Amos 4:12 - ŊMALƐ KRƆŊKRƆŊ LƐ

¹² No hewɔ lɛ, Israelbii, agbɛnɛ mibagbala nyɛ toi. Ni akɛni mibafee nyɛ nakai hewɔ lɛ, nyɛsaa nyɛhe nyɛkɛkpea nyɛNyɔŋmɔ lɛ dɛŋ toigbalamɔ naa.”

Ṅmãle̱ Kroṅkroṅ Le̱

¹² Nohewo̱ le̱ bo̱ni mibafeo ne̱, Israel: ni ake̱-ni mibafeo nakai hewo̱ le̱, sāmo̱ ohe ni oke̱ o-Nyoṅmo̱ le̱ akpe, Israel!

Amos 4:12 ပူးပေါင်းရင်းမြစ်များ

Yesaia 32:11

Nyɛ yei ni nyɛhe ejɔ nyɛ, nyɛhe akpokpoa! Nyɛ mɛi ni nyɛyitsei kãmɔ nyɛyisɛɛ, nyɛhe akpokpoa! Nyɛkpɔlɔa nyɛtadei koni nyɛnyiɛ yayai koni nyɛkɔlɔa kpekpe nyɛŋmɔlɔ nyɛhɛ.

Yesaia 47:3

Aaajie oyayaiaŋ kpo, ni ohiɛgbele aaabakã shi. Matɔ owele, ni mɔ ko mɔ ko etsiŋ minaa.”

Yesaia 64:2

tamɔ bɔ ni la hãa lai tsoɔ, ni ehaa nu tswaa lɛ, koni eha ohenyɛlɔi ale ogbɛi. Ba koni obajie ohewalɛ lɛ kpo otsɔ̃ɔ ohenyɛlɔi lɛ, koni eha jeŋ maji lɛ ahe akpokpo yɛ ohiɛ!

Yeremia 5:22

Ani nyɛsheee mi gbeyei; nyɛhe kpokpooo yɛ mi, mihiɛ? Mi, ni mikɛ shia fo husu mikɛsa ŋshɔ naa, naanɔ husu ko ni ŋshɔ nyɛŋ eteke kɔkɔɔkɔ, husu ko ni bɔ fɛɛ bɔ ni ŋshɔkei aaashimɔ lɛ ahã lɛ, amɛnyɛŋ amɛwule lɛ, ni bɔ fɛɛ bɔ ni ŋshɔ aaafee hamahama ahã lɛ enyɛŋ lɛ eteke lɛ?

Ezekiel 13:5

Amɛbuuu fɔji lɛ anaa, ni amɛtswaaa gbogbo amɛwooo Israel we lɛ he, bɔ ni eeenyɛ ekpee ta naa yɛ Yehowa gbi lɛ nɔ.

Ezekiel 22:30

Hewɔ lɛ, mitao akɛ mana mɔ ko kɛjɛ amɛteŋ ni eeetswa gbogbo ni ewule lɛ, ni eeebu folɔ lɛ naa yɛ mihiɛ ehã shikpɔŋ lɛ, koni mikafite lɛ; shi minaaa mɔ ko mɔ ko.

Hosea 13:8

Mibatua nyɛ oookɛɛ oshishibrishi ni amɔmɔ ebii yɛ ehe tuaa mɔ, ni mibatserɛ nyɛmli maye yɛ minajiaŋ tamɔ jata. No ji akɛ mibatserɛ nyɛmli mɛnyɛmɛnyɛ tamɔ ŋaŋ kooloo awuyelɔ tsɛrɛɔ loo mli lɛ.

Amos 2:14

Foijee aaalaaje mɔ ni he yɔɔ oya kɛ foijee, hewalɛ aaaŋmɛɛɛ hewalɔ, ni kãkãlɔ hu nyɛŋ lɛ diɛŋtsɛ eyiwala po ehere.

Mateo 24:44

No hewɔ lɛ, nyɛ hu nyɛsaa nyɛhe nyɛtoa, ejaakɛ nɔ ŋmɛlɛtswaa ni nyɛsusuuu lɛ nɔ Gbɔmɔ Bi lɛ baa.”

Mateo 5:25

Okɛ obelɔ lɛ atsa mra, be ni okɛ lɛ nyiɛ gbɛ lɛ, koni obelɔ lɛ kɛ bo akahã kojolɔ lɛ, ni kojolɔ lɛ kɛ bo hã tsuŋwolɔ lɛ, ni akɛ bo wo tsuŋ.

Kpojiemɔ 3:3

No hewɔ lɛ, kaimɔ nɔ ni ona ni onu lɛ, ni oye nɔ, ni otsake otsui. Shi kɛ ohiɛ etsɛ̃ɛɛ lɛ, maba tamɔ julɔ, ni oleŋ nɔ ŋmɛlɛtswaa nɔ ni maba onɔ kwraa.