Amos 4:4 - ŊMALƐ KRƆŊKRƆŊ LƐ

⁴ “Nyɛ Israelbii, nyɛbaa Betel nyɛbatɔ̃a mla; nyɛyaa Gilgal nyɛyahãa mlanɔtɔ̃mɔ lɛ afaa; nyɛkɛ nyɛfɔlei abaa koni ashã daa leebi; ni nyɛkɛ nyɛnibii amlijaa nyɔŋma mli ekomekome lɛ abaa daa gbii etɛ̃.

Ṅmãle̱ Kroṅkroṅ Le̱

⁴ Nyeyaä Betel, ni nyeyatõa mla! ni nyehãa mlatõmo̱ afáa ye̱ Gilgal! ni nyeke̱ nyefo̱lei le̱ abaä dā lebi; ni nyeke̱ nyenibii amlidšāi nyoṅma mli ekomekome le̱ abaä dā *gbĩĩ etẽ! *5 Mose 14,28.

Amos 4:4 ပူးပေါင်းရင်းမြစ်များ

Jajelɔ 11:9

Oblanyo, nya yɛ oblahiiaŋ; hã omii ashɛ ohe yɛ oblahiiaŋ fɛɛ; ye otsui naa sane; feemɔ nɔ ni hi yɛ ohiɛ; shi moŋ kaimɔ akɛ Nyɔŋmɔ kɛ bo baakojo yɛ nibii fɛɛ ni ofee lɛ ahewɔ.

Ezekiel 20:39

Nuŋtsɔ Yehowa kɛɛ, “Ao, nyɛ Israel we, (nyɛ lɛ kɛji nyɛboŋ mi toi lɛ, kɛjɛ kɛyaa nɛɛ lɛ) nyɛyaa ni nyɛteŋ mɔ fɛɛ mɔ ayasɔmɔ lɛ diɛŋtsɛ ewɔji lɛ; shi kɛfee sɛɛ lɛ nyɛabo mi toi kɛ̃, ni migbɛi krɔŋkrɔŋ lɛ nyɛkɛ nyɛnikeenii lɛ kɛ nyɛwɔŋjamɔ lɛ babuleŋ lɛ dɔŋŋ.”

Hosea 12:11

Shi kɛ̃lɛ aaja amãgãi yɛ Gilead; shi mɛi fɛɛ ni jaa amɛ lɛ aaagboi. Aagbe tsinai akɛmiishã afɔle yɛ Gilgal; shi afɔleshãa latɛi nɛɛ baatsɔ̃mɔ tɛi kuikui kɛkɛ yɛ amɛŋmɔjiashi akofii lɛ ateŋ.”

Hosea 4:15

“Kɛji nyɛ, Israelbii, yeee mi anɔkwa yɛ mi jamɔ mli lɛ, nakai su lɛ akabala Yuda hu. Nyɛkayaa Gilgal, ni nyɛkayaa Bet-Aven hu nyɛyajaa; ni nyɛkɛ Yehowa gbɛi lɛ akakãa kitã akɛ ‘Gbii abɔ ni Yehowa ji Nyɔŋmɔ hiɛkãalɔ nɛɛ!’

Hosea 9:15

Yehowa kɛɛ, “Amɛto amɛnifɔɔjianii lɛ fɛɛ feemɔ shishi yɛ Gilgal, ni jɛi mibɔ̃i amɛ nyɛɛ yɛ. Amɛnifeemɔnii gbohii lɛ ahewɔ lɛ mibashwie amɛ kɛje mishikpɔŋ lɛ nɔ. Misumɔŋ amɛ dɔŋŋ! Amɛlumɛi lɛ fɛɛ etse mihiɛ atua.

Amos 3:14

akɛ, gbi nɔ ni mibagbala Israelbii atoi yɛ amɛtoigbele hewɔ lɛ, mibakpãtã Betel afɔleshãa latɛi lɛ hu ahiɛ. Abaakumɔ akloŋtoi ni yɔɔ afɔleshãa latɛi nɛɛ akoji lɛ ashwie shi.

Amos 5:5

shi nyɛkataoa Betel sɛɛgbɛ, ni nyɛkayaa Gilgal hu, aloo nyɛmitse mli kɛmiiya Beersheba; ejaakɛ abaaŋɔ Gilgalbii nom, ni Betel hiɛ baakpãtã.”

Mateo 23:32

Nyɛ hu nyɛwoa nyɛtsɛmɛi lɛ asusumɔ tsene lɛ obɔ̃ mɔ!

Mateo 26:45

Kɛkɛ ni eba ekaselɔi lɛ aŋɔɔ, ni ekɛɛ amɛ akɛ, “Nyɛ lɛ nyɛhe ejɔ nyɛ ni nyɛwɔɔ nɛɛ? Naa; ŋmɛlɛtswaa lɛ eshɛ etã, ni aaŋɔ Gbɔmɔ Bi lɛ awo eshafeelɔi adɛŋ.

Marko 14:41

Ni eba nɔ ni ji shii etɛ̃, ni ekɛɛ amɛ akɛ, “Nyɛ lɛ nyɛhe ejɔ nyɛ ni nyɛwɔɔ lolo nɛɛ? Efa! Ŋmɛlɛtswaa lɛ eshɛ, naa, aaŋɔ Gbɔmɔ Bi lɛ aawo eshafeelɔi adɛŋ.

Marko 5:5

Nyɔɔŋ kɛ shwane fɛɛ lɛ, gbohii abui kɛ gɔji lɛ amli eyɔɔ, ni ebolɔɔ ni ekɛ tɛi folɔɔ ehe.

5 Mose 26:12

“Afi ni ji etɛ̃ lɛ nɔ, ni ji mlijai nyɔŋma mli ekomekome hãmɔ afi lɛ, kɛji okɛ oŋmɔshi nii mlijai nyɔŋma mli ekomekome lɛ ehã Levibii lɛ kɛ gbɔi lɛ kɛ awusãi lɛ kɛ okulafoi lɛ ogbe naa, koni amɛna nii amɛye yɛ nyɛmaji lɛ amli lɛ,