Amos 5:13 - ŊMALƐ KRƆŊKRƆŊ LƐ

¹³ No hewɔ lɛ, mɔ ni le nii lɛ, efeɔ diŋŋ nɛkɛ be mli, ejaakɛ be lɛ be fɔŋ ni.

Ṅmãle̱ Kroṅkroṅ Le̱

¹³ Nohewo̱ le̱ moni dši hĩetẽlo̱ le̱, nakai be le̱ mli le̱ efeo̱ diṅṅ; edšake̱ be fõṅ ni.

Amos 5:13 ပူးပေါင်းရင်းမြစ်များ

2 Maŋtsɛmɛi 18:36

Shi maŋbii lɛ etswaaa amɛsɛŋ, ni amɛfooo edaaŋ; ejaakɛ Maŋtsɛ Hezekia ewo amɛ kitã akɛ, “Nyɛkafoa edaaŋ!”

Hiob 32:16

Ni esa akɛ mimɛɔ ejaakɛ amɛwieee; amɛdamɔ shi diŋŋ ni amɛhãaa wiemɔ ko hetoo dɔŋŋ?

Lalai 38:14

Hɛɛ! Mitamɔ mɔ ko ni nuuu nii, mɔ ni nyɛɛɛ sane po naa ejie.

Jajelɔ 3:7

Be yɛ ni atserɛɔ nii amli, ni be hu yɛ ni akpɛɔ nii; be yɛ ni afeɔ dioo, ni be hu yɛ ni awieɔ.

Jajelɔ 9:12

Ejaakɛ gbɔmɔ adesa leee ebe. Kɛji be lɛ banina lɛ trukaa lɛ, etsɔ̃ɔ tamɔ faaŋ loo ni ahiɛ, loo loofɔji ni akɛ tsɔne edu amɛ.

Yesaia 36:21

Shi Yerusalɛmbii lɛ etswaaa amɛsɛŋ, ni amɛfooo edaaŋ, ejaakɛ shi ni Maŋtsɛ Hezekia ewo amɛ ji, “Nyɛkahãa lɛ hetoo ko kwraa.”

Yesaia 37:3

Amɛyakɛɛ lɛ akɛ, bɔ ni Hezekia kɛɛ nɛ, “Haomɔ kɛ ahorabɔɔ kɛ hiɛshishwiemɔ gbi ji ŋmɛnɛ gbi nɛɛ. Wɔtsɔ̃ tamɔ yoo ni fɔmɔ eshɛ elagbaŋ, shi ebɛ hewalɛ ni ekɛbaafɔ.

Hosea 4:4

Yehowa kɛɛ akɛ, “Mɔ ko akashwa mɔ ko, ni mɔ ko akakã mɔ ko hiɛ hu, ejaakɛ nyɛ, Osɔfoi lɛ, nyɛ moŋ ji mɛi ni mikɛyɔɔ sane.

Amos 6:10

Ni kɛji mɛi ni egbo lɛ eko wekunyo, mɔ ni fuɔ lɛ, baaba koni ebawo gbonyo lɛ kɛje shĩa lɛ, wekunyo nɛɛ baabi mɔ ni yɔɔ shĩa lɛ mli akɛ, “Ani eshwɛ mɔ ko lolo hɔ shĩa lɛ mli fata ohe lo?” Mɔ lɛ aaahere nɔ akɛ, “Dabida!” Gbonyo lɛ wekunyo lɛ baakɛɛ akɛ, “Feemɔ diŋŋ. Wɔkwɛ jogbaŋŋ ni wɔkatsi Yehowa gbɛi tã.”

Mika 2:3

No hewɔ lɛ, bɔ ni Yehowa kɛɔ nɛ, “Mito ni mibahã sane fɔŋ aye nyɛ ni nyɛnyɛŋ enaa foi nyɛjo; amanehulu baaba nyɛnɔ, ni nyɛnyɛŋ nyɛnyiɛ kɛ nyɛhetsɔ̃ɔmɔ.

Habakuk 3:16

Minu enɛɛmɛi, ni mihe kpokpo; gbɛɛmɔ lɛ hã minaabu jo bliblibli. Mikpɔiaŋ fee gbedee, ni minaji tɔ̃tɔ̃ yɛ shikpɔŋ. Mibata shi kpoo mamɛ gbi ni abaahao mɛi ni baa koni amɛkɛ maŋ lɛ abawu lɛ.

Efesobii 6:13

No hewɔ lɛ, nyɛkɔlɔa Nyɔŋmɔ tawuunii lɛ fɛɛ, koni nyɛnyɛ amɛnaa nyɛkpee yɛ gbi fɔŋ lɛ nɔ, ni be ni nyɛgbe fɛɛ naa lɛ nyɛnyɛ shi nyɛdamɔ.

2 Timoteo 3:1

Shi na enɛ ole akɛ naagbee gbii lɛ amli lɛ jaramɔ bei baaba.