋtsɔ lɛ, kɛɔ ji akɛ, “Abaawo yara yɛ blohui fɛɛ amli, ni aaabolɔ, ‘Ao, ao!’ Kɛnyiɛ gbɛjegbɛi lɛ anɔ. Abaatsɛ okwaafoi koni amɛbaye ŋkɔmɔ, ni abaatsɛ mɛi ni le yara nɔ yaafo jogbaŋŋ hu koni amɛbafo. Abaawo yara yɛ wain trom fɛɛ wain trom mli ejaakɛ matsɔ̃ nyɛteŋ kɛho kɛgbala nyɛ toi,” Yehowa kɛɛ.

Ṅmãle̱ Kroṅkroṅ Le̱

¹⁶ Nohewo̱ le̱ boni Iehowa, Zebaot Nuṅtšo̱ Nyoṅmo̱ le̱, kē̱ ne̱: Blohũiaṅ fẽ le̱ yāfó so̱ṅṅ yo̱, ni gbe̱dšegbe̱i ano̱ fẽ le̱ ame̱kē̱o̱ ake̱: Ao! ao! ni atšé̱o̱ okwāfonyo ni ebaye ṅko̱mo̱, ke̱ mei ni le yāfó dšogbāṅ ní ame̱bafó.

Amos 5:16 ပူးပေါင်းရင်းမြစ်များ

2 Kronika 35:25

Gbalɔ Yeremia fo yaafo lala, ni ekɛfo Maŋtsɛ Yosia. Kɛjɛ no sɛɛ lɛ, hii kɛ yei lalatsɛmɛi fɛɛ tsĩɔ Yosia tã yɛ amɛyaafo lalai amli kɛ ŋmɛnɛ. Kɛkɛ ni nii nɛɛ tsɔ̃ kusum ni bakã shi kɛbashi ŋmɛnɛ yɛ Israel. Yeremia yaafo lala nɛɛ fata Yaafo Lalai Awolo lɛ mli lalai lɛ ahe.

Yesaia 15:8

Ejaakɛ Moab husui anaa fɛɛ lɛ yaafo sɔŋŋ. Yaafo lɛ shɛ Eglaim kɛ Beer-Elim tɔ̃ɔ,

Yesaia 22:12

Nakai gbi lɛ Nuŋtsɔ Nyɔŋmɔ, Taiatsɛ lɛ, tsɛ koni nyɛfo ni nyɛye ŋkɔmɔ ni nyɛshɛshɛɛ nyɛyi ni nyɛmia kɛ kpekpe.

Yeremia 30:5

“Minu tsuifãa blɔmɔ he, gbeyeishemɔ blɔmɔ ni, ejeee hejɔlɛ blɔmɔ.

Yeremia 4:31

Ejaakɛ minu yoo ni miikɔmɔ he. Kɔ̃ɔmɔ lɛ tamɔ yoo ni baafɔ ekromɔbi kɔ̃ɔmɔ. Yerusalɛm ni tsui miisu lɛ gbee ni; ni ekpã enijiaŋ eebo akɛ, ‘Kpoo hã mi! Miinyɔ yɛ mɛi ni gbeɔ mi ahiɛ.’ ”

Yeremia 9:10

Kɛkɛ ni mikɛɛ akɛ, “Mawo yara mafo gɔji lɛ waa, ni maye ŋkɔmɔ yɛ ŋa nɔ kooloi aniyelihei lɛ ahewɔ, ejaakɛ jɛi fɛɛ eŋãla, ni mɔ ko tsɔ̃ɔɔ jɛi kɛhooo dɔŋŋ. Anuuu tsinai agbee yɛ jɛi; ni jwɛiaŋ loofɔji kɛ kooloi tete ejo foi kɛshi jɛi amɛtee.”

Yeremia 9:16

Mibagbɛ amɛ mashwã maji anɔ, hei ni amɛ kɛ amɛtsɛmɛi lɛ tete leee; mahã henyɛlɔi afã klante kɛnyiɛ amɛsɛɛ kɛyashi beyinɔ ni maplenee amɛ kwraa.”

Hosea 4:3

Enɛ hewɔ lɛ, shikpɔŋ lɛ nɔ baagbi, ni enɔ nibii fɛɛ baagboi. Ŋaŋ kooloi kɛ loofɔji kɛ nuŋ loi tete baagboi.”

Yoel 1:11

Nyɛ okwaafoi, nyɛyea ŋkɔmɔ. Nyɛ waintromkwɛlɔi, nyɛwoa yara yɛ ŋmaa kɛ akoko hewɔ, ejaakɛ ŋmɔshinii lɛ hiɛ ekpãtã.

Yoel 1:14

Nyɛfãa koni ahi ŋmaa krɔŋkrɔŋ, nyɛtsɛa kpee hu. Nyɛbuaa onukpai lɛ kɛ shikpɔŋ lɛ nɔ bii fɛɛ anaa kɛyaa Yehowa nyɛNyɔŋmɔ lɛ we lɛ, ni nyɛbolɔa nyɛtsɛa lɛ.

Yoel 1:15

Yehowa gbi lɛ eshɛ shi etã! Gbi ni Ofe lɛ kɛ hiɛkpãtãmɔ baa lɛ, nakai gbi lɛ baafee gbeyei!

Yoel 1:8

Wo yara tamɔ oblayoo ni foɔ eblayeiaŋ wu.

Amos 3:13

Nuŋtsɔ Nyɔŋmɔ, Taiatsɛ lɛ, kɛɛ akɛ, “Nyɛboa toi, ni nyɛkɛa Yakob shwiei lɛ

Amos 5:27

ni mahã aŋɔ nyɛ nom kɛya Damasko sɛɛ.” Nɔ ni Yehowa, mɔ ni gbɛi ji Taiatsɛ lɛ, kɛɛ nɛ.

Amos 8:10

Mahã gbii juji ni nyɛyeɔ lɛ atsɔ̃ yarafeemɔ, ni lalai kɛ ŋɔɔmɔ ni nyɛlaa lɛ baatsɔ̃ yaafo. Nyɛbaabumɔ kpekpe, ni nyɛaashɛshɛɛ nyɛyi, ni nyɛbaatsɔ̃mɔ tamɔ fɔlɔi ni miiye amɛbi koome ni egbo he awerɛho. Nakai gbi lɛ naagbee mli baajoo pam.

Amos 8:3

Nakai gbi lɛ, lalai ni amɛlaa yɛ Sɔlemɔ we lɛ mli lɛ baatsɔ̃ yara ni awo. Gbɔmɛi babaoo baaplene, ni abaashɛrɛ gbohii ashwie hei fɛɛ nigii, shi mɛi baafee diŋŋ kɛkwɛ.”

Mika 1:8

Kɛkɛ ni Mika kɛɛ, “Enɛ hewɔ lɛ, maye ŋkɔmɔ ni mawo yara; manyiɛ pasaa kɛ mihe yayai. Mawo yara tamɔ ŋaŋgbei, ni maye ŋkɔmɔ tamɔ okpɔŋɔ loofɔlɔ,

Mika 2:4

Kɛji nakai be lɛ shɛ lɛ, mɛi kɛ nyɛsane lɛ aaabu abɛ, ni amɛaala nijiaŋwujee lala amɛkɛɛ akɛ, ‘Wɔhiɛ ekpãtã kwrakwra! Yehowa ehe wɔshikpɔŋ lɛ yɛ wɔdɛŋ; ni ekɛhã mɛi ni ŋɔ wɔ nom lɛ, ni eja wɔŋmɔji ehã mɛi ni ŋɔ wɔ nom lɛ.’ ”

Kpojiemɔ 18:10

Ni amɛaakɛɛ, “Ao! Ao! Maŋ kpeteŋkple lɛ, Babilon, maŋ ni he wa lɛ! Ejaakɛ ŋmɛlɛtswaa kome mli ni okojomɔ eba nɛɛ!”

Kpojiemɔ 18:19

Ni amɛkɛ mlu wo amɛyiteaŋ, ni amɛkɛ yaafo kɛ ŋkɔmɔyeli bo amɛkɛɛ, “Ao! Ao! Maŋ kpeteŋkple lɛ ni emli mɛi fɛɛ ni yɔɔ lɛji yɛ ŋshɔ hiɛ lɛ tsɔ̃ eninamɔ lɛ nɔ amɛfee niiatsɛmɛi lɛ! Ejaakɛ ŋmɛlɛtswaa kome mli ni fɛɛ ebɔ lɛ nɛɛ!”