Amos 4:7 - ŊMALƐ KRƆŊKRƆŊ LƐ

⁷ “Asaŋ be ni eshwɛ nyɔji etɛ̃ ni akɛkpaa ŋmɔshinii lɛ tete mihãaa nu anɛ nyɛ. Mihã nu nɛ maŋ kome ko nɔ, shi mihãaa enɛ maŋ ko hu nɔ. Nu nɛ ŋmɔ ko shi, ni nu enɛɛɛ ŋmɔ ko hu shi, no hewɔ lɛ, ŋmɔ ni enɛɛɛ mli lɛ mli nii ŋala.

Ṅmãle̱ Kroṅkroṅ Le̱

⁷ Ni asaṅ, beni eſe̱ nyõdši etẽ ni akpaä nii le̱, *mihãã nyoṅmo̱ ane̱nye, ni mihã nyoṅmo̱ ne̱ maṅ kome no̱, ši mihãã ene̱ maṅ kroko le̱ no̱: ene̱ ṅmõ kome no̱, ni ṅmõ ní ene̱e̱ no̱ le̱ mli nii ṅălã. *1 Maṅ. 17,1.

Amos 4:7 ပူးပေါင်းရင်းမြစ်များ

2 Mose 10:22

Mose kpã enine mli kɛtee ŋwɛi, kɛkɛ ni duŋ kpii wo yɛ Ijipt shikpɔŋ lɛ nɔ fɛɛ gbii etɛ̃.

2 Mose 10:23

Duŋ nɛɛ wo bɔ ni mɔ ko mɔ ko enaaa enaanyo, ni mɔ ko mɔ ko shiii he ni duŋ lɛ banina lɛ yɛ lɛ kɛyashi gbii etɛ̃. Shi jeŋ tse heŋŋ yɛ Israelbii lɛ ashihilɛhei lɛ.

2 Mose 8:22

Nakai gbi lɛ matɛ̃ Goshen shikpɔŋ lɛ ni mimaŋ lɛ yɔɔ nɔ lɛ mashi, koni ofɔii lɛ akaya jɛi, bɔ ni afee ni ole akɛ mi ji Yehowa yɛ shikpɔŋ lɛ fɛɛ nɔ.

2 Mose 9:26

Shi Goshen shikpɔŋ lɛ nɔ, he ni Israelbii lɛ yɔɔ lɛ, kɛkɛ ji he ni nyɔŋmɔŋtɛi nɛɛ eko enɛɛɛ yɛ.

2 Mose 9:4

Shi Yehowa aaahã srɔto aba Israelbii akooloi kɛ Ijiptbii akooloi ateŋ, ni Israelbii akooloi lɛ ateŋ eko eko gboŋ.’

Yesaia 5:6

Mibahã emli atsa; akpɔlɔŋ emli tsei lɛ ahe, ni ahuŋ he; kpitikpitii kɛ ŋmeii baatsa yɛ mli. Mibawo atatui lɛ kitã akɛ amɛkanɛ nu amɛshwie nɔ.”

Yeremia 14:22

Ani majimaji lɛ alagbãalagbã wɔji lɛ ateŋ eko nyɛɔ ehãa nu nɛɔ? Loo ŋwɛi tete nyɛɔ lɛ diɛŋtsɛ ehãa nu nɛɔ? Ao! Yehowa, wɔNyɔŋmɔ, bo pɛ gbɛ wɔkwɛɔ, ejaakɛ bo pɛ otsuɔ enɛɛmɛi fɛɛ kwa.

Yeremia 14:3

Emaŋ abladei lɛ tsuɔ amɛtsuji lɛ faŋŋ; amɛyashɛɔ nubui lɛ anaa, shi amɛnaaa nu; ni amɛkuɔ amɛsɛɛ kɛbaa; kɛ amɛgbɛi foji; amɛhiɛ gboiɔ, amɛluɔ ni amɛhaa amɛyiteiaŋ.

Yeremia 14:4

Akɛni nu enɛɛɛ, ni shikpɔŋ egbi keketee hewɔ lɛ, okwaafoi ahiɛ egboi; no hewɔ lɛ, amɛkɛ amɛnine etsi amɛhiɛ.

Yeremia 3:3

No hewɔ ni atsi nunɛmɔ naa; ni gbo nu enɛɛɛ nɛɛ; shi ohiɛ yoo ajwamãŋ hiŋmɛi lolo, ni ohiɛ gbooo he.

Yoel 2:23

“Nyɛ Zionbii, nyɛmli afilia nyɛ yɛ nɔ ni nyɛNyɔŋmɔ lɛ efee ehã nyɛ lɛ hewɔ. Ehã nu enɛ ehã nyɛ bɔ ni sa, ehã Gbo kɛ Agbiɛnaa enɛ ehã nyɛ tamɔ efeɔ daa lɛ.

Zakaria 14:17

Kɛji maŋ ko yɛ ni emli bii lɛ eyaaa Yerusalɛm koni amɛyaja maŋtsɛ, Yehowa Taiatsɛ lɛ, nu enɛŋ amɛ.

Yohane 4:35

Ani nyɛkɛɛɛ akɛ, ‘Eshwɛ nyɔji ejwɛ ni abelekuumɔbe lɛ shɛɔ?’ Naa, miikɛɛ nyɛ akɛ, nyɛwoa nyɛhiɛ nɔ ni nyɛkwɛa ŋmɔji lɛ bɔ ni amɛgba futaa momo ni sa kpamɔ.

1 Korintobii 4:7

Shi namɔ buɔ bo akɛ esoro bo? Ni asaŋ, mɛni oyɔɔ ni jeee hã ahã bo? Shi kɛji hã ahã bo lɛ, mɛɛba oshwãa tamɔ nɔ ni jeee hã ahã bo lɛ?

5 Mose 11:17

Kɛji nyɛfee nɛkɛ nɔ ko lɛ, Yehowa mli baafu nyɛ, ni ebaatsi nu naa, ni nu enɛŋ, ni shikpɔŋ lɛ baŋ nii, ni nyɛhiɛ baakpãtã oya yɛ shikpɔŋ kpakpa ni Yehowa kɛhã nyɛ lɛ nɔ.

Yakobo 5:17

Elia ji gbɔmɔ adesa tamɔ wɔ nɔŋŋ, ni esɔle sɔlemɔ ko koni nu akanɛ, ni nu enɛɛɛ yɛ shikpɔŋ lɛ nɔ afii etɛ̃ kɛ nyɔji ekpaa sɔŋŋ.

Kpojiemɔ 11:6

Mɛnɛɛmɛi yɛ hegbɛ akɛ amɛŋaa ŋwɛi naa, koni nu akanɛ yɛ amɛgbalɛ bei lɛ amli; ni amɛyɛ hegbɛ hu yɛ nui lɛ anɔ akɛ amɛhãa etsɔ̃ɔ lá, ni amɛkɛ haomɔ fɛɛ haomɔ haoɔ shikpɔŋ lɛ shii abɔ ni amɛsumɔɔ.