Amos 4:3 - ŊMALƐ KRƆŊKRƆŊ LƐ

³ Nyɛteŋ mɔ fɛɛ mɔ baanyiɛ kɛya ehiɛ tɛ̃ɛ, kɛyashɛ fɔji ni egbulɔ yɛ maŋ gbogboi lɛ amli lɛ ahe, ni aaahole nyɛ kɛtsɔ̃ fɔji nɛɛ amli atsirɛ ashwie Harmon,” Yehowa kɛɛ.

Ṅmãle̱ Kroṅkroṅ Le̱

³ Ni gbogboiṅfo̱dši amli nyeatšṍ ke̱-adše kpo, mofẽmo aanyie ehĩe tē̃, ni aatšire̱nye aſie Harmon, Iehowa kē̱.

Amos 4:3 ပူးပေါင်းရင်းမြစ်များ

2 Maŋtsɛmɛi 25:4

Kɛkɛ ni agbu gbɛ kɛtsɔ̃ maŋ lɛ gbogbo lɛ mli, ni maŋtsɛ lɛ kɛ etabilɔi lɛ fɛɛ jo foi nyɔɔŋ kɛtsɔ̃ agbo lɛ ni naa kã gbogboi enyɔ ni yɔɔ maŋtsɛ trom lɛ masɛi lɛ ateŋ lɛ gbɛ lɛ nɔ, ni amɛjo foi kɛtsɔ̃ Yordan Jɔɔ lɛ mli gbɛ lɛ nɔ; tsɛbelɛ Babilonbii lɛ egba kɛbɔle maŋ lɛ kɛkpe.

2 Maŋtsɛmɛi 7:15

Ni amɛtiu amɛ kɛyashɛ Yordan Faa lɛ naa tɔ̃ɔ; ni naa, gbɛ lɛ nɔ fɛɛ eyi tɔ kɛ atadei kɛ nibiinibii ni Siria tabilɔi lɛ eshɛrɛ eshwie yɛ amɛoyaiyeli lɛ mli. Bɔfoi lɛ ku amɛsɛɛ amɛba, ni amɛbabɔ maŋtsɛ lɛ amaniɛ.

Yesaia 2:20

Nakai gbi lɛ gbɔmɛi baasherɛ amɛshika amãgãi kɛ jwiɛtɛi amãgãi ni amɛfee amɛhã amɛhe ni amɛjaa lɛ amɛshwie amɛhã obishii kɛ aputupatai.

Yesaia 31:7

Ejaakɛ nakai gbi lɛ nɔ lɛ, mɔ fɛɛ mɔ baashɛrɛ ejwiɛtɛi amãgãi kɛ eshika amãgãi ni ekɛ eniji fee ni no hã nyɛfee esha lɛ eshwie.

Yeremia 52:7

Kɛkɛ ni agbu gbɛ awo maŋ gbogbo lɛ mli, ni maŋ lɛ mli hii tabilɔi lɛ fɛɛ jo foi kɛje maŋ lɛ mli nyɔɔŋ. Amɛtsɔ̃ agbo ko ni enaa kã maŋ lɛ he gbogboi enyɔ ni yɔɔ maŋtsɛ trom lɛ masɛi lɛ ateŋ lɛ mli, tsɛbelɛ Babilon tabilɔi lɛ ebɔle Yerusalɛm maŋ lɛ kɛkpe nɔŋŋ. Tabilɔi foijelɔi nɛɛ tsɔ̃ Yordan Jɔɔ lɛ mli gbɛ lɛ nɔ kɛtee.

Ezekiel 12:12

Amɛteŋ lumɔ lɛ ni yeɔ nɔ lɛ, lɛ ebaawo ejatsu etswa ekɔŋ kɛje kpo be mli ni hiɛ ebu. Ebaatsɔ̃ gbogbo ni agbu aha lɛ mli kɛje kpo. Ebaaha ehiɛ, ni ekana shikpɔŋ lɛ he ni eyaa lɛ kɛ ehiŋmɛi.

Ezekiel 12:5

Gbuu gbogbo lɛ mli yɛ amɛhiɛ koni otsɔ̃ jɛi kɛje kpo yɛ amɛhiɛ.

Amos 6:7

No hewɔ lɛ, amɛ tsutsu aaaŋɔ amɛ nom kɛaatee, ni no baahã ahoshwibɔlɔi lɛ ahoofeemɔ lɛ sɛɛ afo.

Zefania 1:18

Nakai Yehowa mlifu gbi lɛ nɔ lɛ, gbɔmɛi ajwiɛtɛi kɛ shika fɛɛ nyɛŋ amɛyiwala ahere. Emlifu ni jɛ awuŋayeli mli lɛ naa la lɛ naawalɛ baakpãtã je lɛ fɛɛ hiɛ; ejaakɛ trukaa ni eeeplene shikpɔŋ lɛ nɔ gbɔmɛi fɛɛ.

Mateo 16:26

Ejaakɛ mɛɛ sɛɛ gbɔmɔ baana, kɛji enine shɛ jeŋ muu lɛ fɛɛ nɔ, shi elaaje esusuma lɛ? Aloo mɛni gbɔmɔ kɛaahã ni ekɛkpɔ̃ esusuma lɛ?

Kojolɔi 5:17

Gilead ta shi yɛ Yordan sɛɛ, Mɛɛba Dan mɛɔ yɛ lɛji lɛ amli? Asher esɛ̃ koniŋŋ kɛta ŋshɔ lɛ naa, eta ŋshɔ blei lɛ anaa.