Amos 5:11 - ŊMALƐ KRƆŊKRƆŊ LƐ

¹¹ Akɛni nyɛnaanaa ohiafo nɔ, ni nyɛtsuɔ lɛ abele onia fe bɔ ni sa hewɔ lɛ, nyɛkɛ tɛ ni ako emamɔ shĩai; shi moŋ nyɛhiŋ amɛmli; ni nyɛfeefee wain tromi fɛɛfɛji moŋ, shi nyɛnuŋ amɛmli wain.

Ṅmãle̱ Kroṅkroṅ Le̱

¹¹ Nohewo̱ le̱ ake̱-ni nyenāa ohĩafo no̱ ni nyetšũo̱le̱ able onĩa hewo̱ le̱, nyeke̱ te̱i ni ako emãmo̱ mõdši moṅ, ši *nyehĩṅ mli; nyefe weintromĩ fe̱fe̱dši moṅ, ši nyenuṅ ame̱mli wein! *Zef. 1,13.

Amos 5:11 ပူးပေါင်းရင်းမြစ်များ

Hiob 20:19

ejaakɛ ewa ohiafoi ayi, ni ekwa amɛ, ni shĩa ni jeee lɛ ema lɛ, eshɔ̃ɔ ekãa naa.

Yesaia 16:10

Nyamɔ kɛ miishɛɛ etã yɛ ŋmɔji lɛ amli, ni alaaa yɛ waintromi lɛ amli lɛ, abɔɔɔ oshe yɛ jɛi; wainŋalɔ ko eŋaaa wain lɛ, lala emu shi kɔ̃i yɛ jɛi.

Ezekiel 26:12

Ohenyɛlɔi lɛ baaha ojwetrii kɛ oguɔ nii ni oyɔɔ lɛ, amɛbaakumɔ ogbogboi lɛ, ni amɛbaafite oshĩai fɛɛfɛji lɛ; ni tɛi lɛ kɛ tsei lɛ kɛ sũ lɛ tete amɛbaaloo amɛyawo ŋshɔ mli.

Ezekiel 34:21

Akɛni nyɛkɛ nyɛkɔ̃ji tsirɛɔ toi lɛ; ni nyɛkɛ nyɛkoji hɛlɛɔ amɛmli helatsɛmɛi lɛ kɛyashiɔ nyɛgbɛɔ kui enyɔ lɛ fɛɛ nyɛshwãa majiasɛɛ

Hosea 9:2

Biɛ be kukuoo mli lɛ abele kɛ mu lɛ shɛŋ nyɛnaa, ni anaŋ wain hu.

3 Mose 26:16

mi hu nɔ ni mibafee nyɛ nɛ: Mibahã tsuifãa saji abahɛŋ nyɛ trukaa, ni wɔlɔmɔ kɛ atridii ni hãa hiŋmɛi fiteɔ, ni etãa gbɔmɔtso loo baaye nyɛ. Nyɛbaagbo deŋme yaka nyɛdu nii ejaakɛ nyɛhenyɛlɔi moŋ baaba abaye.

Amos 2:6

Bɔ ni Yehowa kɛɛ nɛ, “Tɔ̃mɔi babaoo ni Israelbii etɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ amɛhɔ̃ɔ jalɔi amɛhe jwiɛtɛi, ni ohiafo lɛ amɛhɔ̃ɔ lɛ tokota jara naa.

Amos 2:7

Amɛnaanaa ohiafoi ayitsei anɔ yɛ shikpɔŋ mlu mli, ni amɛtsirɛɔ mɛi ni ehao kɛyaa gbɛsɛɛ. Mɔ kɛ lɛ diɛŋtsɛ etsɛ fɛɛ kɛ oblayoo kome lɛ nɔŋŋ naa bɔlɛ, ni amɛkɛbuleɔ migbɛi krɔŋkrɔŋ lɛ.

Amos 3:15

Shĩa ni ama ato fɛ̃i be kɛ nɔ ni ama ato latsaa be hu mibakpãtã fɛɛ hiɛ shi kome; shĩai ni akɛ shuɔ wu esaa amɛmli fɛɛ baatsɔ̃ amaŋfɔ̃; ni shĩa wulu fɛɛ shĩa wulu hiɛ baakpãtã,” Yehowa kɛɛ.

Amos 3:9

Kɛɛmɔ mɛi fɛɛ ni yɔɔ Ashdod kɛ Ijipt mɔji lɛ amli lɛ akɛ, “Nyɛyabuaa nyɛhe naa yɛ Samaria gɔji lɛ anɔ koni nyɛkwɛa basabasa ni afeɔ kɛ niseniianii ni yaa nɔ yɛ Samaria.”

Amos 4:1

Nyɛ Samaria yei ni nyɛshwishwii tamɔ Bashan tsinayei ni yɔɔ Samaria gɔji anɔ lɛ, nyɛboa wiemɔ nɛɛ toi. Te nyɛwaa ohiafoi ayi, ni nyɛshwishwiaa mɛi ni efĩ amɛ shi, ni nyɛkɛɔ nyɛwumɛi lɛ akɛ, “Nyɛyataoa nɔ ni wɔɔnu kɛba!”

Amos 6:11

Ejaakɛ Yehowa efã ni shĩa wulu fɛɛ shĩa wulu baawule butuu, ni shĩa bibioo hu baajwa.

Amos 6:12

Ani okpɔŋɔ joɔ foi yɛ tɛsaa nɔ, aloo akɛ tsinahii huɔ yɛ ŋshɔ mli? Shi nyɛhã jalɛ etsɔ̃ ebɔɔ, ni jalɛ yibii etsɔ̃ taatso.

Amos 8:4

Nyɛboa toi, nyɛ mɛi ni nyɛnaanaa mɛi ni efi amɛ lɛ anɔ, ni nyɛkpãtãa ohiafoi ahiɛ yɛ shikpɔŋ lɛ nɔ.

Amos 9:14

Mibakpale mimaŋ Israelbii lɛ kɛjɛ nomŋɔɔ mli kɛba koni amɛbasaa amɛmaji ni efee koikoi lɛ ni amɛhi mli ekoŋŋ; amɛaafee wain tromi ni amɛaanu amɛmli wain; ni amɛaahu abɔi ni amɛaaye abɔi lɛ amli nii.

Mika 1:6

No hewɔ lɛ, Yehowa kɛɛ, “Mahã Samaria akumɔ abua shi yɛ ŋa kplanaa lɛ nɔ tamɔ he ko ni atɛoɔ waintsei yɛ. Matsi egbogbo koi lɛ mawo jɔɔ lɛ mli, ni mahã tɛi ni akɛto maŋ lɛ gbogboi lɛ ashishi lɛ ahe akã.

Mika 2:2

Amɛhiɛ kɔ̃ɔ ŋmɔji anɔ, ni amɛshɔ̃ɔ; amɛhiɛ kɔ̃ɔ shĩai anɔ, ni amɛŋɔɔ. Mɔ ko mɔ ko gboshinii kɛ ewe fɛɛ bɛ shweshweeshwe.

Mika 6:15

Nyɛaadu nii, shi nyɛkpaŋ eko. Nyɛaaŋa mu, shi nyɛnaŋ mu nyɛkpa, ni nyɛaaŋa wain hu, shi nyɛnuŋ wain.

Zefania 1:13

Abaaha amɛjarayeli nibii, ni amɛshĩai hu baatsɔ̃mɔ amaŋfɔ̃. Amɛaamamɔ tsui nɛ, shi amɛwɔŋ mli, ni amɛaafee waintromi, shi amɛnuŋ amɛmli wain lɛ eko.”

Hagai 1:6

Nyɛduɔ nii babaoo, shi fioo pɛ nyɛnaa nyɛkpaa. Nyɛyeɔ nii, shi nyɛtɔrɔɔɔ; ni nyɛnuɔ dãa shi nyɛtɔrɔɔɔ dãa. Nyɛbuɔ mama, shi mɔ ko mɔ ko he efeee kulɔɔ. Ni mɔ ni yeɔ apaa ni awoɔ lɛ nyɔmɔ hu lɛ, ekɛwoɔ kotoku ni shishi egbulɔ mli.”

Maleaki 1:4

Kɛji Esau shwiei, ni ji Edombii, lɛ kɛɛ akɛ, “Akpãtã wɔhiɛ moŋ, shi wɔbaaku wɔsɛɛ kɛya ni wɔyasaa wɔtswa wɔtsui ni efee koikoi lɛ,” no lɛ Yehowa baato he akɛ, “Amɛbaanyɛ amɛsaa tsui lɛ amɛmamɔ nɛ, shi mi hu makumɔ tsui lɛ mashwie shi kɛyaashi mɛi aaatsɛ amɛ akɛ, ‘Maŋ gbonyo ni Yehowa mli efu amɛ kɛmiiya naanɔ nɛ.’ ”

5 Mose 28:30

“Oootsɛ yoo he baa, shi nuu kroko moŋ ni kɛ lɛ aaawɔ; oooma tsu, shi owɔŋ mli; ni ooofee waintrom, shi oyeŋ emli yibii.

Yakobo 2:6

Ni nyɛ lɛ nyɛshwieɔ ohiafo lɛ hiɛ shi. Ani jeee niiatsɛmɛi lɛ yeɔ nyɛnɔ waa, ni amɛ nɔŋŋ amɛgbalaa nyɛ kɛyaa kojomɔhei lɛ?