Amos 4:6 - ŊMALƐ KRƆŊKRƆŊ LƐ

⁶ “Mi, mihã hɔmɔ ye nyɛ, ni daaŋtaa bɔ nyɛ yɛ nyɛmaji lɛ amli lɛ; aboloo hɔmɔ ye nyɛ, shi fɛɛ sɛɛ lɛ nyɛkpaleko kɛbako miŋɔɔ.” Yehowa kɛɛ.

Ṅmãle̱ Kroṅkroṅ Le̱

⁶ Ni mi hũ mihãnye nyãnyõdši ano̱ tšemo̱ ye̱ nyemãdši fiā-kwa mli, ke̱ abolo hõmo̱ ye̱ nyehĩle̱hei le̱ fẽ; ni kẽle̱ nyekpaleko ke̱-bako miṅõ! Iehowa kē̱.

Amos 4:6 ပူးပေါင်းရင်းမြစ်များ

1 Maŋtsɛmɛi 17:1

Gbalɔ ko ni gbɛi ji Elia, Tishbinyo ni ejɛ Gilead, lɛ kɛɛ Maŋtsɛ Ahab akɛ, “Miikɛɛ bo, yɛ Yehowa, Israel Nyɔŋmɔ hiɛkãalɔ lɛ, mɔ ni misɔ̃mɔɔ lɛ, gbɛi mli akɛ bɔ enyɔŋ, ni nu hu enɛŋ kɛyashi biɛ afii enyɔ loo afii etɛ̃, bɛja mi, miwie dã.”

1 Maŋtsɛmɛi 18:2

No hewɔ lɛ, Elia yi mli etee koni ekɛ ehe ayatsɔ̃ɔ Ahab. Hɔmɔ lɛ naa wa naakpa yɛ Samaria.

2 Maŋtsɛmɛi 4:38

Be ni Elisha ku esɛɛ eba Gilgal ekoŋŋ lɛ, no mli lɛ hɔmɔ eba shikpɔŋ lɛ nɔ. Gbi ko be mli ni gbalɔi aku lɛ mli bii tara shi lɛ, ekɛɛ etsulɔ lɛ akɛ, “Ŋɔɔ kukwɛi wulu lɛ oma la nɔ, ni ohoo nii ohã gbalɔi nɛɛ.”

2 Maŋtsɛmɛi 8:1

Agbɛnɛ, Elisha ekɛɛ yoo lɛ ni etsiɛ̃ ebi lɛ hiɛ lɛ akɛ, “Tee shi, bo kɛ owe lɛ fɛɛ, ni oya koni oyato gbɔ yɛ he fɛɛ he ni ooona; ejaakɛ Yehowa baahã hɔmɔ aba shikpɔŋ lɛ nɔ afii kpawo.”

2 Kronika 28:22

Shi efimɔ be nɛɛ mli lɛ Maŋtsɛ Ahaz kã he moŋ egbo Yehowa nɔ toi fe tsuutsu lɛ.

Yesaia 26:11

Ao Yehowa, owo onine nɔ, shi kɛ̃lɛ amɛnaaa. Hã amɛna joomɔ ni ojoɔ yɛ omaŋbii ahe lɛ koni amɛhiɛ agboi. Hã la ni oto hã ohenyɛlɔi lɛ akpãtã amɛhiɛ.

Yesaia 3:1

Naa, Nuŋtsɔ Yehowa, Taiatsɛ lɛ, baajie mɔ fɛɛ mɔ kɛ nɔ fɛɛ nɔ ni Yerusalɛm kɛ Yuda kpasa akɛ sɛɛtso lɛ kɛya. Ebaajie amɛdaaŋ ŋmãa, ni ebaahã amɛye nuhɔmɔ.

Yesaia 9:12

Siriabii miijɛ bokãgbɛ, ni Filistibii hu miijɛ anaigbɛ amɛba kɛ amɛdaaŋ ni amɛgbɛ hatoo amɛkɛbami Israel. Kɛ̃lɛ fɛɛ sɛɛ lɛ Yehowa mlifu lɛ naa ejɔŋ; etoigbalamɔ nine lɛ ekpã mli lolo.

Yesaia 9:13

Israelbii lɛ kpaleee amɛbaaa mɔ ni gbala amɛtoi lɛ ŋɔɔ lɛ, amɛtaooo Yehowa, Taiatsɛ lɛ, sɛɛgbɛ.

Yeremia 14:18

Kɛji miyiŋ mitee ŋa lɛ nɔ lɛ, naa, gbohii ni enyɔnyɔɔi yɛ ta mli, kɛji miku misɛɛ kɛba maŋ lɛ mli lɛ, naa, gbɔmɛi ni hɔmɔ egbe amɛ. Ni gbalɔi lɛ kɛ osɔfoi lɛ miitsu amɛnitsumɔi lɛ yɛ shikpɔŋ lɛ nɔ nɛ; shi amɛleee nɔ ni amɛfeɔ lɛ.”

Yeremia 5:3

Ao, Yehowa, aso jeee anɔkwayeli gbɛ okwɛɔ kɛjɛ amɛdɛŋ? Otswia amɛ nii, shi ewaaa amɛhe. Oplenee amɛ, shi amɛkɛkaseee nii. Amɛkpliŋ amɛtsui moŋ fe kũatɛ, ni amɛmiii tsuitsakemɔ.

Ezekiel 14:21

Bɔ ni Nuŋtsɔ Yehowa kɛɛ nɛ, “Te eeetamɔ tɛŋŋ kɛji miha nibii ejwɛ ni mikɛgbalaa toi, ni ji klante kɛ hɔmɔ kɛ kooloi awuiyelɔi kɛ gbele hela lɛ ba Yerusalɛm, ni miha amɛkpãtã gbɔmɛi kɛ kooloi ahiɛ yɛ mli?

Ezekiel 16:27

“Naa, agbɛnɛ, mite shi miwo bo, ni magbala otoi; ni mitse nɔ ni ji ogbɛfaŋnɔ lɛ nɔ. Mikɛ bo hã ohenyɛlɔi fulɔi ni ji Filistibii lɛ abiyei lɛ ni hiɛ gboɔ yɛ onifɔɔji anifeemɔi lɛ ahe lɛ.

Hosea 11:5

“Amɛaaku amɛsɛɛ kɛaatee Ijipt shikpɔŋ lɛ nɔ, ni Asiria aaaye amɛnɔ, ejaakɛ amɛkpɛlɛ̃ɛɛ akɛ amɛkpaleɔ kɛbaa miŋɔɔ.

Hosea 5:15

“Mibagbala mihe shi mashi amɛ kɛyaashi amɛaakpɛlɛ̃ amɛtɔ̃mɔ nɔ, ni amɛaabatao misɛɛgbɛ. Ekolɛ fimɔ be lɛ mli lɛ amɛaatao mi.”

Yoel 1:16

Bɛ wɔhiŋmɛi kã nɔ nɛkɛ nɔŋŋ ni akpãtãa wɔniyenii hiɛ, ni nyamɔ kɛ mliflimɔ hu sɛɛ efo yɛ Nyɔŋmɔ We lɛ?

3 Mose 26:23

“Kɛji yɛ nɛkɛ toigbalamɔ nɛɛ hu fɛɛ sɛɛ lɛ nyɛtsakeee, shi nyɛtee nɔ nyɛfee nɔ ni mitaooo lɛ,

3 Mose 26:26

Mafo nyɛŋmãa ni nyɛnaa nyɛyeɔ sɛɛ lɛ; ni no baahã yei nyɔŋma ashã aboloo fɛɛ ni nyɛyɔɔ shãa lɛ yɛ flɔnɔɔ kome pɛ mli. Aboloo lɛ hu abaaŋmɛ kɛ nsɛni ahã nyɛ nyɛye; ni nyɛaaye nɛ shi nyɛtɔrɔŋ.

Hagai 2:17

Mihã hela kɛ lamɔ kɛ nyɔŋmɔŋtɛi fite nyɛninenaa nitsumɔnii fɛɛ, shi enɛ fɛɛ sɛɛ lɛ nyɛkpaleee kɛbaaa miŋɔɔ.

5 Mose 28:38

“Okɛ dumɔ wui babaoo baaya oyadu yɛ ŋmɔ mli, shi nii fioo pɛ obaana okpa kɛba, ejaakɛ baalabii aaaye tsiimɔ.

Kpojiemɔ 2:21

Ni mihã lɛ be koni ekɛtsake etsui, shi esumɔ̃ɔɔ akɛ etsake ni efɔ̃ɔ ejwamaŋbɔɔ lɛ.

Rut Wolo Lɛ 1:1

Be ko, be ni Israelbii nako ana maŋtsɛmɛi lɛ, hɔmɔ ko ba Israel shikpɔŋ lɛ nɔ. Hɔmɔ nɛɛ hewɔ lɛ nuu ko fã kɛjɛ Betlehem yɛ Yuda, ni eyiŋ etee eyato gbɔ yɛ Moab shikpɔŋ lɛ nɔ, lɛ kɛ eŋa kɛ ebihii enyɔ.