Amos 4:5 - ŊMALƐ KRƆŊKRƆŊ LƐ

⁵ Nyɛkɛ ma ni esha abashãa shidaa fɔlei lɛ, ni nyɛshiɛa kɛfoa shi akɛ nyɛshãa tsuijurɔ naa afɔlei hu, ejaakɛ nakai feemɔ ji nɔ ni ŋɔɔ nyɛnaa. Nuŋtsɔ Yehowa kɛɛ.

Ṅmãle̱ Kroṅkroṅ Le̱

⁵ Ni nyeṅõa *măša nyešāa šidā-afo̱lei; ni nyešie̱a tšuidšũrõnā-nikē ní anua! edšake̱ nakai nyesumoo̱, nye Israelbii! Nuṅtšo̱ Iehowa kē̱. *3 Mose 2,11.

Amos 4:5 ပူးပေါင်းရင်းမြစ်များ

Lalai 81:12

No hewɔ lɛ, miŋmɛɛ amɛhe koni amɛhi shi yɛ amɛtsuiwalɛ lɛ mli, koni amɛhi shi bɔ ni amɛ diɛŋtsɛ amɛsumɔɔ.

Yesaia 1:1

Ninaa ni ajie atsɔ̃ Yesaia, Amoz bi lɛ, yɛ Yuda shikpɔŋ lɛ kɛ Yerusalɛm maŋ lɛ hu he, yɛ Yuda maŋtsɛmɛi nɛɛ, Uzia kɛ Yotam kɛ Ahaz kɛ Hezekia, ayinɔ nɛ:

Yesaia 1:11

Yehowa kɛɛ, “Mɛni nyɛfɔlei babaoo lɛ ji hã mi? Shãa afɔlei ni nyɛkɛ gwantɛŋ hii shãa lɛ kɛ kooloi ni eshwishwii afɔi lɛ eje mitsine. Tsinahii kɛ gwantɛŋbii kɛ tookpakpoi alá lɛ, mitaooo dɔŋŋ.

Yeremia 7:10

kɛkɛ lɛ nyɛba nyɛbadamɔ mihiɛ yɛ mishĩa nɛɛ ni nyɛmiikɛɛ akɛ, ‘Wɔhe eje mli;’ kɛkɛ lɛ no sɛɛ lɛ nyɛtee nyɛyafee nihiinii ni mihiɔ lɛ ekoŋŋ lo?

Yeremia 7:9

Aso nyɛaaju, ni nyɛaagbe gbɔmɔ, ni nyɛaafite gbãlã, ni nyɛaakãmɔ amale kitãi, ni nyɛaashã tsofakɛŋma nyɛkɛhã Baal, ni nyɛaayaja nyɔŋmɔi krokomɛi ni nyɛleee,

Hosea 9:1

Israel, omli akafili bo, ni kaanya tamɔ wɔŋjalɔi lɛ. Ejaakɛ bo lɛ oje oNyɔŋmɔ lɛ sɛɛ, ni oyeee lɛ anɔkwa. Ohɔ̃ɔ ohe tamɔ ajwamãŋ yɛ he fɛɛ he ohã jemawɔŋ Baal lɛ, ejaakɛ osusuɔ akɛ no hãa anaa abele lɛ.

Hosea 9:10

Yehowa kɛɛ akɛ, “Klɛŋklɛŋ be ni mina Israel lɛ etamɔ wain yibii ni atoɔ lɛ ahuu yɛ ŋa nɔ. Mina nyɛtsɛmɛi lɛ tamɔ klɛŋklɛŋ yibii ni tsu yɛ agbãmi tso nɔ. Shi be ni nyɛtsɛmɛi lɛ shɛ Poer Gɔŋ le he lɛ, amɛbɔ̃i jemawɔŋ ni atsɛɔ lɛ Poer lɛ jamɔ. Enɛ hã amɛsane je migugɔŋ fu tamɔ wɔji ni amɛjaa lɛ nɔŋŋ asane.

3 Mose 23:17

Nyɛkɛ aboloo akwaabɔi enyɔnyɔɔnyɔ ni akɛŋmãa mamu kiloi enyɔ ni awo mli yiisi shã ajɛa nyɛshĩai amli kɛbaa akɛ nyɛŋmɔshi klɛŋklɛŋ nikpamɔnii ni nyɛkɛhãa Yehowa.

Amos 5:21

Miihi nyɛgbii juji lɛ; amɛjeee nɔ ko kɛhã mi; ni nyɛhe naa ni nyɛbuaa kɛjaa mi lɛ tete, mibɛ he miishɛɛ.

Amos 5:22

Nyɛshãa shãa afɔlei kɛ nyɛniyenii afɔlei tete nyɛhãa mi nɛ, shi miheee. Shidaa afɔlei ni nyɛkɛ nyɛkooloi ni eshwishwii shãa lɛ hu, mikwɛɛɛ po.

Mateo 15:9

Shi yakatswaa amɛjaa mi lɛ, Ejaakɛ amɛtsɔ̃ɔ tsɔ̃ɔmɔi ni ji gbɔmɛi akitãi.’ ”

Mateo 23:23

“Kpoo hã nyɛ, mlatsɔɔlɔi kɛ Farisifoi, osatofoi! Nyɛhãa kowɛ kɛ anisi kɛ kumino mlijaa nyɔŋmanyɔŋma, shi Mla lɛ mli nii ni he jaraa ni ji jalɛ saneyeli kɛ mɔbɔnalɛ kɛ hemɔkɛyeli lɛ nyɛshiɔ; enɛɛmɛi sa akɛ nyɛfeɔ kɛshiɔ ekrokomɛi lɛ anɔ.

Mateo 6:2

No hewɔ lɛ, kɛ oofee ejurɔ lɛ, kaashiɛ otsɔ̃ɔ mɛi, tamɔ osatofoi lɛ feɔ yɛ kpeehei lɛ kɛ blohui lɛ amli koni gbɔmɛi ajie amɛyi. Anɔkwale mikɛɔ nyɛ akɛ amɛnine eshɛ amɛnyɔmɔwoo nɔ momo.

Romabii 1:28

Ni akɛni amɛbuuu akɛ esa akɛ amɛleɔ Nyɔŋmɔ lɛ, Nyɔŋmɔ hu ŋmɛɛ amɛhe ehã jwɛŋmɔ ni esaaa koni amɛfee nibii ni esaaa;